Müsədin Namazov
Namazov Müsədin Əhməd oğlu — FHN TTNDA “Azərdövlətlayihə” Dövlət Baş Layihə İnstitutunun direktoruƏməkdar Memar
| Müsədin Namazov | ||
|---|---|---|
| Müsədin Əhməd oğlu Namazov | ||
| ||
| Şəxsi məlumatlar | ||
| Partiya | ||
| Təhsili | Azərbaycan İnşaat Mühəndisləri İnstitutu | |
| İxtisası | Memar | |
| Doğum tarixi | ||
| Doğum yeri | SSRİ Gürcüstan SSR Saqareco bələdiyyəsi Düzəyrəm kəndi | |
| Vətəndaşlığı | Azərbaycan | |
| | ||
| Təltifləri | Əməkdar Memar "Azərbaycan Respublikası Fövqəladə Hallar Nazirliyinin 10 illiyi (2005-2015)" yubiley medalı | |
Həyatı
Namazov Müsədin Əhməd oğlu 4 avqust 1963-cü ildə Gürcüstan Respublikasının Saqareco bələdiyyəsinin Düzəyrəm kəndində anadan olub. 1970-1980-ci illərdə Düzəyrəm kənd məktəbində orta təhsil alıb.
O, 1981-ci ildə Azərbaycan İnşaat Mühəndisləri İnstitutunun memarlıq fakültəsinin əyani şöbəsinə qəbul olunmuş və 1986-cı ildə həmin institutu fərqlənmə diplomu ilə memar ixtisası üzrə bitirmişdir.
M.Ə. Namazov ali təhsilini tamamladıqdan sonra “Azərdövlətlayhə” İnstitutunun 1 nömrəli Emalatxanasında memar kimi öz ixtisası üzrə ilk əmək fəaliyətinə başlamışdır.
O, 1986-cı ildə ordu sıralarına çağrılmış və 1988-ci ilə kimi SSRİ Silahlı Qüvvələri sırasında əvvəlcə sıravi əsgər, sonra isə manqa komandiri olmuşdur.
Müsədin Namazov ordudan tərxis olunduqdan sonra yenə doğma kollektivə - “Azərdövlətlayihə” İnstitutuna qayıtmış, əvvəlcə 1 nömrəli Emalatxanada memar (1988-1990), aparıcı memar (1990), qrup rəhbəri (1990-1993), layihənin baş memarı (1993-2007), 2 nömrəli Emalatxananın rəisi (2007-2009), sonra isə 2 nömrəli Memarlıq Planlaşdırma şöbəsinin müdiri (2009-2011) olmuşdur.
M.Ə. Namazov 2011-ci ilin dekabrından 2012-ci ilin sentyabrına kimi Fövqəladə Hallar Nazirliyi Tikintidə Təhlükəsizliyə Nəzarət Dövlət Agentliyinin “Azərdövləttikintilayihə” DLİ İnstitutunun baş memarı vəzifəsində çalışmışdır.
O, 10 oktyabr 2012-ci ildən Fövqəladə Hallar Nazirliyi Tikintidə Təhlükəsizliyə Nəzarət Dövlət Agentliyinin “Azərdövləttikintilayihə” DLİ-nin direktoru təyin olunmuş və 2014-cü ilin may ayına kimi bu vəzifədə çalışaraq özünü səriştəli rəhbər kadr kimi təsdiq etmişdir.
Müsədin Namazov 2014-cü ilin may ayının 27-də Fövqəladə Hallar Naziri cənab Kəmaləddin Heydərovun əmri ilə “Azərdövlətlayihə” DBL İnstitutunun direktoru vəzifəsinə təyin olunub və artıq 2-ci ildir ki, 1986-cı ildə AzMİU-nu bitirib təyinatla gəldiyi və uzun illər çalışdığı “Azərdövlətlayihə” DBL İnstitutuna rəhbərlik edir.
M.Ə. Namazov bir memar olaraq hər zaman öz üzərində çalışır, daim yeniliyə can atır və iştirakçısı olduğu bütün layihələrə öz dəsti-xəttini qoyur.
Ailəsi
Ailəlidir. Bir qızı, bir oğlu var. Qızı Səma Azərbaycan İqtisad Universitetinin bakalavr dərəcəsini almış və Böyük Britaniyanın Edinburq Universitetinin magistr dərəcəsini bitirmişdir, işləyir. Atasının adını daşıyan oğlu Əhməd isə hazırda İngiltərənin Newcastle Universitetinin memarlıq fakültəsində təhsil alır.
