Ramiz Əzizbəyli
Ramiz Hacı Ağa oğlu Əzizbəyli (20 iyul 1948, Bakı – 9 iyun 2021, Bakı) — Azərbaycan kino rejissoru aktyor və Azərbaycanın xalq artisti (2008), professor, Azərbaycan Dövlət Mədəniyyət və İncəsənət Universitetinin estrada və musiqili teatr rejissorluğu kafedrasının müdiri, "Şöhrət" ordeni (2018), "Hacı Zeynalabdin Tağıyev" və "Qızıl Buta" mükafatları laureatı.
| Ramiz Əzizbəyli | |
|---|---|
| Ramiz Hacı Ağa oğlu Əzizbəyli | |
| Doğum tarixi | 20 iyul 1948 |
| Doğum yeri | |
| Vəfat tarixi | 9 iyun 2021 (72 yaşında) |
| Vəfat yeri | |
| Vəfat səbəbi | ürək tutması |
| Dəfn yeri | Yasamal qəbiristanlığı |
| Milliyyəti | azərbaycanlı |
| Vətəndaşlığı | SSRİ→ Azərbaycan |
| Fəaliyyəti | aktyor, kinorejissor[d], ssenarist |
| Təhsili | |
| Mükafatları | |
| IMDb | ID 0044317 |
Həyatı
Ramiz Əzizbəyli 20 iyul 1948-ci ildə Bakı şəhərində anadan olub. M.A. Əliyev adına ADİİ-nun mədəni-maarif fakültəsini bitirib. Aktyor, rejissor. "Azərbaycanfilm" kinostudiyasında işləyir. Respublikanın xalq artistidir. 1987-ci ildə "Debüt" studiyasında çəkdiyi "Pirverdinin xoruzu" qısametrajlı bədii filmi ilə o, rejissorluq fəaliyyətinə başlayıb. Film bir neçə Beynəlxalq kinofestivalda müvəffəqiyyətlə iştirak edib, Kiyev şəhərində keçirilən Ümumittifaq festivalda isə rejissor debütünə görə mükafata layiq görülüb. 1991-ci ildə isə "Bəxt üzüyü" tammetrajlı bədii filmini çəkib. Film kinoteatrlarda nümayiş olunan ən baxımlı kassa filmi və yeni tariximizdə çəkilən ilk ən gəlirli kino işi kimi yadda qalıb. Film Daşkənddə keçirilən Asiya və Latın Amerikası ölkələrinin kinofestivalında xüsusi diploma layiq görülüb. Rejissoru olduğu "Yalan" bədii filmi isə Qarabağ probleminə, onun törətdiyi faciələrə həsr edilib.
Azərbaycan kino sənətinin inkişafındakı xidmətlərinə görə 18 dekabr 2000-ci ildə Azərbaycanın əməkdar artisti, 1 avqust 2008-ci ildə isə Azərbaycanın xalq artisti fəxri adlarına layiq görülmüşdür. 1 avqust 2018-ci ildə "Şöhrət" ordeni ilə təltif olunmuşdur.
Vəfatı
Xalq artisti üç dəfə insult keçirmişdi. O, uzun müddətdir ki, yüksək qan təzyiqi və şəkərdən əziyyət çəkirdi. Onun bir ayağındakı barmaqları amputasiya edilmişdi. Bir müddət əvvəl sənətkar Zığ qəsəbəsində yerləşən koronavirus xəstələrinin müalicə aldığı modul tipli hospitala yerləşdirilmişdi. Onun infarkt keçirdiyi açıqlanmışdı. Ramiz Əzizbəyli 9 iyun 2021-ci ildə uzun sürən xəstəlikdən sonra vəfat etmişdir. Sənətkar Qurd qapısı qəbiristanlığında dəfn edilib.
