Fuad Süleymanov
Bu məqaləni vikiləşdirmək lazımdır. Lütfən, məqaləni ümumvikipediya və redaktə qaydalarına uyğun şəkildə tərtib edin. |
Fuad Salman oğlu Süleymanov — Azərbaycan Respublikası Dövlət Neft Şirkəti Təlim, Tədris və Sertifikatlaşdırma İdarəsinin rəisi.
| Fuad Süleymanov | |
|---|---|
| Fuad Salman oğlu Süleymanov | |
| Doğum tarixi | |
| Doğum yeri | Cəlilabad, Azərbaycan SSR, SSRİ |
| Vətəndaşlığı | SSRİ→ Azərbaycan |
| Təhsili | |
| Mükafatları | Əməkdar mühəndis Yubiley Medalı “Fəxri neftçi” döş nişanı |
Həyatı
Süleymanov Fuad Salman oğlu 1967-ci il mayın 9-da Cəlilabad rayonunda anadan olmuşdur. 1984-cü ildə Azərbaycan İnşaat Mühəndisləri İnstitutuna daxil olub. 1985-ci ildən 1987-ci ilədək ordu sıralarında xidmət etdikdən sonra ali təhsilini davam etdirərək 1991-ci ildə “Sənaye və mülki tikinti” fakültəsini bitirib inşaat-mühəndisi ixtisasına yiyələnmişdir. Həmin il təyinatla “Xəzərdənizneftsosialtikinti” trestinin Texniki istehsalat şöbəsində mühəndis kimi əmək fəaliyyətinə başlayıb.
1994-1997-ci il illərdə Əməyin mühafizəsi və təhlükəsizlik texnikası şöbəsində mühəndis, 1997-2003-cü il illərdə isə şöbə rəisi, baş mütəxəssis, 2003-2007-ci illərdə isə “Xəzərdənizneftqaztikinti” trestinin Əməyin mühafizəsi və keyfiyyətə nəzarət xidməti rəisinin əməyin mühafizəsi və təhlükəsizlik texnikası üzrə müavini, Əməyin mühafizəsi və keyfiyyətə nəzarət xidmətinin rəisi vəzifələrində çalışıb.
2007-2010-cu il illər ərzində ARDNŞ “Neftqaztikinti” trestinin Keyfiyyətə Nəzarət İdarəsinin rəisi, Keyfiyyətə Nəzarət Departamentinin rəisi kimi əmək fəaliyyətini davam etdirib. 2010-2011-ci illərdə “Neftqaztikinti” trestinin əməyin mühafizəsi üzrə müdir müavini vəzifəsində işləyib.
28 iyul 2011-ci ildə ARDNŞ Təlim, Tədris və Sertifikatlaşdırma İdarəsinin rəisi vəzifəsinə təyin edilib. Rus, türk və ingilis dillərini bilir. Avropa Keyfiyyət Təşkilatının keyfiyyət, təhlükəsizlik üzrə auditoru və II level beynəlxalq qaynaq inspektorudur. Ədliyyə Nazirliyi yanında Azərbaycan Qanunvericiliyinin əsasları üzrə tam kursu bitirmişdir. Azərbaycan Respublikasının neft sənayesi işçilərinin təltif edilməsi haqqında Azərbaycan Respublikası Prezidenti cənab İlham Əliyevin 18 sentyabr 2015-ci il Sərəncamına əsasən Azərbaycan neft sənayesinin inkişafında xidmətlərinə görə "Tərəqqi" medalı ilə təltif edilmişdir. Azərbaycan Respublikası Prezidenti cənab İlham Əliyevin 19 sentyabr 2017-ci il tarixli sərəncamı ilə Fuad Süleymanova Azərbaycan Respublikasında neft sənayesi sahəsində uzunmüddətli səmərəli fəaliyyətlərinə görə “Əməkdar mühəndis” fəxri adı verilmişdir. Fuad Süleymanov 22 yanvar 2020-ci il tarixində general Həzi Aslanov adına "Yubiley Medalı" ilə də təltif olunmuşdur. Respublikanın neft və qaz sənayesinin inkişafında xidmətlərinə görə və TTSİ-nin yaranmasının 10 illiyi ilə əlaqədar olaraq Fuad Süleymanov SOCAR prezidentinin "SOCAR 211000030300070020B00072" saylı, 11 iyun 2021-ci il tarixli əmri ilə SOCAR-ın “Fəxri neftçi” döş nişanı ilə də təltif edilmişdir. Ailəlidir, bir qızı və bir oğlu var.
Xarici keçidlər
- http://president.az/articles/16224
- http://new.socar.az/socar/az/company/organization/education-training-and-certification-department 2012-11-05 at the Wayback Machine
- socar.az/etcd 2013-05-30 at the Wayback Machine - ARDNŞ Təlim, Tədris və Sertifikatlaşdırma İdarəsinin web saytı
- http://www.lent.az/xeber_72084_ARDN%C5%9E-d%C9%99_yeni_idar%C9%99_yarad%C4%B1ld%C4%B1 2011-08-23 at the Wayback Machine
- http://www.milli.az/news/economy/61184.html[ölü keçid]
- http://www.mediafakt.com/serbest/yazi.php?xeber=1491[ölü keçid]
- http://www.aztv.az/readnews.php?lang=az&id=4800 2012-10-03 at the Wayback Machine
- http://www.ictnews.az/read-13591-news-1.html
- http://www.azadinform.az/news/a-26731.html
- https://president.az/articles/25261