Macarıstan milli basketbol komandası

Macarıstan milli basketbol komandası - beynəlxalq basketbol yarışlarında Macarıstanı təmsil edir.

Tarixi

Macarıstan Basketbol Federasiyası  — 1935-ci ildən FİBA-nın üzvüdür.. İkinci Dünya Müharibəsinədək Macarıstan yığması basketbol üzrə Avropa çempionatında iki dəfə çıxış etmişdir; 1935-ci il çempionatında macarlar basketbol üzrə kişilərdən ibarət Rumıniya yığma komandasına 24:17 hesabı ilə qalib gələrək 9-cu yeri tutmuşdur., 1939-cu ildə basketbol üzrə Avropa çempionatında isə Finlandiyanın kişilərdən ibarət yığma komandasina 43:16 hesabı ilə qalib gələrək 7-ci yeri tutmuşdur1940-cı illərin ortalarından 1960-cı illərin ortalarınadək olan dövr Macarıstanın basketbol yığması üçün ən uğurlu dövr olmuşdur. 1946-cı ildə müharibədən sonra keçirilən basketbol üzrə ilk Avropa çempionatında Macarıstan yığması III yeri tutmuşdur , 1953-cü ildə Moskvada keçirilən Avropa çempionatında isə macarlar II pilləyə yüksəlmişlər, Macarıstan yığması 1955-ci ildə evdə, Budapeştdə keçirilən turnirdə Avropa çempionu olmuşdur. "Ferens Puşkaş" stadionunda 45 min tamaşaçının iştirakı ilə keçirilən həlledici oyunda ev sahibləri SSRİ yığma komandasına 82:68 hesabı ilə qalib gəlmişlər.

Sonrakı illərdə Macarıstan yığması mükafatçılar sırasında olmasa da, 3 dəfə: 1957, 1959 və 1963-cü illərdə qitə dördüncüsü olmuşlar. Bundan sonra tənəzzül dövrünə qədəm qoyan Macarıstan yığması yalnız 1969-cu ildə basketbol üzrə Avropa çempionatında 8-ci yeri tuta bilmişdir. Macarıstan yığması Avropa çempionatında yalnız 30 il sonra fərqlənmişlər, macarlar 1999-cu ildə keçirilən çempionatda qrup mərhələsindən çıxa bilməsələr də, yekun sıralamada 14-cü yeri tutmağa müvəffəq olmuşdur.

Macarıstan yığması Olimpiya oyunlarında basketbol üzrə turnirdə yalnız dörd dəfə iştirak etmək hüququ qazanmışdır. Macarların Olimpiya oyunlarında qazandıqları ən yaxşı nəticə 1960-cı ildə Romada keçirilən yay Olimpiya oyunlarında əldə etdikləri 9-cu yerdir.

Macarıstan yığması Basketbol üzrə dünya çempionatlarında bir dəfə də olsun iştirak etməmişdir.

Uğurları

• 1946 Basketbol üzrə Avropa çempionatı –   Tunc medalı
• 1953 Basketbol üzrə Avropa çempionatı –   Gümüş medalı
• 1955 Basketbol üzrə Avropa çempionatı –   Çempionlar

İstinadlar

1. Баскетбол: Справочник, 1983, səh.29
2. "European Championship 1935" (ingilis). Linguasport: Sport History and Statistics. 2012-02-25 tarixində arxivləşdirilib. İstifadə tarixi: 2012-02-25.
3. "European Championship 1939" (ingilis). Linguasport: Sport History and Statistics. 2012-02-25 tarixində arxivləşdirilib. İstifadə tarixi: 2012-02-25.
4. "European Championship 1946" (ingilis). Linguasport: Sport History and Statistics. 2012-02-25 tarixində arxivləşdirilib. İstifadə tarixi: 2012-02-25.
5. "European Championship 1953" (ingilis). Linguasport: Sport History and Statistics. 2012-02-25 tarixində arxivləşdirilib. İstifadə tarixi: 2012-02-25.
6. "European Championship 1955" (ingilis). Linguasport: Sport History and Statistics. 2012-02-25 tarixində arxivləşdirilib. İstifadə tarixi: 2012-02-25.
7. "European Championship 1955 (Final Stage)" (ingilis). Linguasport: Sport History and Statistics. 2012-02-25 tarixində arxivləşdirilib. İstifadə tarixi: 2012-02-25.
8. "Eurobasket: Global Ranking" (ingilis). Linguasport: Sport History and Statistics. 2012-02-25 tarixində arxivləşdirilib. İstifadə tarixi: 2012-02-25.
9. "European Championship 1969" (ingilis). Linguasport: Sport History and Statistics. 2012-02-25 tarixində arxivləşdirilib. İstifadə tarixi: 2012-02-25.
10. "European Championship for Men 1999" (ingilis). FIBA Europe. 2012-02-25 tarixində arxivləşdirilib. İstifadə tarixi: 2012-02-25.
11. "Olympic Tournament 1936" (ingilis). Linguasport: Sport History and Statistics. 2012-02-25 tarixində arxivləşdirilib. İstifadə tarixi: 2012-02-25.
12. "Olympic Tournament: Global Ranking" (ingilis). Linguasport: Sport History and Statistics. 2012-02-25 tarixində arxivləşdirilib. İstifadə tarixi: 2012-02-25.