Konnor Mişalek

Konnor Mişalek (25 noyabr 2005 – 25 aprel 2014) – peşəkar güləş fanatı, fenomen.

Konnor Mişalek
Connor Michalek
Digər adları	"Qıran", "Daşqıran"
Doğum tarixi	25 noyabr 2005
Vəfat tarixi	25 aprel 2014 (8 yaşında)
Vəfat yeri	Pitsburq, Allegeni qraflığı^[d], Pensilvaniya, ABŞ
Vəfat səbəbi	beyin xərçəngi^[d]
Vətəndaşlığı	ABŞ
Atası	Stiv Mişalek
Anası	Britteni Kaliquri
Mükafatları	"Döyüşçü" mükafatı (2015)

Peşəkar güləşçi Daniel Brayan ilə görüşdükdən sonra sosial media kompaniyasından sonra medianın diqqətini çəkən uşaq. Daha sonra bir neçə dəfə Brayan və digər peşəkar güləşçilər ilə görüşdü. 2009-ci ildən bəri beyin və onurğa xərçəngi olan Mişalek 25 aprel 2014-cü ildə 8 yaşında vəfat etdi. Peşəkar güləş çempionatının rəhbərləri Pol Leveskyu və Stefeni MakMahon "Konnorun müalicəsi" adlı xeyriyyə təşkilatını onun şərəfinə qurdular. Həmçinin, onlar ölümündən sonra Mişalekə 2015-ci ildə "PGÇ" (Peşəkar Güləş Çempionatı) Şöhrət Salonu mərasimində "Döyüşçü" mükafatının ilk laureatı oldu.

Həyatı

Konnor Mişalek 25 noyabr 2005-ci ildə Stiv Mişalek və Britteni Kaliqurilərin ailəsində anadan olmuşdur. Peşəkar güləş fanatı olaraq ona "Daşqıran" və ya "Qıran" ləqəbi verilmişdi.

Mişalekə 3 yaşında ikən 2009-cu ilin sentyabrında xərçəng diaqnozu qoyuldu. Diaqnoz qoyulduqdan sonra bir neçə əməliyyat və çox sayda kimyəvi terapiya keçirdi. Həmçinin, o, sindromdan da əziyyət çəkirdi. 2011-ci ilin mayına qədər xəstəlik sabit qaldı, dəyişiklik olmadı. Daha sonra kimyəvi terapiya və müalicələrə başladı. Həkimlər onun sağ qalma şansının çox az olduğunu deyirdilər. Cərrahiyə bir seçim deyildi və beynindəki və onurğasındakı radiasiya həddən artıq idi.

2012-ci ilin oktyabrında bir video YouTube-a yerləşdirildi. Videoda 6 yaşlı Konnor Mişalek peşəkar güləş ulduzu Daniel Brayan ilə görüşmək istədiyini bildirirdi. Media orqanlarının diqqətini çəkən Konnora sosial media kompaniyası başladıldı. Facebook-da "Konnorun Brayanla görüşməsinə kömək et" qrupu açıldı və yüzlərlə istifadəçi bu qrupun üzvü oldu. 48 saat ərzində peşəkar güləş çempionatının sədri və icraçı direktoru Vins MakMahon Mişalekin Brayanla görüşəcəyini bildirdi. Mişalek Brayanla 18 dekabr 2012-ci ildə və ikinci dəfə 7 oktyabr 2013-cü ildə çempionatın Pitsburqda keçirilən tədbirlərinin birində görüşdü. 2014-cü ilin tədbirlərindən birində Konnorun ailəsi Konnorla dostluq edən rinq spikeri Castin Roberts ilə tanış oldu. Mişalekin çox az ömrünün qaldığını eşidən çempionat heyəti onu "WrestleMania XXX" şənliklərinə dəvət etdi. Şənliklərdən bir həftə əvvəlki tədbirlərdən öncə Mişalekin Brayan ilə rinqdə görüşməsini və Pol Leveskyunu udduğunu, peşəkar güləşçilərin onu alqışladığını qeyd etdi. 6 aprel 2014-cü ildə keçirilən "WrestleMania XXX" tədbirinə Mişalek Brayanın çempion olmasını görmək üçün ilk sıralarda tamaşa etdi. Brayan qələbəsindən sonra dərhal Mişaleki qucaqladı.

25 aprel 2014-cü ildə Mişalek beyin və onurğa xərçəngindən 9 yaşına çatmamış, 8 yaşında vəfat etdi.

Ailəsi və məşğuliyyətləri

Konnor Mişalekin Cekson adlı kiçik qardaşı var idi və Pensilvaniyada yaşayırdı. Ana babası Çarlz MakKraken, ana nənəsi Janna Kaliquri, ata babası Stiven Mişalek və ata nənəsi Debra Mişalek idi.

