Nita Ambani

Nita Ambani (ing. Nita Ambani, hind नीता अंबानी; d. 1 noyabr 1963, Mumbay, Hindistan) — Hindistanlı xeyriyyəçi; dünyanın ən zəngin adamlarından biri olan Mukeş Ambaninin həyat yoldaşı.

Nita Ambani
2012-ci il
Doğum tarixi	1 noyabr 1963 (57 yaş)
Doğum yeri	Mumbay, Hindistan
Vətəndaşlığı	Hindistan
Həyat yoldaşı	Mukeş Ambani
Uşaqları	İşa, Anant, Akaş
Milliyyəti	hind
Təhsili	Mumbay Universiteti
Fəaliyyəti	xeyriyyəçi
Vikianbarda əlaqəli mediafayllar

Həyatı

Nita Ambani 1 noyabr 1963-cü ildə Hindistanın Mumbay şəhərində, orta sinif bir ailədə anadan olmuşdur. Onun atası Birlada baş icraçı idi.

Nita Mumbay Universitetində bakalavr təhsili almışdır.

O, həmişə Hind klassik rəqsinə maraq göstərmişdir və bu sahədə karyera qurmaq istəyirdi. Hazırda o, bir müəllim olaraq interyer dizayneri kimi ixtisas kursları keçirir.

Nita Ambani qaynatasının adını daşıyan Dxirubxay Ambani Beynəlxalq Məktəbinə rəhbərlik edir. Özünün yaratdığı həmin məktəb Mumbayda 2003-cü ildən fəaliyyət göstərir. Hazırda Mumbayın ən öncül məktəblərindən biridir və Hindistanda Beynəlxalq Bakalavr Proqramını təklif edən 37 məktəbdən biridir.

O, 18 iyun 2014-cü ildə "Reliance Industries Limited" şirkətinin İdarə Heyətinin direktoru vəzifəsinə təyin edilib.

İctimai fəaliyyəti

Xanım Ambani Dxirubxay Ambani Fonduna rəhbərlik edir. Hansı ki, bu fond yoxsul olan insanların təhsil və səhiyyə xidmətlərinin təşkili istiqamətində fəaliyyət göstərən qeyri-kommersiya təşkilatıdır.

O, həmçinin Hindistanda HİV epidemiyasının qarşısının dayandırılmasına doğru yönəldilmiş Reliance Industries və UNAIDS ilə də sıx əməkdaşlıq edir.

Nita Ambani görmə qabiliyyəti zəif və ya tam məhdud olan insanlara dəstək məqsədilə də bir sıra unikal təşəbbüslər göstərmiş, layihələr həyata keçirmişdir. Belə layihələrdən biri çərçivəsində o, iki həftədə bir dəfə olmaqla Brayl əlifbası ilə qəzetin nəşrinə başlamışdır.

Ailəsi

Nita Ambani Hindistan milyonçusu Mukeş Ambani ilə evlidir. Onların bu nikahdan 3 uşaqları var: İşa, Anant və Akaş.

Ailəsi ilə birlikdə Mumbayda – Mukeş Ambaninin tikdirdiyi "Antilia" adlanan göydələndə yaşayır.

Maraqlı fakt

Həyat yoldaşı Mukeş Ambaninin dünyaya səs salan addımlarından biri ona etdiyi doğum günü hədiyyəsidir. Belə ki, Mukeş Nitaya 44-cü doğum günündə həmin vaxt dəyəri 60 milyon ABŞ dolları məbləğində olan "Airbus 319" təyyarəsini alıb.

Şəkilləri

•  
•  
•  

İstinadlar

1. Leyla Əliyeva. "Milyonçu" layihəsi: Altı yüz qulluqçu ilə 27 mərtəbəlik binada qalan milyarder. publika.az, 25.07.2014  (azərb.)
2. "Dhirubhai Ambani International School". da-is.org
3. . Da-is.org. 1 February 2014 tarixində orijinalından arxivləşdirilib. İstifadə tarixi: 31 December 2010.
4. Priya Tanna (19 August 2005). "Nita Ambani speaks her mind". DNAIndia.com.
5. "Nita Ambani joins as a Director on the Board of Reliance Industries Ltd". IANS. news.biharprabha.com. İstifadə tarixi: 18 June 2014.
6. "Nita Ambani to deliver lecture at LSE – The Times of India". Timesofindia.indiatimes.com. 15 October 2010. İstifadə tarixi: 31 December 2010.
7. Max, on 7 June 2010 (7 June 2010). "Nita Ambani". Theconsumerism.com. İstifadə tarixi: 31 December 2010.^{[ölü keçid]}
8. "Reliance Foundation launches first Hindi mag in Braille, IBN Live News". Ibnlive.in.com. 10 May 2011. İstifadə tarixi: 20 March 2012.^{[ölü keçid]}
9. "India's young billionaire heirs and heiresses". İstifadə tarixi: 7 January 2014.
10. Karısına 60 milyon dolarlık Airbus hediye etti. hurriyet.com.tr, 03.11.2007  (türk.)

Xarici keçidlər

• Nita Ambani, Chairperson Dhirubhai Ambani International School
• Foundation to help society
• Reliance likely to nominate Nita Ambani to EIH board
• Join the movement that is India, Nita Ambani tells the world at LSE
• Reliance Foundation Official Website | NGO in India led by Nita Ambani