Natiq Axund

Natiq Axund (15 fevral 1975(1975-02-15), Lənkəran) — azərbaycanlı kino-rejissor, prodüsser, ssenarist və aktyor.

Natiq Axund
Natiq Namiq oğlu Axundov
Digər adı	Natiq Namiq oğlu Axundov
Doğum tarixi	15 fevral 1975 (46 yaş)
Doğum yeri	Lənkəran, Azərbaycan SSR, SSRİ
Milliyyəti	azərbaycanlı
Vətəndaşlığı	SSRİ→ Azərbaycan
Uşaqları	3: 2 qız, 1 oğlan
Atası	Namiq Axundov
Fəaliyyəti	kino prodüseri
Fəaliyyət illəri	1998 — h.h.
Təhsili	Lənkəran Dövlət Universiteti Azərbaycan Dövlət Mədəniyyət və İncəsənət Universiteti
Tanınır	kino-rejissor, prodüsser, ssenarist və aktyor

Həyatı

Natiq Namiq oğlu Axundov 15 fevral 1975-ci ildə Azərbaycan SSR-in Lənkəran şəhərində musiqiçi ailəsində anadan olub. Lənkəran şəhər 1 nömrəli məktəbdə təhsil almış, 1994-cü ildə Lənkəran Dövlət Universitetinə daxil olub. Humanitar fakültəsində, Tarix ixtisası üzrə təhsil alıb. Tələbəlik illərindən ictimai, ölkədə tanınmış şən və hazırcavablar klubu (kvn) olan "Lumu" komandasının kapitanı olmuşdur. 1998-ci ildə LDU-nu bitirmiş, elə həmin il Azərbaycan Dövlət Mədəniyyət və İncəsənət Universitetinin Teatr və kino fakültəsinin "Kinorejissorluq" ixtisasına daxil olub. Kurs rəhbəri kinorejissor Eldar Quliyev olub.

1998-ci ildən etibarən Bakıda yaşamış və rejissorluq sənəti üzrə fəaliyyət göstərməyə başlayıb. Televiziya kanallarında tele-proqram rejissoru, layihə rəhbəri, serialda rejissor, aparıcı və s. kimi işlərdə çalışmağa başlayıb. 2008-ci ildə "Qaçan Atlar Production" kino-şirkətini yaradıb və o vaxtdan bu şirkətə rəhbərlik edir. Film, serial, reklam, klip sahəsi üzrə fəaliyyətləri var. Bu illər ərzində "production"un istehsal etdiyi, ictimai, aktual mövzulu sosial filmlərdə rejissor, ssenarist, prodüsser, aktyor kimi fəaliyyətləri var. İştirak etdiyi bir çox festivallarda rejissor, ssenarist nominasiyaları üzrə qalib olmuş, diplom və mükafata layiq görülüb.

2018-ci ilin fevralından İstanbulda yaşayır.

Ailəlidir, üç övladı var: İki qız, bir oğlan: Rüqəyyə, Əbülfəzl, Əsmanur. Bir neçə filmlərində övladları da rol alıb.

Fəaliyyəti

 

Natiq Axund kamera arxasında

ANS telekanalında aşağıdakı veriliş və proqramların rejissoru olub:

• "Cinayət işi" verilişində rejissor.
• "Qulp" satirik proqramının yumoristik epizodlarının rejissoru.
• "Salam Azərbaycan" səhər informasiya proqramında rejissor.
• Peyğəmbərlərin həyatı və əlamətdar hadisələrdən bəhs edən "Əbədi Səadətə Aparan Yol" proqramında layihə rəhbəri, rejissor və aparıcı.

ATV telekanalında yayımlanmış "Həkimlər" serialında rejissor, aktyor.

Xəzər TV-də yayımlanmış "Yaşananlar" silsiləvi filmlər layihəsində rejissor, aktyor.

İnterAz TV kanalının Bakı yayımında, ilk tv fəaliyyət yaradıcısı, Baş prodüsser, rejissor, layihə rəhbəri və həmçinin "Bir an ayaq saxla!" elmi kütləvi proqramı ilə "Əbədi Səadətə Aparan Yol" layihələrinin aparıcısı olub.