Memarlıq fəaliyyəti
Azərbaycan Respublikası Milli Məclisinin inzibati binasının yeni korpusunun və ətraf ərazilərin abadlıq işlərinin layihələri, eləcə də yeni korpusun daxili dizaynı; həmçinin bir-birindən fərqli milli memarlıq dizaynına malik bir neçə yüksək mərtəbəli yaşayış binaları və kompleksləri, otel binaları, bir neçə ofis binası, təhsil müəssisəsi; “Sahil” metrosunun çıxışındakı “Sahil İnciləri” çoxfunksiyalı yaşayış binaları kompleksi; Belarus Respublikasının Azərbaycandakı Səfirliyinin inzibati binası; Milli Təhlükəsizlik Nazirliyinin Gəncə şəhərindəki inzibati binası; Bakı şəhərinin Nizami, Xətai və Səbail rayonları üzrə şöbələrinin inzibati binaları; Milli Təhlükəsizlik Nazirliyinin Bilgəh istirahət kompleksində 2 ədəd xidməti yaşayış evi; Ədliyyə Nazirliyinin Şirvan Regional Mərkəzinin inzibati binası; Ədliyyə Nazirliyinin Lənkəran şəhərində yerləşən Hərbi Məhkəmə binası; Dövlət Əmlak Komitəsinin Gəncə şəhər xidmətinin inzibati binası; Neft Şirkəti üçün 14 mərtəbəli yataqxana binası; 12-16 mərtəbəli yaşayış evləri kompleksi və sair... maraqlı layihələr bir memar olaraq onun son illərdəki yaradıcı axtarışlarının bəhrələridir.
“Azərdövləttikintilayihə” DLİ-də rəhbərlik elədiyi layihələr:
-Gəncə şəhərinin girəcəyində məcburi köçkünlər üçün 1500 ailəlik hündürmərtəbəli yaşayış evlərinin bütün sosial-infrastrukturu ilə birlikdə layihələndirilməsi; Bakı şəhərində ANAMA üçün texniki baza; Abşeron rayonunun Masazır bələdiyyəsi ərazisində 758 məcburi köçkün ailəsi üçün hündürmərtəbəli yaşayış binalarından ibarət yeni qəsəbə(obyektin açılışında Azərbaycan Prezidenti cənab İlham Əliyev də iştirak etmişdir); Xətai rayonunun Cavanşir küçəsində 14 mərtəbəli, 108 mənzilli yaşayış binası; Sumqayıt şəhərinin Sülh küçəsində 14 mərtəbəli 1 girişli 112 mənzilli yaşayış binası; Şüvəlan uşaq və ailələrə dəstək mərkəzi; Bərdə rayonu Həsənqaya bələdiyyəsi ərazisində 866 məcburi köşkün ailəsi üçün hündürmərtəbəli yaşayış evləri; Fövqəladə Hallar Nazirliyinin sifarişi ilə Bakı şəhərinin 23 kəndi üçün 1 mərtəbəli yanğın depoları; Gədəbəy, Ağcabədi, Xızı, Siyəzən, Sabran, Xaçmaz və Qusar rayonlarının hər birində Yanğından Mühafizə hissəsi üçün 3 girişli yanğınsöndürmə depolarının layihələri; 23 yanğınsöndürmə depolarının birtipli layihələri; Dövlət Neft Şirkətinin Sosial İnkişaf İdarəsinin sifarişi ilə Şüvəlan qəsəbəsində qüsurlu uşaqlar üçün internat məktəb; S.Ə. Dadaşov adına ETLKİM İnstitutunun yeni 7 mərtəbəli inzibati korpusu, Şəki şəhərində 3 mərtəbəli, 140 yerlik uşaq bağçası; Dövlətqaçqınkomun sifarişi ilə Qazaxda 300 ailəlik məcburi köçkünlər üçün yeni qəsəbə; Xızı şəhərinin Baş plan əsasında yenidən qurulması çərçivəsində - Heydər Əliyev adına park; Heydər Əliyev Mərkəzi; Xızı rayon İcra Hakimiyyəti üçün dörd mərtəbəli yeni inzibati bina; Cəfər Cabbarlı adına mədəniyyət və istirahət parkı; Şəhidlər Xiyabanı Kompleksi; Kapital Bankın Xızı rayon şöbəsi üçün 2 mərtəbəli inzibati bina; Xızı rayon Prokurorluğunun 2 mərtəbəli binası; DSMF üçün 2 mərtəbəli inzibati bina; 75 yerlik uşaq bağçası; 4 otaqlı mansardlı yaşayış evləri; Tıxlı kəndində 180 şagird yerlik məktəb binası; Bayraq Meydanının layihələndirmə işləri; Bərdə rayonu ərazisində yataqxanalarda müvəqqəti məskunlaşmış 1700 məcburi köçkün ailəsi üçün yaşayış məhəlləsi; Qazax rayonu ərazisində müvəqqəti məskunlaşmış 300 məcburi köçkün ailəsi üçün yeni yaşayış məhəlləsi; Qobuda məcburi köçkünlər üçün salınacaq yeni yaşayış massivində tikiləcək sosial infrastruktur obyektlərinin eskiz layihələri; Dövlət Sərhəd Xidmətinin sifarişi ilə respublikanın sərhəd rayonlarında keçid məntəqələrinin, sosial obyektlərin eskiz layihələri; Qəbələ rayonunda Azərbaycan Dillər Universitetinin filialının, kənd təsərrüfatı yönümlü texniki peşə məktəbinin binalarının eskiz layihələri və s...
