Medal of Honor: Underground
Medal of Honor: Underground (azərb. Şərəf Medalı: Yeraltı) — DreamWorks Interactive tərəfindən hazırlanmış və Electronic Arts tərəfindən ilk olaraq PlayStation, daha sonra isə Game Boy Advance oyun konsolu üçün nəşr olunan birinci şəxs atıcı video oyunu. İlk dəfə 23 oktyabr 2000 tarixində satışa çıxarılan oyun, Medal of Honor video oyun ardıcıllığının ikinci epizodudur və Medal of Honor video oyununun prikvelidir. Oyun 2002-ci ildə Medal of Honor/Medal of Honor: Underground kompilyasıyasının bir parçası olaraq yenidən satışa çıxarılmışdır. Oyun 11 iyun 2009 tarixində Şimali Amerikada PlayStation 3 və PlayStation Portable oyun konsolları üçün ikinci dəfə yenidən satışa çıxarılmışdır.
| Medal of Honor: Underground | |
|---|---|
| "Medal of Honor: Underground" video oyununun rəsmi afişası | |
| Hazırlayan | DreamWorks Interactive Rebellion Developments |
| Yayımlayan | Electronic Arts Game Boy Advance Destination Software Zoo Digital Publishing |
| Seriya | Medal of Honor |
| Buraxılış tarixi | PlayStation 23 oktyabr 2000 1 dekabr 2000 Game Boy Advance 2 dekabr 2003 may 2003 |
| Janrlar | Birinci şəxs atıcı |
| Yaş reytinqləri | ESRB — |
| Dizaynerlər | Linn Henson |
| Rəssamlar | Adrian Cons |
| Bəstəkarlar | Maykl Cakkino |
| Texniki məlumat | |
| Platformalar | PlayStation, Game Boy Advance |
| Oyun rejimləri | Birnəfərli oyun Çoxnəfərli oyun |
| Daşıyıcılar | CD Rəqəmsal endiriş Kartric |
| İdarəetmə | Qeymped |
-Cover-Art.jpg.html){kind=link}
Məzmun
Oyunun baş qəhrəmanı Manon Batist adlı gənc bir qızdır. Personaj Fransa Müqavimət Hərəkatında iştirak edən Elen Deşam Adamsdan ilhamlanaraq yaradılmışdır. ilk "Medal of Honor" oyununda, Manon Batist Ceyms Pattersonun koordinatoru idi. Oyun faşist Almaniya ordusunun Fransaya girməsindən və Fransa hökumətinin təslim olmasından sonra, yəni 1940-cu ildə başlayır. Manon Batist müharibənin ilk illərində müqavimətə qoşulmur. Oyun davam etdikcə, Batist saf bir könüllüdən təcrübəli bir veterana çevrilir. Oyunun son mərhələsində Paris şəhəri Manon Batistin dəstəyi ilə azad edilir.
Geympley
Fransa müqavimətinin baş qərərgahı adi bir çörəkxananın zirzəmisində yerləşir. Oyundakı missiyaların sayı və müddəti artmışdır. Oyunun mürəkkəbliyi də artmışdır. Hər bir missiyada müəyyən şeyləri tapmaq (xəritələr, şifrələr, jurnallar, planlar, cədvəllər və s.), körpüləri, silahxanaları və strateji baxımdan mühüm olan başqa yerləri partlatmaq kimi tələb olunan tapşırıqları yerinə yetirmək məcburidir. Oyunda bir yenilik var — müttəfiqlər. Əvvəlki oyundan fərqli olaraq, artıq missiyaları müttəfiqlərlə tamamlamaq mümkündür. Bəzi missiyalar onların həyatlarından asılı olduğudan, onlar qorunmalıdırlar.
Silahlar və texnika
Oyunda MG 42 və Hotchkiss M1914 pulemyotları, Panzerfaust qumbaraatanı, STEN, StG 44 və MP-40 avtomatları, Gewehr 43 snayper tüfəngi, Walther P38 və Colt M1911 pistoletləri, Big Joe arbaleti, eləcə də Stielhandgranate qumbarası və molotov kokteyli var.
Oyunda həmçinin, T-II , T-III və T-IV tankları, zirehli xasitələr, əlavə oturacaqlı BMW motosikletləri və Opel yük maşınları var.
Süni intellekt
Oyundakı Sİ-lər yenilənmişdir.
