Miskinli (Gədəbəy)
Miskinli — Azərbaycan Respublikasının Gədəbəy rayonunun inzibati ərazi vahidində kənd.
Miskinli | |
---|---|
40°30′07″ şm. e. 45°45′55″ ş. u. | |
Ölkə | Azərbaycan |
Rayon | Gədəbəy rayonu |
Tarixi və coğrafiyası | |
Mərkəzin hündürlüyü | 1.366 m |
Saat qurşağı | |
Rəqəmsal identifikatorlar | |
Poçt indeksi | AZ2138 |
Görkəmli Şəxslər
- Cəlal Xıdırov-Azərbaycan siyasətçisi, Qarabağ müharibəsi veteranı, 1-ci dərəcəli dövlət qulluqçusu, 31 iyul 2018-ci ildə Azərbaycan Respublikasının Prezidenti Cənab İlham Əliyev tərəfindən dövlət qulluğunda fərqlənmə medalı ilə təltif olunmuşdur
- Miskinli Vəli - Aşıq
- Mikayıl Xıdırzadə — Azərbaycanın görkəmli riyaziyyatçı alimi, Bakı Dövlət universitetinin mexanika-riyaziyyat fakültəsinin ilk azərbaycanlı dekanı
- Müseyib Hüseynov -- professor, 1934-1937- ci illərdə Azərb SSR-n Səhiyyə naziri olmuşdur
- Məhərrəm Hüseynov -- professor, ADTU-da işləmişdir.
Tarixi
Miskinli kəndinin əsl və tarixi adı Qarabulaq və ya Böyük Qarabulaq olmuşdur. Miskinli çuxuru adlanan coğrafi ərazinin ən böyük yaşayış sahəsidir. Kəndin ərazisi tarixi abidələrlə, xüsusilə də qəbir abidələri ilə zəngindir. Son tunc dövrünü əhatə edən Xocalı-Gədəbəy mədəniyyəti bu ərazilər üçün də xarakterikdir. Kəndin cənub-qərb hissəsini əhatə edən yüksəklikdə yerli əhali tərəfindən Koroğlu qalası adlandırılan müdafiə tikilisi vardır. Azərbaycan Respublikasının Prezidenti İlham Əliyevin 25 oktyabr 2011-ci il tarixli qərarı ilə Rüstəm Əliyev kəndinin adı dəyişdirilərək Miskinli adlandırılmışdır.
Toponimikası
- Miskinli oyk.
- Gədəbəy rayonunun eyniadlı i.ə.v-də kənd. Dağlıq ərazidədir.
- Şəmkir rayonun Plankənd i.ə.v- də kənd. Şəmkir çayının sahilində, Gəncə-Qazax düzənliyindədir.
Mədəniyyəti
Kənddə aşıq sənəti geniş yayılmışdır. Aşıq sənətinin parlaq nümayəndələrindən biri də aşıq, şair kimi tanınan Miskinli Vəlidir. Miskinli Vəlinin çoxsaylı qoşmaları elin dillər əzbəridir.
Coğrafiyası və iqlimi
Kənd orta və yüksək hündürlüklü lələkvari dağlar arasında yerləşir. İqlimi mülayim soyuq və mülayim isti xarakterlidir.
Əhalisi
2009-cu ilin siyahıyaalınmasına əsasən kənddə 2140 nəfər əhali yaşayır.
İqtisadiyyatı
Təsərrüfatı əsasən kənd təsərrüfatından ibarətdir. İqtisadiyyatında kartofçuluq, heyvandarlıq və taxılçılıq əsas yer tutur.
Təhsil
Azərbaycan Respublikası Prezidentinin 12 fevral 2018-ci il tarixli Sərəncamı ilə Gədəbəy rayonunun Miskinli kəndində 60 yerlik körpələr evi-uşaq bağçasının tikintisi üçün 1 130 000 manat vəsait ayrılmışdır. Kənddə iki tam orta məktəb və bir ibtidai məktəb var.
İstinadlar
- Azərpoçt. "İndekslər" (azərb.). www.azerpost.az. 2016-04-19 tarixində arxivləşdirilib. İstifadə tarixi: 2016-04-19.
- Bəzi ərazi vahidlərinin adlarının dəyişdirilməsi haqqında[ölü keçid]
- Azərbaycan Toponimlərinin Ensiklopedik Lüğəti. Azərbaycan Milli Elmlər Akademiyası. Nəsimi adına Dilçilik İnstitutu. Şərq-qərb Bakı-2007. səh.427
- Azərbaycan Respublikası Əhalisinin Siyahıyaalınması. Azərbaycan Respublikasının Dövlət Statistika Komitəsi. Bakı-2010. Səh.629
- "Azərbaycan Respublikasının regionlarında uşaq bağçalarının tikintisi ilə bağlı tədbirlər haqqında" Azərbaycan Respublikası Prezidentinin 12 fevral 2018-ci il tarixli Sərəncamı. president.az (azərb.)
- "Azərbaycan Respublikasının regionlarında uşaq bağçalarının tikintisi ilə bağlı xərclərin bölgüsünə dair SİYAHI". president.az (azərb.)
Xarici keçidlər
- Azərbaycan Respublikası Gədəbəy Rayon İcra Hakimiyyəti