Cavaxeti

Cavaxeti və ya Cavaxetiya (gürc. ჯავახეთი, erm. Ջավախք) — Gürcüstanın cənubunda tarixi vilayət. Vilayətin əraziləri Axalkalaki, Aspindza (qismən), Ninotsminda bələdiyyələri və qismən də Türkiyənin Ərdahan vilayətini əhatə edir. Cavaxeti tarixən qərbdən Kür çayı ilə, şimaldan Şavşeti dağı ilə, cənubda Samsari dağı ilə və şərqdə Niyaliskuri dağı ilə həmsərhəddir. Bu vilayətdəki əsas iqtisadi fəaliyyət kənd təsərrüfatıdır.

1995-ci ildə Axalkalaki və Ninotsminda rayonları qonşu Samtsxe diyarı ilə birləşdirilərək Samtsxe-Cavaxeti adlanan yeni bir inzibati vilayət yaradılmışdır. 2020-ci ilin yanvar ayında əldə olunan məlumata görə, Samtsxe-Cavaxetinin ümumi əhalisi 152,100 nəfərdir. Vilayət əhalisinin əksəriyyətini ermənilər təşkil edir. 2014-cü ildə Gürcüstanda keçirilən əhalinin üsiyahıyaalınmasına görə, Axalkalaki bələdiyyəsində yaşayanların 93%-i (41,870) və Ninotsminda bələdiyyəsində yaşayanların 95%-i (23,262) ermənilər idi.

İstinadlar

1. Verdiyev, Ədalət (16 yanvar 2019). "Ermənistanın strateji planlarında Cavaxetiya məsələsi - ARAŞDIRMA (I YAZI)". Ordu.az (azərb.). İstifadə tarixi: 17 sentyabr 2021.
2. Bağırov, Firuz (16 iyul 2021). "Türkiyənin Cavaxeti ilə bağlı yeni planı: Keçmiş rus hərbi bazasının yerində türk kontingenti yerləşdiriləcək?". Ordu.az (azərb.). İstifadə tarixi: 17 sentyabr 2021.
3. Mamedov, Kamran (16 oktyabr 2020). "Ermənistan - Azərbaycan konflikti Gürcüstandan necə görünür?". Politicon.co (azərb.). Topçubaşov Mərkəzi. İstifadə tarixi: 17 sentyabr 2021.
4. Rezvani, Babak (2014). Conflict and Peace in Central Eurasia: Towards Explanations and Understandings. BRILL. səh. 1. ISBN 9789004276369. ...Javakheti (called Javakhk by Armenians).
5. "Georgian Court Sentences Armenian Activist To 10 Years In Prison". Radio Free Europe/Radio Liberty. 8 aprel 2009. İstifadə tarixi: 17 sentyabr 2021. ...Georgian region of Javakheti (Armenian Javakhk)...
6. "Statistical information about Samtskhe-Javakheti region". National Statistics Office of Georgia. İstifadə tarixi: 17 sentyabr 2021.
7. "Population Census 2014". www.geostat.ge (ingilis). National Statistics Office of Georgia. noyabr 2014. İstifadə tarixi: 17 sentyabr 2021.

Əlavə ədəbiyyat

• Lalayan, Yervand (1895). Ջաւախք (erməni). Azgagrakan Handes.