Kamran Məmmədov 12 mart 1990 Azərbaycanı təmsil edən yunan roma güləşçisi Kamran MəmmədovKamran Məmmədov 2017 ci ildəşəx

Kamran Məmmədov (12 mart 1990) — Azərbaycanı təmsil edən yunan-roma güləşçisi.

Kamran Məmmədov

Kamran Məmmədov 2017-ci ildə

Şəxsi məlumatlar

Tam adı

Kamran Məmmədov

Vətəndaşlığı

Azərbaycan

Doğum tarixi

12 mart 1990 (34 yaş)

Boyu

172 sm. (5 ft 6 in)

Çəkisi

65 kq

İdman növü

Güləş

Karyera illəri

1997—2019

Məşqçisi

Radik Hüseynov

Medallar


Avropa Çempionatı
Bürünc		60 Kq.
Bürünc		59 Kq.
Bürünc	2016 Riqa	66 Kq.

Karyerası

Kamran Məmmədov 2008-ci ildə Kosiçe şəhərində gənclər arasında Avropa Çempionatının gümüş medalına sahib oldu. 2010-cu ildə isə Kamran Məmmədov Bolqarıstanda gənclər arasında Avropa Çempionatının və Macarıstanda gənclər arasında Dünya Çempionatının qalibi oldu.

2011-ci ilin iyulunda Azərbaycanın sabiq Prezidenti Heydər Əliyevin xatirəsinə həsr olunan Qızıl Qran-Pri beynəlxalq turnirini bürünc medalla başa vuran Kamran Məmmədov 2012-ci ildə Serbiyada Avropa Çempionatında mübarizə apardı və debüt turnirini beşinci pillədə başa vurdu. Həmin ilin aprelində Kamran Məmmədov Bolqarıstanda Avropa Olimpiya Təsnifat Turnirinin qalibi olub olimpiya lisenziyası sahib olsa da, yunan-roma güləşi üzrə Azərbaycan yığmasının məşqçiləri olimpiadaya daha təcrübəli hesab olunan Dünya və Avropa çempionu Həsən Əliyevi apardı. Həmin ilin sentyabrında Kamran Məmmədov Qızıl Qran-Pri beynəlxalq turnirin qalibi oldu.

Kamran Məmmədov 2013-cü ilin martında Gürcüstanın Tbilisi şəhərində Avropa Çempionatını bürünc medalla başa vurdu. İyulda Rusiyanın Kazan şəhərində Universiada Oyunlarının gümüş medalına sahib olan Kamran Məmmədov noyabrda növbəti dəfə Qızıl Qran-Pri beynəlxalq turnirinin qalibi oldu. 2014-cü ilin aprelində Kamran Məmmədov Finlandiyanın Vantaa şəhərində növbəti dəfə Avropa Çempionatının bürünc medalına sahib oldu. Həmin ilin noyabrında Kamran Məmmədov həm də Qızıl Qran-Pri beynəlxalq turnirini bürünc medalla başa vurdu.

2015-ci ildə Dünya Çempionatı və Avropa Oyunlarında mübarizə aparmayan Kamran Məmmədov mövsüm ərzində Fransada Paris Qran-Prisi və Azərbaycanda Qızıl Qran-Pri beynəlxalq turnirlərini gümüş medallarla başa vurdu. 2016-cı ilin martında Latviyanın Riqa şəhərində üçün dəfə Avropa Çempionatının bürünc medalına sahib olan Kamran Məmmədov iyulda hərbçilər arasında Dünya Çempionatını gümüş medalla başa vurdu.

Kamran Məmmədov 2017-ci ildə Bolqarıstanda D. Kolov - N. Petrov Turniri və Azərbaycanda İslam Həmrəyliyi Oyunlarının qalibi oldu. 2018-2019-cu illərdə mübarizə apardığı yeddi beynəlxalq turnirdə cəmi bir bürünc medala sahib olan Kamran Məmmədov 2019-cu ildə 28 yaşında idmanla vidalaşdı.

Nəticələri

Sıra	İl	Yarış	Ev sahibi	Nəticə
1	2008	Gənclərin Avropa Çempionatı	Slovakiya	2.
2	2010	Gənclərin Avropa Çempionatı	Bolqarıstan	1.
3	2010	Gənclərin Dünya Çempionatı	Macarıstan	1.
4	2011	Yadigar İmam Turniri	İran	2.
5	2011	Qızıl Qran-Pri	Azərbaycan	3.
6	2012	İstanbul Qran-Prisi	Türkiyə	3.
7		Avropa Çempionatı	Serbiya	5.
8		Avropa Olimpiya Təsnifat Turniri	Bolqarıstan	1.
9		Qızıl Qran-Pri	Azərbaycan	1.
10		Oleq Karavayev Turniri	Belarus	2.
11	2013	Avropa Çempionatı	Gürcüstan	3.
12		Universiada Oyunları	Rusiya	2.
13		Dünya Çempionatı	Macarıstan	34.
14		Qızıl Qran-Pri	Azərbaycan	1.
15	2014	Vəhbi Əmrə Turniri	Türkiyə	8.
16		Avropa Çempionatı	Finlandiya	3.
17		Qızıl Qran-Pri	Azərbaycan	3.

Sıra	İl	Yarış	Ev sahibi	Nəticə
18	2015	Paris Qran-Prisi	Fransa	2.
19	2015	Qızıl Qran-Pri	Azərbaycan	2.
20	2016	Avropa Çempionatı	Latviya	3.
21		Avropa Olimpiya Təsnifat Turniri	Serbiya	17.
22		Hərbçilərin Dünya Çempionatı	KYRM	2.
23		Qızıl Qran-Pri	Azərbaycan	7.
24	2017	D. Kolov - N. Petrov Turniri	Bolqarıstan	1.
25		İslam Həmrəyliyi Oyunları	Azərbaycan	1.
26		Dünya Çempionatı	Fransa	15.
27	2018	Kiyev Turniri	Ukrayna	15.
28		Vəhbi Əmrə Turniri	Türkiyə	3.
29		Oleq Karavayev Turniri	Belarus	8.
30		Dünya Çempionatı	Macarıstan	10.
31	2019	V. Əmrə Turniri	Türkiyə	5.
32		Avropa Çempionatı	Rumıniya	11.
33		G. Kartozia & V. Balavadze Turniri	Gürcüstan	5.

İstinadlar

International Wrestling Database. "KAMRAN MAMMADOV". www.iat.uni-leipzig.de (ingilis). 2022-08-04. 2023-11-11 tarixində . İstifadə tarixi: 02.08.2022.

[:PRO-1] International Wrestling Database. "KAMRAN MAMMADOV". www.iat.uni-leipzig.de (ingilis). 2022-08-04. 2023-11-11 tarixində . İstifadə tarixi: 02.08.2022.