Rafael Ağayev

Rafael Ağayev (4 mart 1985(1985-03-04), Sumqayıt) — Azərbaycan karateçisi, 5 dəfə dünya, 11 dəfə Avropa çempionu.

Rafael Ağayev
Rafael Ağayev
Şəxsi məlumatlar
Tam adı	Rəfael Mahir oğlu Ağayev
Vətəndaşlığı	Azərbaycan
Doğum tarixi	4 mart 1985(1985-03-04) (36 yaş)
Doğum yeri	Sumqayıt, Azərbaycan SSR, SSRİ
Karyera illəri	2003–indiyə kimi
Boyu	1,66 m
Çəkisi	74 kq
İdman növü	Karate
Medallar Olimpiya Oyunları Gümüş 2020 Tokio Kumite — 75 kq. Avropa Oyunları Qızıl 2019 Minsk Kumite — 75 kq Gümüş 2019 Minsk Kumite — 75 kq İslam Həmrəyliyi Oyunları Bürünc 2005 Məkkə Kumite — 65 kq Qızıl 2013 Palembanq Kumite — 75 kq Qızıl 2017 Bakı Kumite — 75 kq Dünya Çempionatı Qızıl 2006 Tampere Kumite — 70 kq Qızıl 2008 Tokio Kumite — 70 kq Qızıl 2008 Tokio Kumite — açıq Qızıl 2010 Belqrad Kumite — 75 kq Gümüş 2010 Belqrad Kumite — komanda Gümüş 2012 Paris Kumite — 75 kq Qızıl 2016 Linz Kumite — 75 kq Bürünc 2018 Madrid Kumite — 75 kq Avropa Çempionatı Qızıl 2004 Moskva Kumite — 65 kq Qızıl 2005 Tenerife Kumite — açıq Qızıl 2007 Bratislava Kumite — 70 kq Qızıl 2007 Bratislava Kumite — açıq Qızıl 2008 Tallin Kumite — açıq Qızıl 2009 Zaqreb Kumite — 75 kq Qızıl 2010 Afina Kumite — 75 kq Qızıl 2013 Budapeşt Kumite — 75 kq Qızıl 2015 İstanbul Kumite — 75 kq Qızıl 2016 Monpelye Kumite — 75 kq Gümüş 2008 Tallin Kumite — 70 kq Bürünc 2008 Tallin Kumite — komanda Bürünc 2009 Zaqreb Kumite — komanda Bürünc 2010 Afina Kumite — komanda Bürünc 2011 Sürix Kumite — 75 kq Bürünc 2012 Tenerife Kumite — 75 kq Bürünc 2012 Tenerife Kumite — komanda Bürünc 2015 İstanbul Kumite — komanda Dünya Oyunları Qızıl 2013 Santa Klara Kumite — 75 kq Dünya Döyüş Oyunları Qızıl 2013 Sankt-Peterburq Kumite — 75 kq

Həyatı

Ağayev Rafael Mahir oğlu 4 mart 1985-ci ildə Sumqayıt şəhərində anadan olub.

Atasının yolu ilə gedərək 7 yaşından futbolla məşğul olub. Eyni zamanda ilk məşqçisi, Rafael Məmmədovun məktəbində karate ilə məşğul olmağa başlayıb. İlk məşqçisi onda karateyə qarşı böyük sevgi oyada bilmiş, ona ilk vərdiş və bacarıqları alışdırmışdır. İlk milli yarışlarda iştirak etməklə o, diqqəti özünə çəkmiş və Füzuli Musayevin rəhbərliyi altında respublikanın ən məşhur idman klublarından biri olan "Budokan"da məşq etməyə başlamışdır.

 

Rəfael Ağayev reklamda

Rəfael artıq ilk respublika çempionatında bütün rəqibləri üzərində inamlı qələbə qazanaraq Milli Karate Federasiyasının prezidenti Yaşar Bəşirovun diqqətini cəlb edə bilmişdi. O, beynəlxalq yarışlarda ilk dəfə olaraq milli yığma komandanın tərkibində 1997-ci ildə,Macarıstanda keçirilən açıq Dünya Kubokunda iştirak etmişdir. Növbəti il o, İngiltərənin açıq çempionatının qalibi olmuş və bundan sonra, heç bir yarışdan medalsız geri qayıtmamışdır.

Rəfael Ağayev, karate ilə məşğul olmağa yeddi yaşında başlayıb. İdmanda atdığı ilk addımlarda Rafael Məmmədovun (məşqçi) rolu həlledicidir. Brüs Linin lent yazılarını seyr etmək Rəfaeli ruhlandırırdı. Həmin vaxtı o uşaq idi və Brüs Linin məşq etdiyi kunq-fu idman növünü karate ilə səhv salırdı. Uşaqlıqda dəcəl olduğu üçün valideynləri onun karate ilə məşğul olmağına qərar verdilər. Valideynləri onu həvəsləndirirlər. Həmişə yarışdan əvvəl Allaha dua edir. 2013-cü ildə ayağından zədə aldığı üçün 2014-cü ilə yarışlara qatıla bilmədi. 2015-ci ildə yenidən var gücü ilə mübarizə aparmağa başlamışdır.

İtaliyanın "Yuventus" klubunun sadiq azarkeşidir.

Təhsili

2003-cü ildə 21 №-li orta məktəbi bitirdikdən sonra Azərbaycan Dövlət Bədən Tərbiyəsi və İdman Akademiyasının təkmübarizlik fakültəsinə daxil olmuş, 2007-ci ildə oranı güləşmə və onun metodikası karate üzrə məşqçi-müəllim ixtisası üzrə bitirmişdir.

Peşəkar karyerası

Hərbi xidmətdən sonra perspektiv idmançı kimi Azərbaycan Müdafiə Nazirliyinin idman klubuna keçirilmişdir.

Birinci Avropa Oyunlarında

75 kiloqram çəki dərəcəsində karatenin kumite növü üzrə Rəfael Ağayev 2015 Avropa Oyunlarında ilk görüşü ukraynalı İlya Nikulinə 3:0 hesabı ilə qalib gəlmişdir. İdmançı ikinci görüşdə türkiyəli Erman Eltemura 3:5 hesabı ilə məğlub olmuşdur. Qrupun son görüşündə latviyalı Ruslan Sadıqova 3:1 hesabı ilə qalib gələn Rəfael Ağayev yarımfinala yüksələ bilmişdir. O, yarımfinalda Almaniya idmançısı Noah Bitchini 1:0 hesabı ilə məğlub edərək final görüşünü İtaliya idmançısı Luici Busa ilə keçirmişdir. O, görüşün son saniyələrində fərqlənərək birinci Avropa Oyunlarının çempionu adını qazanmış, qızıl medala sahib olmuşdur.

Həmçinin Bax

• Ayxan Mamayev
• Niyazi Əliyev
• Şahin Atamov

İstinadlar

1. "aghayev_rafael" (ingilis). instagram.com. İstifadə tarixi: 2019-07-01.
2. "Rafael Ağayev: Oğlumun "Yuventus"da oynamasını istəyirəm – VİDEO". oxu.az. oxu.az. 18 may 2017 tarixində arxivləşdirilib. İstifadə tarixi: 18 may 2017.
3. Karate.az: Rafael Ağayev
4. . 2015-06-17 tarixində orijinalından arxivləşdirilib. İstifadə tarixi: 2015-06-25.

Xarici keçidlər

• aghayev.pro 2014-12-30 at the Wayback Machine  (rus.)  (ing.)