“Azərdövlətlayihə” DBLİ-də rəhbərlik elədiyi layihələr
2014-cü il üzrə:-Beyləqan ray. 146 məcburi köçkün ailəsi üçün yeni yaşayış qəs.- geologiya işəri; Bakı şəh. Nəsimi ray. 74 ünvanında yerləşən ATS binası - əlavə işlər; Bakı şəh. Ə. Qayıbov küç. 2135-2136-cı məhəllədə inzibati bina – xüsusi rabitə sistemi; Şəki ray. Baltalı kəndində 400 yerlik məktəb; Zaqatala şəh. 7 ədəd yaşayış evlərində bərpa-gücləndirmə işləri; Nazirlər Kabinetinin inzibati binası – eskiz; “Aran” iqtisadi zonası; Sumqayıt şəhəri – baş plan; Gəncə şəh. təcridxana - əlavə işlər; MTN-nin “Qanlı təpə” ərazisindəki tədris-mərkəzi – poliqon; DSX-nin Zaqatala ray. 1-ci və 2-ci sərhəd komendatlığı; DSX-nin Şəki ray. sərhəd komendatlığı; Beyləqan şəh. 200 yerlik uşaq bağçası; Oğuz ray. 100 yerlik uşaq bağçası; Şəki ray. 100 yerlik uşaq bağçası; Qəbələ şəh. Futbol Akademiyası; Ağdam ray. Quzanlı kəndində məktəb; Qaradağ ray. Şubanı ərazisində 2 ədəd 5 mərtəbəli yaşayış evi; Kürdəmir rayonunda 624 yerlik orta məktəb.
2015-ci il üzrə: -Azərbaycan Texniki Universiteti – yenidənqurma; MTN-nin Nəsimi rayon şöbəsi; MTN-nin İmişli rayon şöbəsi; Əmək və Sosial Müdafiə Nazirliyi üçün 2 və 3 otaqlı yaşayış evləri; Gəncə şəhərində 502 yerlik yataqxana binası; Binəqədi ray. M. Cəlal 145 ünvanında yüksək mərtəbəli yaşayış evi; Salyan şossesində Kağız istehsalı zavodu; MTN-nin “Qanlı təpə” ərazisində 200 yerlik yataqxana binası; Zaqatala ray. İcra Hakimiyyətinin inzibati binası - əsaslı təmir; Bakı şəh. Nərimanov ray. 1929-cü məhəllədə yaşayış binası; Bakı şəh. Nəsimi ray. Vaqif küçəsində yaşayış evi; Saatlı ray. uşaq bağçası - körpələr evi; Tovuz ray. Qovlar kəndində uşaq bağçası-körpələr evi; Bakı şəh. Mərdəkən qəs. Sərhəd Xidmətinin xüsusi məktəb binası–havalandırma sistemi; H. Əliyev Beynəlxalq Hava Limanı ərazisində inzibati bina–havaladırma sistemi; Abşeron ray. Hövsan qəsəbəsində yaşayış evi-eskiz; Səbail ray. prokurorluğu; Lənkəran Zona Baytarlıq laboratoriyası; Salyan Zona Baytarlıq laboratoriyası; Ucar Zona Baytarlıq laboratoriyası; Şamaxı Zona Baytarlıq laboratoriyası; Tovuz Zona Baytarlıq laboratoriyası-əsaslı təmir; Cəlilabad və Qəbələ şəhərlərində 100 yerlik uşaq bağçası; Ucar şəh. uşaq bağçası; Salyan ray. məktəb binası; Xaçmaz şəh. məktəb binası; Binəqədi ray. Azadlıq pr. çoxmərtəbəli yaşayış evinin bərpası və əsaslı təmiri; “İçəri şəhər” M.Maqomayev küç. 28 ünvanındakı yaşayış evində bərpa-gücləndirmə işləri.
