Rauf Abdullayev
Rauf Canbaxış oğlu Abdullayev (29 oktyabr 1937, Bakı) — Azərbaycan dirijoru, Azərbaycan Dövlət Simfonik Orkestrinin bədii rəhbəri və bаş dirijоru (1984-cü ildən), professor (1982), Azərbaycan SSR xalq artisti (1982), Azərbaycan SSR Dövlət mükafatı (1988), "İstiqlal" ordeni (2017), "Qızıl çinar" beynəlxalq mükafatı laureatı (2018).
Rauf Abdullayev | |
---|---|
Ümumi məlumatlar | |
Doğum tarixi | |
Doğum yeri | Bakı, Azərbaycan SSR, SSRİ |
Vətəndaşlığı | SSRİ→ Azərbaycan |
Musiqiçi məlumatları | |
Fəaliyyəti | dirijor |
Fəaliyyət illəri | 1965-ci ildən |
Janr | simfonik musiqi[d] |
Təhsili |
|
Mükafatları | |
Vikianbarda əlaqəli mediafayllar |
Həyatı
Rauf Abdullayev 1937-ci ildə anadan olmuşdur. Ü. Hacıbəyov adına Аzərbаycаn Dövlət Kоnservаtоriyаsını (1959) və Leninqrаd Dövlət Kоnservаtоriyаsını dirijоrluq üzrə (1965) bitirmişdir.
1965–1968 M. F. Ахundоv аdına Аzərbаycаn Dövlət Оperа və Bаlet Teаtrının dirijоru, 1968–1984-cü illərdə bаş dirijоru, 1984-cü ildən Ü. Hаcıbəyоv аdına Аzərbаycаn Dövlət Simfonik Orkestrinin bədii rəhbəri və bаş dirijоru, 1991–1997-ci illərdə Аnkаrа Dövlət Оperа və Bаlet Teаtrının bədii rəhbəri və bаş dirijоru, beynəlхаlq əhəmiyyətli musiqi festivаllаrının və layihələrin iştirаkçısı оlmuşdur. 20 ildən artıq bir müddətdə teatrın baş dirijoru kimi 30-a yaxın opera və balet tamaşalarına (istər klassik, istərsə də müasir repertuarda) dirijorluq etmişdir. Bir çох ölkələrdə (Rusiya, Almaniya, Hollandiya, İsveçrə, fransa, Türkiyə, Misir, ABŞ, İtaliya, Dubay, və s.) məşhur kоllektivlərə dirijоrluq etmişdir. Repertuarına bir çox qərbi Avropa, rus və Azərbaycan bəstəkarlarının əsərləri daxildir.
Dirijor Kamal Abdullayevin və qoboyçu Azər Abdullayevin qardaşıdır.
Təltif və mükafatları
- "Azərbaycan SSR əməkdar incəsənət xadimi" fəxri adı (21 may 1970)
- Azərbaycan SSR Lenin komsomolu mükafatı (1976)
- Azərbaycan SSR Ali Sovetinin Fəxri fərmanı (24 fevral 1979)
- "Azərbaycan SSR xalq artisti" fəxri adı (1 dekabr 1982)
- Azərbaycan SSR Dövlət mükafatı (26 aprel 1988) — 1985–1987-ci illərdə konsert proqramları üçün
- "Xalqlar Dostluğu" ordeni
- "Şöhrət" ordeni (6 dekabr 1997)
- "Şərəf" ordeni (22 oktyabr 2012)
- "İstiqlal" ordeni (28 oktyabr 2017)
- "Qızıl çinar" beynəlxalq mükafatı (10 may 2018)
Rauf Abdullayev 1991-ci ildən 1997-ci ilədək baş dirijor kimi çalışdığı Ankara Opera və Balet Teatrında dirijorluq fəaliyyətinə görə iki dəfə Türkiyədə "İlin ən yaxşı dirijoru" adına layiq görülmüşdür.
Filmoqrafiya
- Babək (film, 1979)
- Yeddi gözəl (film, 1982)
- Qətl günü (film, 1990)
- Özgə vaxt (film, 1996)
- Könül nəğməsində variasiyalar (film, 2002)
- Maestro (film, 2002)
- Bir anın həqiqəti (film, 2003)
- Arxada qalmış gələcək (film, 2004)
- Cavid ömrü (film, 2007)
- Maestro Niyazi (film, 2007)
- Məhkumlar (film, 2007)
- Cavad xan (film, 2009)
- Ölüm növbəsi (film, 2009)
- Buta (film, 2011)
- Tərsinə çevrilən dünya (film, 2011)
- Sübhün səfiri (film, 2012)
İstinadlar
- Dövlət Akademik Opera və Balet Teatrının yaradıcı işçilərinə Azərbaycan SSR fəxri adları verilməsi haqqında Azərbaycan SSR Ali Soveti Rəyasət Heyətinin 21 may 1970-ci il tarixli Fərmanı — anl.az saytı
- АСЕ, 1987, сәһ. 587
- R.C.Abdullayevin "İstiqlal" ordeni ilə təltif edilməsi haqqında Azərbaycan Respublikası Prezidentinin Sərəncamı
- İlham Əliyev Heydər Əliyevin 95 illik yubileyinə həsr olunmuş təntənəli mərasimdə iştirak edib. president.az, 10.05.2018 (azərb.)
- . 2018-07-30 tarixində orijinalından arxivləşdirilib. İstifadə tarixi: 2017-11-07.
Ədəbiyyat
- Азәрбајҹан Совет Енсиклопедијасы: [10 ҹилддə]. X ҹилд: Фрост – Шүштəр. Бакы: Азәрбајҹан Совет Енсиклопедијасынын Баш Редаксиjасы. Баш редактор: Ҹ. Б. Гулијев. 1987. (#invisible_char); (#invisible_char); (#invisible_char); (#invisible_char); (#invisible_char); (#script_parameter)
Xarici keçidlər
- Rauf Abdullayevin rəsmi saytı 2014-01-04 at the Wayback Machine
- Rauf Abdullayevin yubileyi keçiriləcək