Fariz Əhmədov (rejissor)

Vikipediyada bu ad-soyadlı digər şəxslər haqqında da məqalələr var; bax: Fariz Əhmədov.

Fariz Asif oğlu Əhmədov (d. 15 dekabr, 1983, Bakı) — Azərbaycan rejissoru, "Azərbaycanfilm" kinostudiyasının direktoru (2020-ci ildən).

Fariz Əhmədov
Fariz Asif oğlu Əhmədov
Doğum tarixi	15 dekabr 1983 (37 yaş)
Doğum yeri	Bakı, Azərbaycan SSR
Təhsili	ADMİU

Həyatı

Fariz Əhmədov 15 dekabr 1983-cü ildə Bakıda anadan olub. ADMİU-nun Ədəbi yaradıcılıq və ekran dramaturgiyası ixtisasında (2001-2005) və Rüstəm İbrahimbəyovun Beynəlxalq Kino Məktəbində təhsil alıb (2007-dən).

Professional Kinorejissorlar Gildiyasında koordinator (2003-2005), Beynəlxalq Audiovizual Festivalda koordinator (2003-2005), ANS TV-də rejissor (2005-2006) kimi çalışıb.

Hazırda AzTV-də rejissordur. Fariz Əhmədov "Kiçik Əmanət" (2005, 5 dəq, film haqqında film), UNICEF üçün "Gənclik və Sülh" mövzusunda 1 dəqiqəlik sənədli filmin (2003) müəllifidir.

2010-cu ildə Ümumrusiya Dövlət Kinematoqrafiya Universitetinə daxil olmuş və 2012-ci ildə həmin ali təhsil ocağının magistr pilləsini bitirmişdir.

2012-ci ildə "Azanfilm" animasiya filmləri studiyasının direktoru təyin edilmişdir. 2020-ci ildən "Azərbaycanfilm" kinostudiyasının direktorudur.

Mükafatları

Çəkdiyi "Əriyən ada" filmi 2015-ci ildə "Ən yaxşı sənədli film" nominasiyasında "Qızıl Pəri" mükafatına layiq görülmüşdür.

Filmoqrafiya

1. Bakı sübhdən günbatanadək (film)
2. Anlama… (film, 2008)
3. Qocalar (film, 2008)
4. Bir addım (film, 2009)
5. Miras
6. Mayak (film, 2012)
7. Portret (film, 2012)
8. Əriyən ada (film, 2013)
9. Əbədi ezamiyyət (film, 2016)

İstinadlar

1. Kulis (06.10.2020). "Kinostudiyaya yeni direktor təyin edildi" (azərb.). Kulis. İstifadə tarixi: 2020-11-01.
2. Report (29 dekabr 2015). ""Qızıl Pəri" mükafatları təqdim olunub" (azərb.). Report.az. İstifadə tarixi: 2015-12-30.
3. Zümrüd. "Bakı sübhdən günbatanadək" Krakov festivalında: [ Fariz Əhmədovun eyniadlı filmi haqqında] //Səs.- 2015.- 29 noyabr.- S.7.
4. Azəri, L. Bakı sübhdən günbatanadək: Beynəlxalq layihə çərçivəsində ekranlaşdırılan tammetrajlı sənədli filmin təqdimatı //Mədəniyyət.- 2015.- 20 fevral.- S.4.
5. Rüstəm, Z. "Miras" beynəlxalq kinofestivala çıxarılır: [Rejissor Fariz Əhmədovun eyni adlı sənədli filmi haqqında] //Ayna.- 2011.- 12 mart.- S. 20.

Xarici keçidlər

• "Azanfilm"in yeni direktoru Fariz Əhmədovun Publika.Az-a eksklüziv müsahibəsi