Ölümündən sonra Peşəkar Güləş Çempionatının Şöhrət Zalında

 

Daniel Brayan "Döyüşçü" mükafatını təqdim edir. mart, 2015-ci il

Mişalekin ölümündən sonra həftəsonu çoxsaylı işçiləri ilə əlaqəli bir video yayımladı. 9 mart 2015-ci ildə Mişalekin "PGÇ-nin (Peşəkar Güləş Çempionatı) Məşhurlar Zalı" təqdimat mərasimində ilk "Döyüşçü" mükafatına layiq görüləcəyini açıqladı. Çempionatın heyətinə görə, bu mükafat "sarsılmaz güc və əzm nümayiş etdirən və həyatı "Son Döyüşçü"nün sarsılmaz ruhunu təcəssüm etdirən, cəsarət və şəfqətlə yaşayan" şəxslərə verilir. Daniel Brayan və Dana "Döyüşçü" mükafatını həmin ilin 28 mart tarixində təqdim etdilər və mükafatı atası və qardaşı Mişalekin adından qəbul etdilər.

Cavab

28 mart 2015-ci ildə Stefani MakMahon tvitində yazırdı:

Xeyriyyəçilik marketinqin gələcəyidir. Həmçinin, markaların 2 yol qazanmasıdır. @bizStone (Kristofer Ston (Tvitterin həmtəsisçisi)) @Twitter. Stepani MakMahon (28 mart 2015)

Castin Roberts bir məqalə yazdı, PGÇ tərəfindən Mişalekin Şöhrət Zalı induksiyasının "strategiyayla yox, səmimiyyətlə idarə olunduğunu" şübhə altına aldı. Mişalek ilə PGÇ-nin əlaqəsi, həmçinin, Mişalekin ailəsi ilə görüşdən ətraflı bəhs etdi. Bir neçə ay əvvəl PGÇ-dən ayrılan Roberts Stefani MakMahonun Mişalekin mükafat alması ilə bağlı tvitindən sonra bu yazını yazmağa məcbur edildi. İkinci bir tvitdə Robertsin Mişalek ilə birlikdə şəkilləri göstərildi, "bu da vacibdir, xahiş edirik xatırlayasınız" başlığı ilə paylaşıldı.

PGÇ Robertslə bağlı verdiyi açıqlamasında "PGÇ-nin Konnoru "Döyüşçü" mükafatı ilə şərəfləndirməsində fədakar niyyətlərin olmadığını düşünməyin təhqiredici olduğunu" bildirdi. Həmçinin, PGÇ açıqlamalarında Pol Leveskyu və Stefani MakMahonun "Konnorun müalicəsi" uşaq xərçəngi araşdırması fondu və Syuzen G. Komenin müalicəsi üçün topladığı 1,5 milyon ABŞ dolları məbləğində pul vəsaitlərini əhatə edən digər ortaqlıqlarını da vurğuladı. "Güləş Müşahidəçisi Bülleteni"nin jurnalisti Devid Biksenspan PGÇ-nin açıqlamasında "həqiqətən Robertsin dediklərinin çoxuna dəyərinə görə müraciət etmədiyini" yazdı.

"Konnorun müalicəsi"

2014-cü ilin iyun ayında Pol Leveskyu və Stefani MakMahon Pittsburq Vəqfinin Uşaq Xəstəxanası vasitəsilə şəxsən maliyyələşdirdikləri uşaq xərçəngi tədqiqatları üçün qeyri-kommersiya bir xeyriyyə təşkilatı olan "Konnorun müalicəsi" təşkilatını Konnor Mişalekin xatirəsinə qurdular. PGÇ 2015-ci ilin aprelində Robertsin tənqidlərinə cavab olaraq "Konnorun müalicəsi" təşkilatının "onsuz da 200 min dollardan çox pul yığdığını" bildirdi. Təşkilatın, 2015-ci ilin sentyabr ayına qədər 630 min dollardan çox, və 2016-cı ilin mart ayına qədər 100 milyondan çox ailəyə kömək edərək təxminən 1 milyon dollar topladığı bildirildi. 2016-cı ilin martında PGÇ-nin bu təşkilatı mərhum idman şərhçisi Cim Valvano tərəfindən təsis edilən xərçəng tədqiqatları üçün bir təməl olan "V Vəqfi" ilə birləşdi.