- Hərəkətlər daha məntiqlidir.
- Düşmənlər oyunçunun güllələrindən qorunmaq və qumbara atmaq üçün sipərdə gizlənirlər.
- Oyunçunu müdafiə və təqib dost NPC-lər əlavə edilmişdir.
Missiyalar
Oyun 7 missiya və 25 yarusdan ibarətdir. Manon ilk missiyasını 1942-ci ildə, Paris şəhərində keçirir. Daha sonra o, Almaniya, Yunanıstan (Krit), İtaliya və Şimali Afrikaya (Mərakeş) ziyarət edir.
Oyun bitdikdən sonra "Panzerknacker" (azərb. Zirehdeşən) adlı bir missiya başlayır. Burada oyunçu Leytenant Ceyms Pattersonu idarə edir. Antihitler qüvvələri naməlum bir şəxs tərəfindən göndərilən həyəcan siqnalı alırlar. Naməlum şəxs köhnə tərk edilmiş bir qalada qəribə şeylər baş verir və bunun alman alimləri ilə bir əlaqəsi var. Antihitler komandanlığı bu tapşırıq üçün Ceyms Pattersonu göndərir. Qalada zirehli itlər, zombi-əsgərlər və "Panzerknacker" adlanan robot-əsgərlər kimi yeni düşmənlər var. Missiyanın əsas hədəfi öz Panzerknackerini qurmaqdır.
Missiyaların siyahısı
Oyun 7 missiya və 25 yarusdan ibarətdir, bunlar: "İşğal olunmuş!", Fransa, Paris, 1-10 may 1940.
- Gecəyarısı görüşü
- Ölülərin arasında
- İz olmadan
- Ehtiyatla addımlamaq
"Səhra tülküsünü ovlamaq", Şimali Afrika, Mərakeş, 5 noyabr 1942.
- Kasablanka
- Məşəli yandırmaq
- Yanan qumlar
- Çöldəki müttəfiq
"Kritdə pərdə altında", Yunanıstan, Krit, 12 iyun 1943.
- Hekayəni almaq
- Knossda nə var
- Labirint
"Vevelsburq: Qara Kamelot", Almaniya, Vestfaliya, 19-20 sentyabr 1943.
- Qalaya yürüş
- Qara Valhalla
- Qəddar dövran
"Monte-Kassinoda son ayinlər", İtaliya, 15 iyun 1944.
- Dolama yol
- Müharibə əsirləri
- Monastırda xaos
"Mittelverk təxribatçısı", Almaniya, Mittelverk, 4 iyul 1944.
- Məhv üçün planlar
- Təxribat!
- Motosikl atışması
"Azadlıq!" Fransa, Paris, 19-22 avqust 1944.
- Son üsyan
- Küçəbə küçə
- Bazar əməliyyatı
- Xəttin sonu
"Zirehdeşən buraxılıb!", Almaniya, 28 iyun 1944.
- Tazıların cürət etmədiyi yer
- Korpuslara qədər çürüyüb
- Mən, Zirehdeşənəm!
İstinadlar
- "Medal of Honor Underground - PlayStation 3". IGN. İstifadə tarixi: 20 sentyabr 2015.
- ↑ Dou Perri (31 oktyabr 2000). (ingilis). IGN. 2018-05-09 tarixində orijinalından arxivləşdirilib. İstifadə tarixi: 2017-11-11.
- "Medal of Honor/Medal of Honor: Underground for PlayStation". GameFAQs. İstifadə tarixi: 20 sentyabr 2015.
- Çen, Qreys (11 iyun 2009). "PlayStation Store Update". PlayStation.Blog. Sony. İstifadə tarixi: 20 sentyabr 2015.
- Klepek, Petrik (22 noyabr 2000). "Review of Medal of Honor: Underground". Gaming Age.
- "Medal of Honor Underground". GamePro. 7 iyun 2011 tarixində . (#apostrophe_markup)
- ↑ Air Hendrix (28 mart 2002). "Medal of Honor Week: (Almost) Everything Else You Wanted To Know But Were Afraid To Ask". GamePro. 7 iyun 2011 tarixində . (#apostrophe_markup)
- ↑ (ingilis). Medalofhonor.wikia.com. 2017-10-28 tarixində orijinalından arxivləşdirilib. İstifadə tarixi: 2017-11-11.
Xarici keçidlər
Medal of Honor: Underground — Internet Movie Database saytında.