Lalə Abbasova

Vikipediyada bu adlı digər şəxslər haqqında da məqalələr var; bax: Lalə (ad).

Lalə Abbasova — jurnalist, III çağırış Azərbaycan Respublikası Milli Məclisinin deputatı (2005-2010).

Lalə Abbasova
Doğum tarixi	9 iyun 1955 (66 yaş)
Doğum yeri	Xaçmaz, Azərbaycan SSR
Fəaliyyəti	jurnalist

Həyatı

Lalə Abbasova 1955-ci il iyunun 9-da Xaçmaz şəhərində anadan olmuşdur. Ata tərəfdən əsli Quba rayonunun Xınalıq kəndindəndir. Anası isə Bakıda anadan olsa da İran Azərbaycanından, Ərdəbildəndir.

Azərbaycan Dövlət Universitetinin jurnalistika fakültəsini bitirmişdir.

"Qadın və tərəqqi" ictimai birliyinin sədridir.

1972-ci ildən Xaçmaz şəhərində uşaq bağçasında musiqi müəllimi işləmişdir. 1977-ci ildən "Вышка" qəzetinin korrektoru, baş redaktor müavini, 1998-ci ildən "Ваш дом" jurnalının redaktoru vəzifələrində çalışmışdır. 2000-ci ildən "Мир женщин" qəzetinin baş redaktorudur.

"XX əsr Azərbaycan qadınları" üç cildlik ensiklopedik toplusunun müəllifidir.

Lalə Nikbin təxəllüsü ilə bədii yaradıcılıqla məşğul olur. Mahnı bəstələyir, hekayələr yazır. On iki mahnısı vardır. Həvəskar bəstəkardır.

III çağırış Azərbaycan Respublikası Milli Məclisinin deputatı olmuşdur (2005-2010).

Bitərəfdir.

Üç övladı - 1 oğlu, 2 qızı vardır.

Mənbə

• http://www.meclis.gov.az/?/az/deputat/78
• http://az.timeturk.com/news_print.php?id=864^{[ölü keçid]}
• http://az.apa.az/news.php?id=139899^{[ölü keçid]}
• http://musavat.com/site/shownews.php?news_id=47585^{[ölü keçid]}
• O zaman istəmişdim ki, cəbhəyə gedim, hansı yolla olursa-olsun qisasımı alım

İstinadlar

1. Üçüncü çağırış Azərbaycan Respublikası Milli Məclisinin deputatları haqqında seçildikləri tarixə olan qısa MƏLUMATLAR

 

   

Vikisitatda Lalə Abbasova ilə əlaqəli məlumatlar var.