Havuş — AzərbaycanınŞərur rayonu ərazisində dağ. Dərələyəz silsiləsinin suayrıcında zirvə (hünd. 2338,0 m). Dərələyəz silsiləsindən şimal-qərbə airılan Saraybulaq qolunun suayırıcısında zirvə. Havusçayın sağ sahilində, Havus kəndindən təqribən 800 m şimal-qərbdədir. Üst Triasın Karni və Nori mərtəbələrinə aid Tənənəm lay dəstəsinin dolomit və əhəngdaşılarından təşkil olunmuş, şimal-şərq yamacı sıldırımlı günbəzvarı yüksəklikdir. Tektonik cəhətdən Şərur-Culfa qalxım zonasının Şərur seqmentinin şimal-şərq cinahında izlənilən Havuşçay üstəgəlməsinin şimal-qərb asılı qanadındakı Havuş antiklinalının şimal-qərb qanadında yerləşir. Zirvə hissəsi və yamaclarında çoxsaylı şimal-qərb və şimal-şərq istiqamətli fay-yerdəyişmə və əks-fay qırılmaları izlənilir.