Filmoqrafiya
- 100 (film, 1985)(qısametrajlı bədii film-Mozalan № 100) - rol: satıcı
- 777 №-li iş (film, 1992)(tammetrajlı bədii film)
- 777 №-li müəssisədə (film, 1988)(qısametrajlı bədii süjet-Mozalan № 129)
- Ad günü (film, 1977)(tammetrajlı bədii film)-filmi səsləndirən: Eldar (Yaşar Nuri)
- Adi əhvalat (film, 1991)(qısametrajlı bədii süjet-Mozalan № 161)-səs: liftçi
- Axtaran tapar (film, 1980) - film səsləndirən: satıcı (Kamil Məhərrəmov)
- Alıcının sərgüzəşti (film, 1976) - rol: satıcı
- Alma almaya bənzər (film, 1975)(tammetrajlı bədii film)-rol: satıcı; səsləndirən: Həsən (Rauf Gözəlov)
- Alman klinikasına şəxsi səfər (film, 1988)(tammetrajlı bədii film)-rol: Leon Montaşev; səsləndirən: Əbilov (Şahin Cəbrayılov)
- Arayış (film, 1986) - rol: həkim
- Arvadım mənim, uşaqlarım mənim (film, 1978) - rol: Səfər
- Asif, Vasif, Ağasif (film, 1983) - rol: milis nəfəri
- Aşkarsızlıq şəraitində... (film, 1986) - film səsləndirən: gözətçi(Məbud Məhərrəmov),Krultsov(Xerardo Kontrares)
- Bağ mövsümü (film, 1985) - rol: Əmirqulu
- Bayquş gələndə... (film, 1978) - film səsləndirən: Vasif (Fikrət Məmmədov)
- Belə də olur (film, 1988)
- Bəlkə... (film, 1985)
- Bəxt üzüyü (film, 1991) - ssenari müəllifi,quruluşçu rejissor,mahnı ifa edən,rol: sərxoş,film səsləndirən: milis nəfəri(Arif Quliyev),qatıqsatan
- Bəyin oğurlanması (film, 1985) - rol: İsabala
- Bir məhəllədən iki nəfər (film, 1957) - rol: ayaqyalın uşaq
- Bir nömrəli... (film, 1980)
- Biz qayıdacağıq (film, 2007) - film səsləndirən: Çəkməçi (Firuz Xudaverdiyev)
- Bizim küçənin oğlanları (film, 1973) - rol: məhəllə sakini,film səsləndirən: Tofiq (Salam İsmayıl)
- Buta (film, 2011) - film səsləndirən: Baba (Rafiq Əzimov)
- Cavid ömrü (film, 2007) - rol: Cavidin atası
- Cin mikrorayonda (film, 1985) - mahnı ifa edən,rol: Tofiq,film səsləndirən: Cin (Rəşid Mahmudzadə)
- Çexski unitaz (film, 1985)
- Çıxış yolu (film, 1984)
- Daha bir fənd (film, 1978)
- Dərviş Parisi partladır (film, 1976) - rol: nökər
- Əcəmi Naxçıvani (film, 1976) - Mahnı ifa edən
- Əhməd haradadır? (film, 1983)
- Əlavə təsir (film, 2010) - rol: psixoloq Ramiz Qurbanov
- Əmək və qızılgül (film, 1962) - rol: Şəpi
- Ənvər Həsənov. Yeddi oğuldan biri (film, 2007)
- Fədailər (film, 1986)
- Fənd (film, 1978)
- Foto həvəskarı (film, 1985)
- Gecəniz xeyrə qalsın (film, 1977)
- Gedərgəlməz (film, 1984)
- Gedərsən bizə... (film, 1990)
- Gözlə məni (film, 1980) - film səsləndirən: nökər (Kamil Məhərrəmov)
- Güllələnmə təxirə salınır!... (film, 2002) - film səsləndirən: "Eynəkli" (İbrahim Əliyev)
- Gümüşgöl əfsanəsi (film, 1984) - rol: Tofiq
- Güzgü (film, 1990)(II) - rol: Nəsir
- Halal pullar (film, 2008)
- Hədiyyə (film, 1974)
- Hədiyyə (film, 1986)
- Xəbərdarlıq (film, 1985)
- Xüsusi vəziyyət (film, 1986)
- İbrət dərsi (film, 1984)
- İlişdim (film, 1983)