Azərbaycan, Türkiyə birgə internet tv kanalı olan Vision TV-də baş rejissor kimi fəaliyyətləri olub.

Hazırda 2008-ci ildə təsis etdiyi "Qaçan Atlar Production" şirkətinə rəhbərlik edir.

2017-ci ildə Natiq Axundun ssenaristliyi və rejissorluğu ilə çəkilmiş bir reklam çarxı Azərbaycan mətbuatında geniş əks-səda doğurmuş, Axund bu hadisəyə görə hətta polisə belə çağrılıb.

"Dünyada Bir Gün" həyat hadisələrindən ibarət filmlər, sosial şəbəkələrdə yüksək sayda izləyici marağına səbəb olub. Hər biri alt yazı ilə ingilis dilinə tərcümə olunub. O silsilədən olan "Ramazan Payı" filmi, dünyanın bir cox ölkələrində izlənmiş, Türkiyədə, türk dilində, o cümlədən Almaniyada alman dilinə subtitr ilə tərcümə olunub yayımlanmışdır.

Filmoqrafiyası

 

Natiq Axund ("Həkimlər" teleserialının kadr arxası)

 

Dünyada bir gün silsiləvi filmlər layihəsinin posteri

1. Bibo (etüd, 2000)
2. Biz kimik (etüd, 2001)
3. Cinayət işi (veriliş) — ANS TV
4. Qulp (veriliş) — ANS TV
5. Salam, Azərbaycan (veriliş) — ANS TV
6. Yaşananlar (filmlər silsiləsi, 2007–2008) — Xəzər TV

   "Tamahkar" (2008)

   "Kor həqiqət" (2008)

   "Nəfs" (2008)

   "Böhtan" (2008)

7. Qeyri-adi cihaz (film)
8. Kişi zəngi (yumoristik, satirik qısametrajlı film, Tozalan)
9. Bir an ayaq saxla! (veriliş, 2011) — İnteraz TV
10. Əbədi Səadətə Aparan Yol (veriliş, 2012) — ANS TV
11. Həkimlər (teleserial, 2012) — ATV
12. Əbədi Səadət Yolu (veriliş, 2014) — İnteraz TV
13. Dünyada bir gün (filmlər silsiləsi)

    Yad qonşular (2014)

    Ramazan payı (2016)

    Möcüzə (2016)

    Boşanma (2017)

    Zəhranın ruhu (2017)

    Sirli Gecə (2017)

14. Hüdudsuz (buktreyler, 2016)
15. Uzaq, həm də çox yaxın (film, 2017)

 

Mükafatlar

2000: Bibo (etüd, 2000): "Ümidli Gələcək" festivalı rejissor işi üzrə mükafat
2001: Biz kimik (etüd, 2001): Bakıda ilk dəfə təşkil olunmuş audioviziya festivalı mükafatı
2015: "Yeni Sabah" film festivalı rəhbəri
2016: Hüdutsuz (buktreyler, 2016): Kitab treyleri (tanıtımı) festivalı qaliblərindən
2016: Azərbaycanda ilk DSD reklam layihəsində rejissor və prodüsser
2017: Kazan XIII Beynəlxalq Müsəlman Kinosu festivalı

