Cilovdarlı
Cilovdarlı — Azərbaycan Respublikasının Tovuz rayonunun inzibati ərazi vahidində kənd. 6 may 1997–ci ildə rayonun yaşayış məntəqələri uçot məlumatına daxil edilmişdir.
Kənd | |
Cilovdarlı | |
---|---|
41°03′04″ şm. e. 45°38′10″ ş. u. | |
Ölkə | Azərbaycan |
Region | Gəncə-Qazax iqtisadi rayonu |
Rayon | Tovuz rayonu |
Tarixi və coğrafiyası | |
Mərkəzin hündürlüyü | 356 m |
Saat qurşağı | UTC+4, yayda UTC+5 |
Əhalisi | |
Əhalisi | 1319 (2009) nəfər |
Milli tərkibi | Azərbaycanlılar |
Rəsmi dili | Azərbaycan dili |
Tarixi
Cilovdarlı oyk., sadə. Tovuz rayonunun Xatınlı inzibati ərazi vahidində kənd. Gəncə-Qazax düzənliyindədir. Etnotoponimdir. Cilovdarlılar vaxtilə Şahsevənlər hərbi ittifaqına daxil olmuş, I Şah Abbasın hakimiyyəti illərində (XVII əsrin əvvəlləri) Gəncəbasara gəlmişlər. Cilovdarlıq Səfəvilər dövründə xususi vəzifə olmuş və bu vəzifənin icrası ayrılıqda bir tayfaya tapŞırılmışdır. Mənbələrdə cilovdarlar oğuzların bəydili tayfasının bir qolu kimi qeyd olunur. Cilovdar "cilov tutan, cilov verən", "ordunun on hissəsində gedən" deməkdir. Füzuli rayonundakı Qazaxlar kəndinin məhəllələrindən biri də Cilovdarlı adlanır. Bir başqa mənbədə isə Cilovdar "öndə gedən" "karvanbaşı" deməkdir.
Coğrafiyası və iqlimi
Cilovdarlı Azərbaycan Respublikasının Şimal-Qərb bölgəsində, Tovuz rayonunda, Kür çayının 2–3 km-də yerləşir.
Qonşu kəndləri Qədirli, Mülkülü, Xatınlı, Qaraxanlı və Əlimərdanlıdır.
Əhalisi
Kənd əhalisini qədim oğuz türkləri təşkil edir. Əhalisinin sayı 1319 nəfərdir.
İqtisadiyyatı
Əhali əsasən iri və xırda buynuzlu heyvandarlıqla, süd məhsullari istehsalı ilə (süd, şor, qatıq, nehrə yağı, ayran, pendir) və əkinçiliklə (kartof, soğan, yonca) məşğul olur.
İstinadlar
- Azərbaycan Respublikasının Milli Məclisi (6 may 1997-ci il). "Azərbaycan Respublikasının Biləsuvar, Zərdab, İsmayıllı, Yardımlı, Goranboy, Tovuz və Cəlilabad rayonlarının inzibati-ərazi bölgüsündə qismən dəyişikliklər edilməsi haqqında Azərbaycan Respublikasının № 293-IQ saylı Qanunu" (azərb.). e-qanun.az. 2015-12-19 tarixində arxivləşdirilib. İstifadə tarixi: 2015-12-19.
- "Azərbaycan toponimlərinin ensiklopedik lüğəti". İki cilddə. I cild. Bakı, "Şərq-Qərb", 2007.
- Ərəb və fars sözləri lüğəti. Bakı. 1966.
- Azərbaycan Respublikası əhalisinin siyahıyaalınması 2009-cu il. I cild. Bakı - 2010.