Nahid Məmmədov
Nahid Məmmədov (tam adı: Məmmədov Nahid Qədir oğlu) — Azərbaycanlı ilahiyyatçı.
Nahid Məmmədov | |
---|---|
Doğum tarixi | |
Doğum yeri | SSRİ, Azərbaycan SSR, Masallı, Hişkədərə |
Təhsili |
Həyatı
Nahid Qədir oğlu Məmmədov 1981-ci ilin sentyabrın 28-də Masallı rayonunun Hişkədərə kəndində anadan olub.
Təhsili
1988—1999-cu illərdə Elşad Ağayev adına Hişkədərə kənd orta məktəbində təhsil alıb. Orta məktəbi əla qiymətlərlə və qırmızı atestatla bitirdikdən sonra Bakı Dövlət Universitetinin İlahiyyat fakültəsinə daxil olub. 2004-cü ildə BDU-nu bitirib.
2005—2006-cı illərdə Bakı Pedaqoji Kadrların İxtisasartırma və Yenidən Hazırlanma İnstitutunun Azərbaycan dili və ədəbiyyatı fakultəsində təhsil alıb.
2013—2016-cı ildə Azərbaycan Respublikasının Prezidenti yanında Dövlət İdarəçilik Akademiyasının Dövlət qulluğunun təşkili və idarə edilməsi ixtisası üzrə magistratura pilləsində təhsil alıb.
Fəaliyyəti
2005—2007-ci illər ərzində özəl sektorda çalışıb.
2008-ci ildən Azərbaycan Respublikasının Dini Qurumlarla İş üzrə Dövlət Komitəsində məsləhətçı, şöbə müdirinin müavini, şöbə müdiri vəzifələrini icra edib. Hazırda Dövlət Komitəsinin Dinşünaslıq ekspertizası şöbəsinin müdiri vəzifəsində işləyir.
Yaradıcılığı
Mütəmadi olaraq dövrü mətbuatda müxtəlif elmi-publisistik məqalələri çap olunmuşdur.
Kitabları
- müəllifi olduğu kitablar
- “İşğal altındakı tarixi-dini abidələrimiz”
- “İslamda Vətən və Dövlət sevgisi”
- “Vəhdət”
- “Dövlətçiliyimizin qorunmasında milli-mənəvi dəyərlərin rolu”
- həmmüəllifi olduğu kitablar
- “İslam əxlaqı”
- “Azərbaycan və Əhli-Beyt irsi”
- “Azərbaycanda ənənəvi din”
Ailəsi
Ailəlidir, bir qızı və oğlu var.
Mükafatları
- 21.06.2017 — "Dövlət qulluğunda fərqlənməyə görə" medalı
İstinadlar
- Dinşünaslıq ekspertizası şöbəsi. scwra.gov.az (azərb.)
- "Dövlət qulluqçularının təltif edilməsi haqqında" Azərbaycan Respublikası Prezidentinin 21 iyun 2017-ci il tarixli Sərəncamı (azərb.)