İstinadlar

1. İstanbulda yaşayan azərbaycanlı rejissor: "Riyakar adamlar günbəgün çoxalırlar"
2. Bahar Rüstəmli (2012-11-22). "Rejissor Natiq Axundu kim bıçaqladı?" ( (azərb.)). aznews.az. 2018-07-22 tarixində . İstifadə tarixi: 2018-07-22.
3. ""Rejissor Natiq Axund şəhərdəki qalmaqalla bağlı Səbail Rayon polis idarəsinə cağırıldı."" ( (azərb.)). mustaqil.az. 2017-11-06. 2018-07-26 tarixində . İstifadə tarixi: 2018-07-22.
4. "Kinorejissor Natiq Axund prodakşnların problemlərindən danışdı" ( (azərb.)). faktxeber.com. 2013-04-27. 2018-07-22 tarixində . İstifadə tarixi: 2018-07-22.
5. M. Mükərrəmoğlu (2017-09-15). "Azərbaycan Beynəlxalq müsəlman kinosu festivalında" ( (azərb.)). xalqqazeti.com. 2017-09-18 tarixində . İstifadə tarixi: 2018-07-22.
6. "Azərbaycan filmləri Kazanda müsəlman kinosu festivalında təqdim edilib" ( (azərb.)). naxcivantv.az. 2017-11-16 tarixində . İstifadə tarixi: 2018-07-22.
7. "Bu qısa film sizin həyatınızı dəyişə bilər - VİDEO" ( (azərb.)). faktxeber.com. 2016-09-27. 2018-07-22 tarixində . İstifadə tarixi: 2018-07-22.
8. "Bakıda "Boşanma" filminin təqdimatı keçirildi - FOTO" ( (azərb.)). islamazeri.com. 2017-04-27. 2018-07-22 tarixində . İstifadə tarixi: 2018-07-22.
9. "Rejissoru Natiq Axund keçmiş və indiki həyat yoldaşları ilə birgə şəkil çəkdirdi (VIDEO,FOTO)" ( (azərb.)). xeberman.com. 2017-04-28. 2018-07-22 tarixində . İstifadə tarixi: 2018-07-22.
10. "Rejissoru Natiq Axund boşanma mövzusunda qısametrajlı film çəkdi - VİDEO" ( (azərb.)). faktxeber.com. 2017-04-28. 2017-10-29 tarixində . İstifadə tarixi: 2018-12-23.
11. "Natiq Axund "Sirli Gecə" adlı ibrətli film çəkdi" ( (azərb.)). xeberman.com. 2017-06-30. 2018-07-22 tarixində . İstifadə tarixi: 2018-07-22.
12. ""Sirli Gece" adlı qısa film həyat hekayəsi əsasında çəkilib" ( (azərb.)). hedef14.org. 2017-06-28. 2018-07-22 tarixində . İstifadə tarixi: 2018-07-22.
13. "Uzaq, həm də çox yaxın - Hacı Sərdar Hacıhəsənli barədə bədii film" ( (azərb.)). deyerler.org. 2017-09-06. 2018-10-30 tarixində arxivləşdirilib. İstifadə tarixi: 2018-07-31.
14. "Uzaq, həm də çox yaxın - Hacı Sərdar Hacıhəsənli barədə bədii film" ( (azərb.)). maide.az. 2017-09-03. 2018-07-31 tarixində . İstifadə tarixi: 2018-07-31.
15. Xəyal Şükür (2015-04-23). "İnterAz-ın misli görülməmiş "Yeni Sabah" film müsabiqəsi davam edir" ( (azərb.)). interaztv.com. 2015-06-27 tarixində . İstifadə tarixi: 2018-12-18.
16. Fariz (2016-04-27). "Buktreyler festivalının nəticələri açıqlandı" ( (azərb.)). medeniyyet.az. 2018-12-23 tarixində . İstifadə tarixi: 2018-12-23.

Həmçinin bax

Xarici keçidlər

• Natiq Axund — Facebook səhifəsi
• Natiq Axund — Instagram səhifəsi
• Natiq Axund kanalı — YouTube
• "Tanınmış rejissor Natiq Axundla "Kadrdan Kənar"" ( (azərb.)). islaminsesi.info. 2017-07-18. 2018-07-22 tarixində . İstifadə tarixi: 2018-07-22.
• "Rejissor Natiq Axund: "Komediyaya olan tələbat insanların gərginliyi ilə əlaqəlidir"" ( (azərb.)). islamazeri.com. 2017-02-11. 2018-07-22 tarixində . İstifadə tarixi: 2018-07-22.
• "Tanınmış rejissor Natiq Axund: "Bu, mənə qarşı təxribatdır" - FOTO" ( (azərb.)). islamazeri.com. 2016-10-19. 2017-06-11 tarixində . İstifadə tarixi: 2018-07-22.
• Samir Mirzə (2018-01-16). "Azərbaycanlı rejissordan qalmaqallı sözlər: "Çılpaq birini filmə çəkib, pul qazanırlar"" ( (azərb.)). Minval.İnfo. 2018-07-22 tarixində . İstifadə tarixi: 2018-07-22.