2016-cı il üzrə: - Qusar şəh. baş planı; Bakı şəh. Yasamal ray. Ş Mehdiyev küç. yaşayış binasının mühəndis təchizatı üçün yeraltı kanal; Neftçilər prospektində Əyləncə mərkəzi – müştərək işlər; Bakı şəh. Sabunçu ray. istehsalat binası; Əkinçilik Elmi Tədqiqat İnstitutu üçün laboratoriya korpusu və yardımçı binalar; Tərəvəzçilik Elmi Tədqiqat İnstitutu üçün laboratoriya korpusu və yardımçı binalar; Bakı şəh. Binəqədi ray. Mir Cəlal küç. 1458 ünvanında çoxmərtəbəlin yaşayış binaları; Bakı şəh. Sabunçu ray. Bakıxanov qəsəbəsində çoxmərtəbəli yaşayış binaları; Dövlət Təhlükəsizlik Xidmətinin Nardaran bölməsinin yeni inzibati binası; Yardımlı ray. yaşayış evlərinin bərpa və gücləndirilməsi; Müdafiə Nazirliyinin Hərbi Hava Qüvvələrinin şəxsi heyəti üçün 5 mərtrəbəli yaşayış binası; Mingəçevir şəh. ərazisində 502 məcburi köçkün ailəsi üçün məhəllə; Bakı şəh. Qaradağ ray. Lökbatan qəs. yaşayış binaları; Mingəçevir Sənaye Parkı ərazisində bina və tikililərin sökülməsi; Zaqatala şəh. Şəhriyar küç. yaşayış evi...
Ölkənin layihə-tikinti sektorunda 30 illik stajı olan M. Namazovun əməyi rəhbərlik tərəfindən hər zaman yüksək qiymətləndirilmişdir.
Mükafatları
Azərbaycan Respublikası Memarlar İttifaqı Rəyasət Heyəti Katibliyinin 04 nömrəli qərarı ilə Azərbaycan Memarlar İttifaqının yaradılmasının 70 illik yubileyi ilə əlaqədar olaraq Azərbaycan Respublikası Memarlar İttifaqı üzvünün “Fəxri Nişanı” (2008-ci il);
Heydər Əliyevin anadan olmasının 85 illiyi münasibətilə Azərbaycan Respublikasının Fövqəladə Hallar Nazirliyində dövlət qulluğunda fərqləndiyinə və əldə etdiyi nailiyyətlərə görə “Fəxri Fərman” (2008-ci il);
Azərbaycan Respublikasının Prezidenti cənab İlham Əliyevin Sərəncamı ilə "Azərbaycan Respublikası Fövqəladə Hallar Nazirliyinin 10 illiyi (2005-2015)" yubiley medalı (2010-cu il);
Müsədin Namazov Azərbaycan Respublikası Prezidentinin 10 aprel 2012-ci il tarixli sərəncamı ilə Azərbaycan Respublikasında inşaat sahəsində səmərəli fəaliyyətinə görə “Tərəqqi” medalı ilə təltif edilmişdir.
Namazov Müsədin Əhməd oğlu Azərbaycanda memarlığın inkişafında xidmətlərinə görə “Əməkdar Memar” fəxri adı ilə təltif edilmişdir.
İstinadlar
- Azərbaycan Tikinti Kompleksinin Ensiklopediyası (ATKE) kitabı, I cild, səhifə: 278-280.
- "Azərbaycan Respublikasında inşaat sahəsi işçilərinin təltif edilməsi haqqında Azərbaycan Respublikası Prezidentinin 10 aprel 2012-ci il tarixli, 2152 nömrəli Sərəncamı". e-qanun.az (azərb.). 10 aprel 2012. İstifadə tarixi: 21 iyun 2016.
- "Azərbaycan memarlarına "Əməkdar memar" fəxri adının verilməsi haqqında Azərbaycan Respublikası Prezidentinin 18 dekabr 2017-ci il tarixli Sərəncamı". e-qanun.az (azərb.). 18 dekabr 2017. İstifadə tarixi: 01 mart 2018.