Dimitri Nataluxa

Dmitri Andreyeviç Nataluxa (ukr. Дмитро Андрійович Наталуха; 15 sentyabr 1987, Moskva ) — ukraynalı hüquq müdafiəçisi, tərcüməçi, strateji və böhranlı kommunikasiyalar üzrə mütəxəssisi,Ukrayna Ali Radasının IX çağırış xalq deputatı.

Dmitri Andreyeviç Nataluxa
ukr. Дмитро Андрійович Наталуха
Ukrayna Ali Radasının IX çağırış xalq deputatı
Vəzifədədir
29 avqust 2019-cu ildən
Şəxsi məlumatlar
Doğum tarixi	15 sentyabr 1987(1987-09-15) (37 yaş)
Doğum yeri	Moskva, RSFSR, SSRİ
Partiya	Xalqın Xidmətçisi
Təhsili	Kembric Universiteti
Fəaliyyəti	insan hüquqları fəalı, siyasətçi
Elmi fəaliyyəti
Elm sahəsi	insan hüquqları fəalı, siyasətçi
Vikianbarda əlaqəli mediafayllar

Beynəlxalq siyasətdə fəal olan Nataluxa, Avropa Şurası Parlament Assambleyası Daimi Nümayəndəliyinin üzvü (burada Avropa Mühafizəkarlar Qrupunun xəzinədarıdır və Hüquq Məsələləri və İnsan Haqları Komitəsinin üzvüdür) kimi fəaliyyət göstərir.

Dimitri Nataluxa 2024-cü ildə "The New Voice of Ukraine jurnalı" tərəfindən “ən nüfuzlu 100 ukraynalı”, ondan əvvəl isə 2021-ci ildə “Korrespondent” və "Gazeta.ua jurnalları tərəfindən “2021-ci ilin ən perspektivli 100 Ukrayna siyasətçisi” siyahısına daxil edilib.

O, Ukrayna Parlamentinin İqtisadi Məsələlər Komitəsinin sədridir. Vladimir Zelenskinin "Xalqın Xidmətçisi" partiyasının partiya siyahısında 14-cü yerdədir.

Həyatı

Təhsili

Dimitri Nataluxa Taras Şevçenko adına Kiyev Milli Universitetinin Beynəlxalq Münasibətlər İnstitutunun hüquq fakültəsini bitirib (beynəlxalq hüquqşünas, fransız dilindən tərcüməçi-referent). Kembric Universitetində (Böyük Britaniya) Beynəlxalq Siyasət üzrə magistr proqramının məzunu, Kembric Ukrayna Cəmiyyətinin keçmiş sədri olub.

Əmək fəaliyyəti

Dimitri Nataluxa Lead/Augury şirkətinin partnyorudur. Şirkət böhran kommunikasiyaları, siyasi kampaniyalar və PR üzrə ixtisaslaşıb. Əvvəllər o, Amerikanın "Baker McKenzie" şirkətinin Kiyev ofisində işləyib. O, həmçinin "İlyasev & Partners" və digər hüquq firmalarında çalışıb. Nataluxa Avromeydanı fəal şəkildə dəstəkləyib. 2014-cü ildə Ukraynaya qayıdan Nataluxa Rusiya-Ukrayna Müharibəsinin başlamasından sonra Ukrayna üçün görünməmiş bir problem olan məcburi köçkünlər məsələsi ilə məşğul olub. O, BMT-nin Qaçqınlar üzrə Ali Komissarlığının Ukraynadakı ofisi ilə birgə məcburi köçkünlərin hüquqlarının müdafiəsini edib. Dimitri Nataluxa Birləşmiş Millətlər Təşkilatının Ukraynadakı icraçı partnyor ofisi olan “Müdafiə hüququ”nun vitse-prezidenti vəzifəsini daşıyıb. O, Ukraynanın “Məcburi köçkünlərin hüquq və azadlıqlarının təmin edilməsi haqqında” qanununun həmmüəlliflərindən və müdafiəçilərindən biri olub.