- İntizam (film, 1983) - rol: Babayevin tanışı
- İşarəni dənizdən gözləyin (film, 1986) - rol: Mustafa
- İşgüzar adamlar (film, 1977)
- Jonqlyor (film, 1986)
- Kişiləri qoruyun (film, 2006)
- Kitabi Dədə Qorqud. Basat və Təpəgöz (film, 2003)
- Köhnə bərə (film, 1984) - rol: Kərim
- Kommersiya (film, 1992)
- Kontor (film, 1978)
- Qanlı zəmi (film, 1985) - rol: Koxa
- Qara "Volqa" (film, 1994) - film səsləndirən: Əbdülxalıq (Süleyman Əhmədov)
- Qayınana (film, 1978) - film səsləndirən: Alverçi (Kamil Məhərrəmov)
- Qəm pəncərəsi (film, 1986)
- Qərib cinlər diyarında (film, 1977)
- Qəzəlxan (film, 1991)
- Qızıl uçurum (film, 1980)
- Qisas almadan ölmə. Keçmişdən məktublar (film, 2014)
- Qorxma, mən səninləyəm (film, 1981)
- Qovğalı kəndinin gecələri (film, 2008)
- Layiqli namizəd (film, 1984)
- Məğlubedilməzlər (film, 1983)
- Mən mahnı qoşuram (film, 1979)
- Məşədi İbad-80, yaxud köhnə tanışlar (film, 1980)
- Mübadilə (film, 1983)
- Müqavilə (film, 1978)
- Mürafiə vəkillərinin hekayəti (film, 2011)
- Musiqi müəllimi (film, 1983)
- Nəvəmin nəvəsinin nəvəsi (film, 1985)
- Orijinal üsul (film, 1983)
- Otel otağı (film, 1998) - rol: Müğənni
- Ölsəm... bağışla (film, 1989)
- Ömrün səhifələri (film, 1974)
- Park (film, 1983)
- Pirverdinin xoruzu (film, 1987)
- Poliqlotlar (film, 1974)
- Putyovka (film, 1975)
- Sınaq (film, 1985)
- Sizi, kiçik toy məclisinə dəvət edirik. (film, 1979)
- Sübhün səfiri (film, 2012)
- Şahid qız (film, 1990)
- Şeytan göz qabağında (film, 1987)
- Şir evdən getdi (film, 1977)
- Talada ev (film, 1986)
- Telefon macəraları (film, 1990)
- Təhminə (film, 1993)
- Tətil (film, 1991)
- Təzə evlənənlər üçün çətir (film, 1986) (dublyaj; rol: Tolya)
- Uğurlu təyinat (film, 1984)
- Üzeyir ömrü (film, 1981)
- Yaxşı qurtardıq (film, 1985)
- Yalan (film, 2005)
- Yanğın (film, 1975)
- Yol əhvalatı (film, 1980) - film səsləndirən: Paşa (Kamil Məhərrəmov)
- Yuxu (film, 2001) - film səsləndirən: Əliabbas (İlham Qasımov)
İstinadlar
- ↑ http://www.aztv.az/en/news/13447/peoples-artist-ramiz-azizbayli-buried
- https://qafqazinfo.az/news/detail/ramiz-ezizbeyli-vefat-etdi-326220
- Azərbaycan kino xadimlərinə fəxri adların verilməsi haqqında Azərbaycan Respublikası Prezidentinin sərəncamı
- Ramiz Əzizbəyli: "Məni öldürmək istəyirdilər…"
- . 2014-08-11 tarixində orijinalından arxivləşdirilib. İstifadə tarixi: 2014-03-29.
- President.Az (01.08.2018). "Azərbaycanın kino xadimlərinin təltif edilməsi haqqında Azərbaycan Respublikası Prezidentinin Sərəncamı" (azərb.). President.az. İstifadə tarixi: 2018-08-01.
- Ramiz Əzizbəyli vəfat etdi
- Ramiz Əzizbəyli dəfni
- Ramiz Əzizbəyli dəfn edildi
Xarici keçidlər
- Ramiz Əzizbəylinin bioqrafiyası – www.adam.az 2016-03-05 at the Wayback Machine
- Xalq artisti: "Yazılanlar yalandır, dövlət mənə nə lazımdırsa hamısını edir" 2015-08-11 at the Wayback Machine