İstinadlar

<references group="" responsive="1">

1. "Konnor Mişalekin məzarı". www.findagrave.com (ingilis). 25.04.2014. İstifadə tarixi: 09.06.2021.
2. WWE (24.06.2014). "WWE Konnor Mişaleki şərəfləndirdi". www.youtube.com (  YouTube portalı / "WWE" səhifəsi) (ingilis). İstifadə tarixi: 31.05.2021.
3. "Pittsburq xərçənglə mübarizə aparan qəhrəman oğlanla görüşüb". www.wpxi.com (ingilis). 15.12.2020. 19.03.2015 tarixində arxivləşdirilib. İstifadə tarixi: 31.05.2021.
4. Pittsburq (18.12.2012). "Peşəkar güləş ulduzu yerli oğlanın arzularını reallaşdırır". www.pittsburgh.cbslocal.com (ingilis). İstifadə tarixi: 31.05.2021.
5. Martin Hayns (07.05.2014). "Peşəkar güləş çempionatı "Qıran" Konnor Mişalekdən Youtube-də təriflə bəhs etdi". www.independent.co.uk (ingilis). İstifadə tarixi: 01.06.2021.
6. WPXI (10.10.2012). "Beyin xərçəngi ilə mübarizə aparan 6 yaşlı oğlana kömək üçün edilən onlayn səylər uğur qazanır". www.wpxi.com (ingilis). 13.03.2015 tarixində arxivləşdirilib. İstifadə tarixi: 01.06.2021.
7. Houston Mitçell (19.12.2012). "Daniel Brayan 7 yaşlı xərçəng xəstəsi Konnor Mişalek ilə görüşür". www.latimes.com (ingilis). İstifadə tarixi: 01.06.2021.
8. Ceyms Koldvell (08.10.2013). "Brayan xərçənglə mübarizə aparan oğlanla yenidən görüşür". www.pwtorch.com (ingilis). İstifadə tarixi: 01.06.2021.
9. Marissa Peyn (03.04.2015). "Çempionatın keçmiş diktoru çempionat rəhbərliyini Konnorun hekayəsindən marketinqlə bağlı sui-istifadədə günahlandırır". www.washingtonpost.com (ingilis). İstifadə tarixi: 01.06.2021.
10. Stefani MakMahon (28.08.2014). "Yer üzündə bir mələk". www.huffpost.com (ingilis). İstifadə tarixi: 08.06.2021.
11. Nik Şvartz (06.05.2014). "Peşəkar güləş "Qıran" Konnora hörmət edir". www.ftw.usatoday.com (ingilis). İstifadə tarixi: 08.06.2021.
12. Sara Medina (21.12.2012). "7 yaşlı xərçəng xəstəsi Konnor Mişalek peşəkar güləş qəhrəmanı Daniel Brayanla görüşdü". www.huffpost.com (ingilis). İstifadə tarixi: 31.05.2021.
13. . www.wwe.com (ingilis). 09.03.2015. 11.03.2015 tarixində orijinalından arxivləşdirilib. İstifadə tarixi: 08.06.2021.
14. Cim Varsallon (10.03.2015). "PGÇ pərəstişkarı Mişalek "Şöhrət Zalı"nda "Döyüşçü" mükafatının ilk laureatı olacaq". www.miamiherald.com (ingilis). İstifadə tarixi: 08.06.2021.
15. Ceyms Koldvell (28.03.2015). "PGÇ Hesabatı 3/28". www.pwtorch.com (ingilis). İstifadə tarixi: 20.06.2021.
16. Mayk Conson (03.04.2015). "PGÇ-nin bəyannaməsi ilə yenilənib: Rinq şərhçisi Roberts PGÇ-nin Konnordan istifadə etməsi iddiasını yazdı". www.pwinsider.com (ingilis). İstifadə tarixi: 08.06.2021.
17. Castin Roberts (02.04.2015). "Gördüklərinizin yarısına və eşitdiklərinizin hissələrinə inanın". www.medium.com (ingilis). İstifadə tarixi: 08.06.2021.
18. "Keçmiş PGÇ ring şərhçisi Castin Roberts PGÇ-nin Mişalek barədə səmimiyyətini sual altına alır". www.pwtorch.com (ingilis). 02.04.2015. İstifadə tarixi: 08.06.2021.
19. Mayk Conson (06.04.2015). "Mişalek Castin Robertsin yazılarında". www.pwinsider.com (ingilis). İstifadə tarixi: 08.06.2021.
20. Devid Biksenspan (04.04.2015). "PGÇ Castin Roberts məqaləsinə, yeni UFC Berlin döyüşünə, əfsanəvi güləş arenasını xilas etmək səylərinə və daha çoxuna nəzəri cavab verir". www.f4wonline.com (ingilis). 16.04.2015 tarixində arxivləşdirilib. İstifadə tarixi: 20.02.2021.
21. Keti Finbou (24.06.2014). "PGÇ mərhum fanatı 8 yaşındakı Konnor Mişalekin şərəfinə "Konnorun müalicəsi" xeyriyyə fondunu təşkil edir". www.digitalspy.com (ingilis). İstifadə tarixi: 09.06.2021.
22. PGÇ (15.08.2015). "Stepani MakMahon və Pol Leveskyu Konnor Mişalekin şərəfinə "Konnorun müalicəsi" xeyriyyə fondunu elan etdi". www.community.wwe.com (ingilis). İstifadə tarixi: 09.06.2021.
23. "Rəqs edən Daniel Brayan, PGÇ-nin təşkilatı". www.miamiherald.com (ingilis). 03.09.2015. İstifadə tarixi: 09.06.2021.

Xarici keçidlər

• "Konnorun müalicəsi" Pittsburq Vəqfinin Uşaq Xəstəxanası səhifəsində