2015-ci ildə o, Ukraynanın o vaxtkı prezidenti Pyotr Poroşenko tərəfindən Odessa vilayətinin Komintern Rayon Dövlət Administrasiyasının (sonralar Liman rayonu) sədri təyin edilib. Bununlada Nataluxa 2015-2017-ci illərdə dövlət qulluğunda çalışıb.

Siyasi fəaliyyəti

2019-cu il parlament seçkilərində "Xalqın Xidmətçisi" partiyasından deputatlığına namizəd olub. Seçkiyə siyahıda 14-cü yerdə gedib. Seçkilər zamanı “Lid/Ogyuri” MMC-nin rəhbəri vəzifəsini icra edib. Bitərəfdir, Kiyevdə yaşayır.

Dimitri Nataluxa Ukrayna Ali Radasının İqtisadi İnkişaf Komitəsinin sədridir.

Ali Radada Nataluxa Böyük Britaniya və Şimali İrlandiya Birləşmiş Krallığı ilə parlamentlərarası əlaqələr üzrə qrupun həmsədridir.

Şəxsi həyatı

Dimitri Nataluxa "Batkivşina" partiyasından olan deputat Alena Şkrumla evlidir.

İstinadlar

1. "Список депутатів від партії «Cлуга Народу»". Слуга народа (партия) (ukrayna). 2019-08-08 tarixində arxivləşdirilib. İstifadə tarixi: 2019-12-03.
2. "Наталуха Дмитро Андрійович". Чесно (ukrayna). 2019-12-04 tarixində arxivləşdirilib. İstifadə tarixi: 2019-12-03.
3. "Кто проходит в Раду от "Слуги народа": список". ru:Зеркало недели. 2019-07-21. 2019-07-23 tarixində arxivləşdirilib. İstifadə tarixi: 2019-12-03.
4. "Dmytro Natalukha - Ukraine representatives to the Parliamentary Assembly of the Council of Europe". pace.coe.int. 5 March 2020 tarixində arxivləşdirilib. İstifadə tarixi: 18 August 2020.
5. "Про призначення Д.Наталухи головою Комінтернівської районної державної адміністрації Одеської області". ru:Офис президента Украины (ukrayna). 2015-09-10. 2019-12-04 tarixində arxivləşdirilib. İstifadə tarixi: 2019-12-03.
6. "Про звільнення Д.Наталухи з посади голови Лиманської районної державної адміністрації Одеської області". ru:Офис президента Украины (ukrayna). 2017-02-03. 2019-12-04 tarixində arxivləşdirilib. İstifadə tarixi: 2019-12-03.
7. "Партия "Слуга народа" обновила список кандидатов". ru:РБК-Украина. 2019-06-13. 2019-07-14 tarixində arxivləşdirilib. İstifadə tarixi: 2019-12-03.
8. "Відомості про кандидата в народні депутати України". ru:ЦИК Украины (ukrayna). 2019-12-04 tarixində arxivləşdirilib. İstifadə tarixi: 2019-12-03.
9. "Рада утвердила руководство и состав комитетов (список членов)". КиевВласть. 2019-08-30. 2020-02-04 tarixində arxivləşdirilib. İstifadə tarixi: 2019-12-03.
10. "У Верховній Раді створено депутатську групу з міжпарламентських зв'язків зі Сполученим Королівством Великої Британії та Північної Ірландії". ru:Верховна Рада України (ukrayna). 2019-10-29. 2019-12-04 tarixində arxivləşdirilib. İstifadə tarixi: 2019-12-03.
11. Early elections to the Rada: "Fatherland" presented the first 50. glavcom.ua (ukrayna). 12 June 2019. İstifadə tarixi: 2019-06-12.
12. Zelensky's New Faces. A dossier for all "servants of the people". glavcom.ua (ukrayna). 12 June 2019. İstifadə tarixi: 2019-06-12.

Xarici keçidlər

• Дмитрия Наталухи — Facebook səhifəsi
• "Наталуха Дмитрий Андреевич". ^[ukr.]. İstifadə tarixi: 2019-12-03.