Lənkəran Beynəlxalq Hava Limanı

Lənkəran Hava Limanı Azərbaycanın cənub-şərqində yerləşən Lənkəran şəhərinin beynəlxalq hava limanıdır. Lənkəran Hava Limanının yenidən qurulmasına 2005-ci ildə başlanmış və 2008-ci ildə isə başa çatdırılmışdır. Lənkəran aeroportunun yenidən qurulması üzrə işlərin dəyəri 51,1 mln. dollar təşkil edib. Həmin ildə Lənkəran Hava Limanı beynəlxalq hava limanı statusunu qazanmışdır.

Lənkəran Beynəlxalq Hava Limanı
38°45′31″ şm. e. 48°48′23″ ş. u.
IATA: LLK – ICAO: UBBL
Məlumat
Hava limanı tipi	Müştərək bazalı
Ölkə	Azərbaycan
Xəritə
LLK Aeroportun Azərbaycan xəritəsində yeri
Vikianbarda əlaqəli mediafayllar

Ural Airlines'a məxsus təyyarə Lənkəran Beynəlxalq Hava Limanında

Tarixi

1930-cu ildən Lənkəran-Bakı istiqaməti ilə iki qanadlı təyyarə uçuş həyata keçirirdi. İlk vaxtlar aeroport şəhərin qərb hissəsində, Narbağı adlanan ərazidə, Lənkəran Dövlət Universitetinin indiki 1 nömrəli tədris korpusunun olduğu binanın önündə yerləşirdi. 40 hektardan çox ərazidə yerləşən və 1978-ci ildən istifadə edilən indiki Lənkəran aeroportu isə istismara yararsız olduğu üçün 2008-ci ildə yenidən qurulmuşdur. Tikinti işlərini Türkiyənin Zema şirkəti həyata keçirib. Dağ tərəfdən qrunt sularının qarşısını almaq üçün 5271 metr uzunluğunda kanal çəkilmişdir.

Texniki göstəriciləri

Hava limanının uçuş-enmə zolağının uzunluğu 3300 metr, eni 45 metrdir, sahəsi 325 hektardır. Örtüyün materialı isə asfaltdandır. Zolağın istiqamətləri 15/33.

Hava yolları

Bakıdan Lənkərana hava reysləri AN tipli təyyarələrlə həyata keçirilir. 2009-cu il dekabr ayından Moskvaya, 2010-cu il iyul ayından Sankt-Peterburqa, 2012-ci il iyulun 3-dən Yekaterinburqa, 2014-cü ildən İstanbula birbaşa hava reysləri açılmışdır.

Aviaşirkət	Reyslər
AZAL	Bakı — Heydər Əliyev adına Beynəlxalq Hava Limanı;
Ural hava yolları	Moskva — Domodedovo; Sankt-Peterburq — Pulkovo; Yekaterinburq — Koltsovo
Utair	Moskva — Vnukovo; Surqut — Surqut
Ankara hava yolları	Novosibirsk — Tolmaçevo; 7 iyun 2015-ci ildən etibarən.

Statistika

Təqvim ilinə görə trafik. Rəsmi ACI Statistikası

	Sərnişinlər	Əvvəlki ilə nəzərən dəyişiklik	Təyyarə əməliyyatları	Əvvəlki ilə nəzərən dəyişiklik	Karqo (tonla)	Əvvəlki ilə nəzərən dəyişiklik
2013	53,435	-	556	-	10	-
2014	47,889	▼10.38%	442	▼20.50%	15	▲50.00%
Mənbə: Beynəlxalq Hava Limanları Şurası. Dünya Hava Limanları Trafiki Hesabatları (İl 2013 və 2014)

İstinadlar

1. Azərbaycanın Lənkəran və Zaqatala aeroportları sentyabrın sonunadək istifadəyə veriləcək – AZAL QSC-nin rəhbəri^{[ölü keçid]}
2. Lənkəran: Ensiklopedik Məlumat II Nəşr
3. . 2012-11-02 tarixində orijinalından arxivləşdirilib. İstifadə tarixi: 2012-12-08.
4. Airport Council International's 2013 World Airport Traffic Report
5. Airport Council International 2016-03-06 at the Wayback Machine's 2014 World Airport Traffic Report

Xarici keçidlər

Həmçinin bax