Fərid Nağıyev (baş leytenant)

Fərid Təyyar oğlu Nağıyev (16 iyun 1996, Şərq, Beyləqan rayonu – 30 noyabr 2021, Xızı rayonu) — Dövlət Sərhəd Xidmətinin baş leytenantı, Qaraheybət şəhidi.

Fərid Nağıyev
Şəxsi məlumatlar
Doğum tarixi	18 iyun 1996 (27 yaş)
Doğum yeri	Şərq, Beyləqan rayonu, Azərbaycan
Vəfat tarixi	30 noyabr 2021(2021-11-30) (25 yaşında)
Vəfat yeri	Xızı rayonu, Azərbaycan
Dəfn yeri	Beyləqan Şəhidlər Xiyabanı^[d]
Vətəndaşlığı	Azərbaycan
Təhsili	Azərbaycan Respublikası Dövlət Sərhəd Xidməti Akademiyası
Hərbi fəaliyyəti
Mənsubiyyəti	Azərbaycan Ordusu
Qoşun növü	Sərhəd Qoşunları
Hərbi hissə	Səngəçal aerodromu
Xidmət illəri	–2021
Rütbə	Baş leytenant
Döyüşlər	Vətən müharibəsi
Təltifləri	2022

Həyatı

Əslən Füzuli rayonundan olan Fərid Nağıyev, 18 iyun 1996-cı ildə Beyləqan rayonunun Şərq kəndində anadan olmuşdur.

Hərbi xidməti

Fərid Nağıyev 2013-cü ildə Dövlət Sərhəd Xidmətinin akademiyasına daxil olmuşdur. O, 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi üçün başlanan Vətən müharibəsində savaşmışdır. Baş leytenant olan Nağıyev müharibənin müxtəlif cəbhələrində vuruşmuşdur. 30 noyabr saat 10:40 radələrində Dövlət Sərhəd Xidmətinin hərbi helikopteri Xızı rayonu ərazisində yerləşən "Qaraheybət" aviasiya poliqonunda təlim uçuşları yerinə yetirərkən qəzaya uğramışdır. Nağıyev qəza nəticəsində daha 13 nəfər hərbçi ilə birlikdə şəhid olmuşdur. O, 2 dekabrda Beyləqan Şəhidlər xiyabanında dəfn olunmuşdur. Dəfn mərasimində şəhidin yaxınları, rayon ictimaiyyətinin nümayəndələri iştirak etmişdir. Əmək və əhalinin sosial müdafiəsi naziri Sahil Babayev qəzada həlak olanların, o cümlədən Nağıyevin "şəhid" statusunu aldığını bildirmişdir.

Təltifləri

•   (17.08.2022) — "Vətən uğrunda" medalı (ölümündən sonra)

İstinadlar

1. "Helikopter qəzasında həlak olan hərbçilərdən biri Zirədə, biri Əmircanda, biri isə Beyləqanda dəfn olunacaq". Azəri Press Agentliyi (az.). 1 dekabr 2021. 2021-12-06 tarixində . İstifadə tarixi: 7 dekabr 2021.
2. "Helikopter qəzasında ölənlərin SİYAHISI". Lent.az (az.). 30 noyabr 2021. 2021-12-06 tarixində . İstifadə tarixi: 7 dekabr 2021.
3. Lmahamad, Ayya. "Azerbaijan:14 officers killed, two wounded in helicopter crash [PHOTO/VIDEO]". AzerNews (az.). 30 noyabr 2021. 2021-11-30 tarixində . İstifadə tarixi: 7 dekabr 2021.
4. Babayev, Emin. "İki dost, iki şəhid və iki dərdli ata: "Səbr eləmək olmur, amma nə etməli?"". Sputnik (az.). 2 dekabr 2021. 2021-12-06 tarixində . İstifadə tarixi: 7 dekabr 2021.
5. "DSX-nin hərbi helikopterinin qəzaya uğraması ilə bağlı cinayət işi açılıb". AzTV (az.). 30 noyabr 2021. 2021-12-06 tarixində . İstifadə tarixi: 7 dekabr 2021.
6. "Helikopter qəzasında həlak olan hərbçi Beyləqan Şəhidlər xiyabanında dəfn edilib". Report İnformasiya Agentliyi (az.). 2 dekabr 2021. 2021-12-02 tarixində . İstifadə tarixi: 7 dekabr 2021.
7. "Helikopter qəzasında şəhid olan Fərid Nağıyev dəfn edildi - Fotolar". Qafqazinfo.az (az.). 2 dekabr 2021. 2021-12-06 tarixində . İstifadə tarixi: 7 dekabr 2021.
8. Kazımoğlu, Mirmahmud. "Helikopter qəzasında həlak olan sərhədçilərə şəhid statusu verilib". Report İnformasiya Agentliyi (az.). 4 dekabr 2021. 2021-12-04 tarixində . İstifadə tarixi: 7 dekabr 2021.
9. "Azərbaycan Respublikası Dövlət Sərhəd Xidmətinin hərbi qulluqçularının təltif edilməsi haqqında Azərbaycan Respublikası Prezidentinin Sərəncamı". www.president.az (Azərbaycan Prezidentinin rəsmi saytı) ( (az.)). 17.08.2022. 2022-08-17 tarixində . İstifadə tarixi: 17.08.2022.