Konan Oziriş
Tiago Miranda (port. Tiaqo Miranda; d. 5 yanvar 1989, Lissabon, Portuqaliya) və ya səhnə adı ilə Konan Oziriş (port. Conan Osíris) — Portuqaliya müğənnisi və bəstəkarı. O, 2019-cu ildə "Telemóveis" mahnısı ilə Portuqaliyanın RTP telekanalının Avroviziya üçün təşkil etdiyi Festival da Canção müsabiqəsinə qatılmış və ifa etdiyi mahnı ilə Portuqaliyada şöhrət qazanmışdır. Nəticədə Konan festivalda qalib gələrək həmin mahnı ilə Portuqaliyanı İsrailin Tel-Əviv şəhərində keçirilən 2019 Avroviziya Mahnı Müsabiqəsində təmsil etmək hüququnu əldə etmişdir.
| Konan Oziriş | |
|---|---|
| port. Conan Osíris | |
| Ümumi məlumatlar | |
| Doğum adı | Tiago Miranda port. Tiaqo Miranda |
| Ləqəbi | Konan Oziriş |
| Doğum tarixi | |
| Doğum yeri | Lissabon, Portuqaliya |
| Vətəndaşlığı | Portuqaliya |
| Musiqiçi məlumatları | |
| Fəaliyyəti | müğənni, bəstəkar |
| Fəaliyyət illəri | 2011–h.h. |
| Janr |
|
| Musiqi aləti | vokal |
| Əlaqəsi | Joao Reiş Moreyra |
| Vikianbarda əlaqəli mediafayllar | |
Musiqi karyerası
2011-ci ildə ifaçı Cathedral adlı debüt albomu ilə musiqi karyerasını başlatmışdır. Bundan başqa isə Konanın 2014-cü ildə Silk mini-albomu, 2016-cı ildə Música, Normal və 2017-ci ildə isə Adoro Bolos albomları işıq üzü görmüşdür.
2019-cu ilin mart ayında keçirilən Portuqaliyanın Avroviziya milli seçim turunda "Telemóveis" mahnısı ilə qələbə qazanmışdır. O, həmin mahnı ilə ölkəsini Tel-Əvivdə keçirilən Avroviziya 2019-da təmsil etmişdir. Rəqqas həmkarı Joao Reiş Moreyra ilə birlikdə Avroviziyada səhnə alan Konan nəticədə yarımfinal mərhələsində lazımi miqdarda xal toplaya bilmədiyi üçün finala yüksələ bilməmişdir.
Konan Oziriş 18 iyul tarixində Portuqaliyanın Super Bock Super Rock 2019 musiqi festivalında çıxış edəcək. Həmçinin Konan Barbara Dex 2019 mükafatının sahibidir.
Mükafatlar
| İl | Mükafat | Kateqoriya | Nəticə |
|---|---|---|---|
| 2019 | PLAY - Portuguese Music Awards | Ən yaxşı yeni ifaçı | Qazandı |
Diskoqrafiya
Albomlar
| Albom adı | İl |
|---|---|
| Cathedral | 2011 |
| Música, Normal | 2016 |
| Adoro Bolos | 2017 |
Mini-albomlar
| Albom adı | İl |
|---|---|
| Silk | 2014 |
Sinqllar
| Mahnı adı | İl |
|---|---|
| "Telemóveis" | 2019 |
İstinadlar
- Manha, Correio da. "Conan Osíris partiu o telemóvel e está a tornar-se um fenómeno da música portuguesa". www.cmjornal.pt (portuqalca). İstifadə tarixi: 2019-03-03.
- "[AGENDA] Conan Osíris confirmado no Super Bock Super Rock 2019". ESC PORTUGAL | A Eurovisão em Português. İstifadə tarixi: 5 mart 2019.
- https://escxtra.com/2019/05/26/conan-osiris-barbara-dex-award-2019/
| Əvvəlki: Klaudiya Paskual "O jardim" | Portuqaliya Avroviziya Mahnı Müsabiqəsində 2019 | Sonrakı: — |
