Namiq Abdullayev (milli qəhrəman)

Namiq Vahid oğlu Abdullayev — Azərbaycanın Milli Qəhrəmanı; Qarabağ müharibəsi şəhidi.

Namiq Abdullayev
Namiq Vahid oğlu Abdullayev
Şəxsi məlumatlar
Doğum tarixi	10 may 1974
Doğum yeri	Avşar, Ağcabədi rayonu, Azərbaycan SSR
Vəfat tarixi	9 fevral 1993 (18 yaşında)
Vəfat yeri	Xocavənd, Azərbaycan Respublikası
Vəfat səbəbi	Şəhid
Dəfn yeri	Avşar, Ağcabədi rayonu
Vətəndaşlığı	SSRİ→ Azərbaycan
Hərbi fəaliyyəti
Mənsubiyyəti	Azərbaycan Ordusu
Qoşun növü	Quru qoşunları
Xidmət illəri	1992-1993
Rütbə	Əsgər
Döyüşlər	Qarabağ müharibəsi
Təltifləri

Həyatı

Namiq Vahid oğlu Abdullayev 10 may 1974-cü ildə Ağcabədi rayonunun Avşar kəndində anadan olmuşdur. 1991-ci ildə Avşar kənd orta məktəbini bitirən Namiq orduya getmək istədiyini bildirir. Lakin yaşı çatmadığına görə onu cəbhəyə göndərmirlər.

Döyüşlərdə iştirakı

Namiq 1992-ci ilin dekabr ayında cəbhəyə yola düşür. 1993-cü il 9 fevralda erməni silahlı dəstələri Xocavənd rayonunda mövqe tutmuş döyüşçülərimizin üzərinə böyük qüvvə ilə hücuma keçirlər, düşmənin güclü hərbi texnikası qarşısında bu kiçik dəstəmiz tab gətirə bilməzdi. Amma onlar ölümün gözünə dik baxdılar və hücumu dəf etməyə çalışdılar. N.Abdullayev bu döyüşdə xüsusilə fərqlənir. Onlarla erməni quldurunu məhv edən Namiq son anda əlindəki qumbaranı sinəsinə sıxaraq özünü tankın altına atdı. Zirehli texnikanın heyəti məhv edildi və vətənimizin bu cəsur oğlu əbədiyyətə qovuşdu.

Ailəsi

Subay idi.

Xatirəsi

Azərbaycan respublikası prezidentinin 16 sentyabr 1994-cü il tarixli 202 saylı fərmanı ilə Abdullayev Namiq Vahid oğluna ölümündən sonra "Azərbaycanın Milli Qəhrəmanı" adına layiq görülmüşdür.

Avşar kəndində dəfn edilib.

Avşar kənd orta məktəbi onun adını daşıyır.

İstinadlar

1. Əsgərov, Vüqar (2005). (PDF) ( (az.)) (Redaktor: Kamil İsmayılov). Bakı: Qapp-poliqraf. 2019-01-09 tarixində orijinalından (PDF) arxivləşdirilib. İstifadə tarixi: 2019-03-01.
2. Real TV (12.05.2021). "Ruhu şad olan Milli Qəhrəman" (azərb.). Youtube.com. İstifadə tarixi: 2021-05-15.

Ədəbiyyat

• Əsgərov V. Abdullayev Namiq Vahid oğlu //Əsgərov V. Azərbaycanın Milli Qəhrəmanları.- B., 2005.- S.10.
• Vüqar Əsgərov. "Azərbaycanın Milli Qəhrəmanları" (Yenidən işlənmiş II nəşr). Bakı: "Dərələyəz-M", 2010, səh. 16.

Xarici keçidlər

• [https://web.archive.org/web/20141022084007/http://zengilan.com/qehreman.php?subaction=showfull&id=1200928585&archive=&start_from=&ucat=10& Arxivləşdirilib 2014-10-22 at the Wayback Machine ABDULLAYEV NAMİQ VAHİD oğlu]
• Abdullayev Namiq^{[ölü keçid]}