Fariz Nəcəfov

Fariz Abdulla oğlu Nəcəfov (1 iyun 1978(1978-06-01), Kəngərli, Ağdam rayonu) — Azərbaycanı təmsil edən karateçi, "Qəbələ" İdman Klubunun prezidenti (2019-ci ildən) və keçmiş vitze-prezidenti (2008–2019), Azərbaycan Silahlı Qüvvələrinin zabiti, İkinci Qarabağ müharibəsi iştirakçısı.

Fariz Nəcəfov
Fariz Abdulla oğlu Nəcəfov
Fariz Nəcəfov 2015-ci ildə.
Doğum tarixi	1 iyun 1978(1978-06-01) (43 yaş)
Doğum yeri	Kəngərli, Ağdam rayonu, Azərbaycan SSR, SSRİ
Vətəndaşlığı	SSRİ  Azərbaycan
Uşağı	4
Atası	Abdulla Nəcəfov
Milliyyəti	azərbaycanlı
İxtisası	hüquq
Təhsili	Azərbaycan Memarlıq və İnşaat Universiteti, BDU
Fəaliyyəti	karateçi "Qəbələ" İdman Klubunun vitze-prezidenti (2008–2019) "Qəbələ" İK-nın prezidenti (2019-ci ildən) İkinci Qarabağ müharibəsi iştirakçısı
Mükafatları

Həyatı

Fariz Abdulla oğlu Nəcəfov 1 iyun 1978-ci il tarixində SSRİ respublikalarından olan Azərbaycan SSR-in Ağdam rayonuna ərazisində yerləşən Kəngərli kəndində anadan olmuşdur. O, Azərbaycan Taekvondo Federasiyasının birinci vitse-prezidenti Füzuli Musayevin tələbəsi olmuş, karate üzrə dəfələrlə dünya və Avropa çempionu olmuşdur.

Fariz Nəcəfov 2008-ci ildə "Qəbələ" İdman Klubunun vitze-prezidenti postuna təyin olunmuşdur. "Qəbələ" İK Nəcəfovun vitze-prezidentliyi dövründə müxtəlif uğurlara imza atmışdır. "Qəbələ" FK onun vitze-prezidentliyi dövründə, 2015–2016 UEFA Avropa Liqası mövsümündə "Neftçi" PFK və "Qarabağ" FK-dan sonra UEFA Avropa Liqasının qrup mərhələsində mübarizə aparmağa vəsiqə qazanan üçüncü Azərbaycan futbol klubu olmuşdur. Həmçinin, Azərbaycandaxili turnirlərdə, 2013–2014, 2014–2015, 2015–2016-cı illər mövsümlərində çempionatın bürünc mükafatını əldə edən "Qəbələ", 2016–2017 və 2017–2018-ci illər mövsümlərində gümüş medal qazanmışdır. Nəcəfov 18 aprel 2019-cu il tarixində Kəmaləddin Heydərovun oğlu Tale Heydərovu əvəz edərək "Qəbələ" İK-nun prezidenti postuna təyin olunmuşdur. O, 11 iyul 2019-cu il tarixində "Azərbaycan Xalq Cümhuriyyətinin 100 illiyi (1918-2018)" yubiley medalı ilə təltif edilmişdir.

Fariz Nəcəfov 27 sentyabr 2020-ci il tarixində başlayan İkinci Qarabağ müharibəsi zamanı ehtiyatda olan zabit kimi könüllü olaraq ordu sıralarına qoşulmuş, müharibə zamanı cəbhə bölgəsində hərbi xidmətini davam etdirmişdir.

İstinadlar

1. "2018-ci ilin mükafatçıları: İlin ən yaxşı məşqçiləri" (azərb.). Azərbaycan Respublikası Gənclər və İdman Nazirliyi. 26 dekabr 2018. İstifadə tarixi: 13 noyabr 2020.
2. ""Qəbələ" futbol klubuna yeni prezident təyin olunub". Baku.WS (azərb.). 18 aprel 2019. İstifadə tarixi: 13 noyabr 2020.
3. ""Qəbələ"nin prezidenti cəbhədən təsirli mesaj göndərdi - FOTO". Sportinfo.az (azərb.). 13 noyabr 2020. İstifadə tarixi: 13 noyabr 2020.
4. "Çempion polkovnik: Nə eləmişəmsə, qarşılıq gözləməmişəm - MÜSAHİBƏ". APA Sport (azərb.). Azəri Press Agentliyi. 26 dekabr 2017. İstifadə tarixi: 13 noyabr 2020.
5. "Fariz Nəcəfov Cümhuriyyət medalı ilə təltif edildi". Qol.az (azərb.). 11 iyul 2019. İstifadə tarixi: 13 noyabr 2020.
6. ""Qəbələ" İdman Klubuna yeni prezident təyin olunub". Report İnformasiya Agentliyi (azərb.). 18 aprel 2019. İstifadə tarixi: 13 noyabr 2020.
7. ""Qarabağ" və "Qəbələ"nin UEFA Avropa Liqasının qrup mərhələsindəki rəqibləri bəlli oldu (ƏLAVƏ OLUNUB) (SİYAHI)". Trend İnformasiya Agentliyi (azərb.). 28 avqust 2015. İstifadə tarixi: 13 noyabr 2020.
8. Saffer, Pol (26 avqust 2016). "Europa League group stage number crunching" (ingilis). UEFA. İstifadə tarixi: 13 noyabr 2020.
9. "Gabala in Europa League group stage number crunching" (ingilis). Qəbələ FK. 27 avqust 2016. İstifadə tarixi: 13 noyabr 2020.
10. "15 yaşlı "Qəbələ"". APA Sport (azərb.). Azəri Press Agentliyi. 1 sentyabr 2020. İstifadə tarixi: 13 noyabr 2020.
11. ""Qəbələ"nin yeni prezidenti açıqlandı". Sportline.az (azərb.). 18 aprel 2019. İstifadə tarixi: 13 noyabr 2020.
12. "Fariz Nəcəfov Cümhuriyyət medalı ilə təltif edildi - FOTOLAR". Aqreqator.az (azərb.). 11 iyul 2019. İstifadə tarixi: 13 noyabr 2020.
13. ""Onlarla fəxr edirəm" – "Qəbələ"nin prezidenti". APA Sport (azərb.). Azəri Press Agentliyi. 13 noyabr 2020. İstifadə tarixi: 13 noyabr 2020.