Nürəddin Novruzov

Nürəddin Novruzov (18 noyabr 2003, Gəncə) — Azərbaycanı təmsil edən sərbəst güləşçi.

Nürəddin Novruzov
Şəxsi məlumatlar
Tam adı	Nürəddin Bəxtiyar oğlu Novruzov
Vətəndaşlığı	Azərbaycan
Doğum tarixi	18 noyabr 2003(21 yaş)
Doğum yeri	Gəncə, Azərbaycan
Boyu	168 sm.
İdman növü	Güləş
Karyera illəri	2013–
Medallar Avropa Çempionatı Bürünc 2024 Buxarest 61 Kq.
Vikianbarda əlaqəli mediafayllar

Həyatı

Nürəddin Novruzov 18 noyabr 2003-cü ildə Gəncə şəhərində anadan olub. 2013-cü ildə güləşlə məşğul olmağa başlayıb. Adil İbrahimovun rəhbərliyi altında məşq edir, Neftçi İdman Klubunda çıxış edir. Kiyev Əmək və Sosial Münasibətlər Akademiyasında təhsil alıb.

Karyerası

Nürəddin Novruzov 2021-ci ildə Rusiyanın Ufa şəhərində gənclər arasında Dünya Çempionatını beşinci pillədə başa vurdu. 2022-ci il ərzində Roma şəhərində (İtaliya) U-20 Avropa Çempionatında 10-cu, Sofiya şəhərində (Bolqarıstan) U-20 Dünya Çempionatında isə 15-ci pillələrin sahibi olan Nürəddin Novruzov 2023-cü ildə Rumıniyanın Buxarest şəhərində U-23 Avropa Çempionatını beşinci pillədə başa vurdu.

2024-cü ildə Nürəddin Novruzov sərbəst güləş üzrə Azərbaycan yığmasının əsas heyətinə cəlb edildi. Yanvarda Xorvatiyanın Zaqreb şəhərində baş tutan Zagreb Open beynəlxalq turnirinin bürünc medalına sahib olan Nırəddin Novruzov fevralda Rumıniyanın Buxarest şəhərində baş tutan Avropa Çempionatını da bürünc medalla başa vurdu. Mayda Azərbaycanda baş tutan U23 Avropa Çempionatında da bürünc medalın sahibi olan Novruzov həmin il Tirana şəhərində (Albaniya) Dünya Çempionatında debüt etdi və turniri medalın bir addımlığında – beşinci pillədə tamamladı. Novruzov 2023 və 2024-cü illərdə ardıcıl olaraq 2 dəfə Azərbaycan Çempionatının qalibi oldu.

2025-ci ildə Nürəddin Novruzov birinci uğurunda fevralda Xorvatiyada baş tutan Zagreb Open beynəlxalq turnirinin bürünc medalına sahib olmaqla imza atdı. Apreldə isə Bratislava şəhərində Avropa Çempionatını doqquzuncu pillədə başa vurdu.

Nəticələri

Sıra	İl	Yarış	Ev sahibi	Nəticə
1	2021	Gənclərin Dünya Çempionatı	Rusiya	5.
2	2022	U20 Avropa Çempionatı	İtaliya	10.
3		U20 Dünya Çempionatı	Bolqarıstan	15.
4	2023	U23 Avropa Çempionatı	Rumıniya	5.
5	2024	Zagreb Open	Xorvatiya	3.
6		Avropa Çempionatı	Rumıniya	3.
7		U-23 Avropa Çempionatı	Azərbaycan	3.
8		Dünya Çempionatı	Albaniya	5.
9	2025	Zagreb Open	Xorvatiya	3.

İstinadlar

1. International Wrestling Database. "NURADDIN NOVRUZOV". www.iat.uni-leipzig.de (ingilis). 2022-08-04. 2024-02-20 tarixində arxivləşdirilib. İstifadə tarixi: 04.08.2022.