Münhbalaoğlu

Münhbalaoğlu dağı – Şərur  rayonu ərazisində dağ (hünd. 1429,7 m). Dərələyəz silsiləsinin şimal-qərb istiqamətli Saraybulaq qolunun suayırıcısındakı Yağargədik yüksəkliyindən (2049,8 m) cənub-qərbə ayrılan Ardıc şaxəsinin qurtaracağında zirvə. Arpa çayının  sağ sahilində, Aşağı Yayçı kəndindən 1,2 km şimal-qərbdədir. Üst Permin Murqab regiomərtəbəsinin yuxarı hissəsinə aid Şahbulaq lay dəstəsinin əhəngdaşılarından təşkil olunmuş şimal-şərq yamacı sıldırımlı konusvari yüksəklikdir. Tektonik cəhətdən Şərur-Culfa qalxım zonasının Şərur seqmentinin şimal-qərb hissəsində izlənilən Münhbalaoğlu-Qabaqdağ sinklinalının şimal-şərq qanadında yerləşir.  Yamaclarından müxtəlif istiqamətli fay, fay-yerdəyişmə  və əks-fay qırılmaları keçir.

Münhbalaoğlu dağı
Ümumi məlumatlar
Dağ sistemi	Kiçik Qafqaz
Mütləq hündürlüyü	1429,7 m
Yerləşməsi
Ölkə	Azərbaycan
Rayon	Şərur

Həmçinin bax:

• Qız-gəlin dağı
• Abdal (dağ)
• Elti dağı
• Ağaverdi dağı
• Qapıcıq dağı

İstinadlar

1. Naxçıvan Ensiklopediyası. I cild (Təkmilləşdirilmiş və yenidən işlənmiş ikinci nəşr). Naxçıvan: AMEA Naxçıvan bölməsi. V. Y. Talıbov. 2005. səh. 596. ISBN 5-8066-1468-9.