Eldəniz Məmmədov (alim)
Bu səhifənin səhifə silmə kriteriyalarına uyğun olduğu güman edilir. Əgər səhifənin silinməsinə dair şübhəniz varsa, ya silinməyə namizəd səhifələr səhifəsində bu barədə fikrinizi bildirin, ya da məqalə üzərində düzəliş aparın. Bu məqalə sonuncu dəfə 0 saniyə əvvəl 89.147.247.58 tərəfindən redaktə olunub. (Yenilə) |
Eldəniz Məmmədov (tam adı: Eldəniz Elman oğlu Məmmədov; 25 iyul 1981, Bakı şəhəri) — kitabxanaşünaslıq, biblioqrafiyaşünaslıq və kitabşünaslıq elmi sahələri üzrə azərbaycanlı alim, tarix üzrə fəlsəfə doktoru.
Eldəniz Məmmədov | |
---|---|
Eldəniz Elman oğlu Məmmədov | |
Doğum tarixi | |
Doğum yeri | Bakı, Azərbaycan SSR, SSRİ |
Vətəndaşlığı | SSRİ→ Azərbaycan |
Milliyyəti | azərbaycanlı |
Elm sahəsi | kitabxanaşünaslıq biblioqrafiyaşünaslıq kitabşünaslıq |
Elmi dərəcəsi | tarix üzrə fəlsəfə doktoru |
İş yeri | Bakı Dövlət Universitetinin Kitabxanaçılıq-informasiya fakültəsi |
Təhsili | Bakı Dövlət Universitetinin Kitabxanaçılıq-informasiya fakültəsi |
Elmi rəhbəri | BDU-nun Fəxri professoru Abuzər Xələfov |
Mirzə Fətəli Axundov adına Azərbaycan Milli Kitabxanasının dövri mətbuat fondunun 1923-2007-ci illər dövrünü tədqiq edərək kitabxanaşünaslıq elminə, milli mətbuatımıza töhfə vermişdir.
Həyatı
Eldəniz Məmmədov 25 iyul 1981-ci ildə Bakı şəhərində dünyaya gəlmişdir. 1988-1998-ci illərdə Bakıda 13 saylı orta məktəbdə təhsil almışdır. Orta məktəbi bitirdikdən sonra, 1998-2002-ci illərdə Bakı Dövlət Universitetinin Kitabxanaçılıq (indiki Kitabxanaçılıq-informasiya) fakültəsində bakalavr, 2002-2004-cü illərdə isə magistr təhsili almışdır.
2004-2005-ci illərdə hərbi xidmətdən sonra Bakı Dövlət Universitetində akademik və əmək fəaliyyətini davam etdirmişdir.
Evlidir, iki övladı var.
Elmi və pedaqoji fəaliyyəti
2000-2002-ci illərdə yerli gənc mütəxəssis Eldəniz Məmmədov ABŞ-ın Azərbaycandakı səfirliyinin nəzdində «Kitabxanaçılar üçün İnformasiya Resursları və Təlim Mərkəzi»ndə (ing. IRTCL - Information Resources and Training Center for Librarians) layihə köməkçisi vəzifəsində ilk əmək fəaliyyətinə başlamışdır.
O, 2004-cü ildən 2020-ci ilədək Bakı Dövlət Universitetinin Elmi Kitabxanasında biblioqraf vəzifəsində çalışmışdır.
2014-2015-ci tədris ilindən indiyədək Bakı Dövlət Universitetinin Kitabxanaçılıq-informasiya fakültəsinin «Kitabxanaşünaslıq» kafedrasının müəllimdir.
O, eyni zamanda, 2015-2016-cı tədris ilindən indiyədək Azərbaycan Dövlət Mədəniyyət və İncəsənət Universitetinin (ADMİU) Kulturologiya fakültəsində «Turizm və kitabxana-informasiya fəaliyyəti» kafedrasının müəllimidir. ADMİU-nun Kulturologiya fakültəsində, ilk ixtisas müəllimi kimi, Eldəniz Məmmədovun «kitabxanaçılıq və informasiya fəaliyyəti» ixtisasının formalaşmasında xüsusi xidmətləri olmuşdur.
Eldəniz Məmmədov 1 monoqrafiya, 10 tədris proqramı, 30-dan çox elmi məqalə və tezisin müəllifi, eləcə də respublika, beynəlxalq elmi seminar və konfransların məruzəçisi, "Kitabşünaslıq və redaktor sənəti" elmi jurnalının redaksiya heyətinin üzvüdür.
İstinadlar
- ↑
- ↑ Kitabşünaslıq və redaktor sənəti: elmi-nəzəri və təcrübi-metodik jurnal. 2019, N1 (8), Bakı, Azərbaycan.
- M.F.Axundov adına Azərbaycan Milli Kitabxanasının dövri mətbuat fondu
- Məmmədov E.E. M.F.Axundov adına Azərbaycan Milli Kitabxanasının dövri mətbuat fondu: tarixi, müasir vəziyyəti, oxuculara xidmət və inkişaf perspektivləri (1923-2007-ci illər): tarix üzrə fəlsəfə doktoru elmi dərəcəsi almaq üçün təqdim edilmiş dissertasiyanın avtoreferatı: 3356.01 / Azərbaycan Respublikası Təhsil Nazirliyi, Bakı Dövlət Universiteti, Bakı: Mütərcim, 2017, 22 s.
- "KİTABXANAŞÜNASLIQ VƏ İNFORMASİYA ELMLƏRİ" ANLAYIŞININ ŞƏRHİ 2021–06-03 tarixində . İstifadə tarixi: 2021–06-03.
- ↑
- U.S. Government Assistance to and Cooperative Activities with Eurasia. January 2003. Report: Country Assessments – Azerbaijan
- Azərbaycan Dövlət Mədəniyyət və İncəsənət Universiteti "Turizm və kitabxana-informasiya fəaliyyəti" kafedrası
- Eldəniz Məmmədov. Biblioqrafiya