Bəhram Nəsibov Bəhram Paşa oğlu Nəsibov 22 iyun 1942 Aşağı Rəfədinli Qaryagin rayonu 1998 Bakı bəstəkar şair tarzən və g

Bəhram Nəsibov (Bəhram Paşa oğlu Nəsibov; 22 iyun 1942, Aşağı Rəfədinli, Qaryagin rayonu – 1998, Bakı) — bəstəkar, şair, tarzən və gitaraçı.

Bəhram Nəsibov
Bəhram Paşa oğlu Nəsibov

Ümumi məlumatlar
Doğum tarixi	22 iyun 1942(1942-06-22)
Doğum yeri	Aşağı Rəfədinli, Qaryagin rayonu, Azərbaycan SSR, SSRİ
Vəfat tarixi	1998
Vəfat yeri	Bakı, Azərbaycan
Vətəndaşlığı	Azərbaycan
Musiqiçi məlumatları
Fəaliyyəti	bəstəkar, gitaraçı, şair, tarzən
Musiqi alətləri	tar, gitara

Həyatı

Bəhram Nəsibov 1942-ci il iyunun 22-də Füzuli rayonunun Aşağı Rəfədinli kəndində anadan olub. 12 yaşı olanda atasını itirir. 1962–1967-ci illərdə Azərbaycan Dövlət İncəsənət İnstitutunun musiqili komediya şöbəsində Soltan Hacıbəyovun kursunda təhsil alıb. İlk dəfə mahnı yazmağa da həmin illərdə başlayıb. O vaxtlar yazdığı ilk mahnısı "Qarabağ" dillər əzbəridir. Bundan sonra bir-birinin ardınca "Sən də həmdəm, mən də həmdəm", "Var gülüşündə", "Şahnaz" təsnifi kimi məşhurlaşan "Deyin hardadır", "Səni qəmli görəndə", "Gecələr", "Bəxtəvər gəlin", "Ay gecikən məhəbbətim", "Qurban olum", "Sən güləndə", "Vuruldum, ay qız", "Xatirəsən", "Gəl inad etmə" və digər mahnılarını yazıb. Ümumilikdə 300-ə yaxın mahnısı var. Uzun illər bu mahnılar xalq mahnısı və müxtəlif təsnif adı altında təqdim edilib. Sonradan mahnılar Azərbaycan Respublikası Müəllif Hüquqları Agentliyində müəllifin adına qeydiyyatdan keçib. Əksər mahnıların sözlərini də özü yazıb. B.Nəsibov həm də tarda və gitarada gözəl ifa edirdi. Bundan əlavə Bəhram Nəsibov çoxlu sayda şeirlər, bəhri-təvillər, uşaq mahnılarının müəllifidir.

1993-cü ildə Füzuli rayonunun işğalından bir neçə gün sonra beyninə qan sızıb. 5 il xəstə yatan şair, 1998-ci ildə vəfat edib.

Repertuarındakı musiqilər

Ay dəli ceyran!
Ay gecikən məhəbbətim
Ay sevgilim, hardasan?
Bacılar
Bəxtəvər gəlin
Deyin, hardadır!
Dənizdə qağayı
Eşqimin baharı
Ey anam Bakı!
Gecələr
Gəl, inad etmə böylə!
Gözləri xumarım
Gözləyirəm yolunu
Güldən incəsən
Xatirəsən
Xatırla məni (Barı yada sal mənə)
İlk müəllimim
Qadan mən alım / İlk baharımsan
Qal, sənə qurban!
Qarabağ
Qayıt, sevgilim
Mələksən
Nədən yad olmuşam?
Nədir xəyalın?
Ötən gənclik
Peyman etdik
Saf eşqim
Sahildə
Sevdalı yar
Sevimli dilbərim
Sən güləndə
Sən də həmdəm, mən də həmdəm
Səni qəmli görəndə
Sənsiz yaşaya bilmirəm
Vəfalısan, gözəlim
Var gülüşündə
Vuruldum, ay qız!..
Yad ellərdə
Yar gəldi
Yoxdur cahanda

İstinadlar

"Dillər əzbəri olan çoxsaylı mahnılarımızın unudulmuş müəllifi". sputnik.az (az.). 2023-07-04 tarixində . İstifadə tarixi: 18 mart 2023.
Savalan Fərəcov. "Böyük istedad, gözəl insan: Bəhram Nəsibov". medeniyyet.az (az.). 2021-06-03 tarixində . İstifadə tarixi: 18 mart 2023.
Mədəniyyət TV. "Xalqın milli ruhunu mahnılarında yaşadan bəstəkar, ifaçı, şair Bəhram Nəsibov" (az.). Youtube.com. 10.04.2024. İstifadə tarixi: 2024-04-10.
"Mahnıları oğurlandı, kasetlərini dinləyib komaya düşdü, Füzulinin işğalından sonra beyninə qan sızdı – Bəhram Nəsibov haqqında bilmədiklərimiz..." kulis.az (az.). 2022-07-14 tarixində . İstifadə tarixi: 18 mart 2023.

Xarici keçidlər

Baba Mahmudoğlu (Mirzəyev) - Ay sevgilim hardasan (Sevən canım sənə qurban)
Bəhram Nəsibovun xatirə gecəsi
Niyaməddin Musayev - Şahnaz təsnifi (Deyin hardadır)

[1] "Dillər əzbəri olan çoxsaylı mahnılarımızın unudulmuş müəllifi". sputnik.az (az.). 2023-07-04 tarixində . İstifadə tarixi: 18 mart 2023.

[2] Savalan Fərəcov. "Böyük istedad, gözəl insan: Bəhram Nəsibov". medeniyyet.az (az.). 2021-06-03 tarixində . İstifadə tarixi: 18 mart 2023.

[3] Mədəniyyət TV. "Xalqın milli ruhunu mahnılarında yaşadan bəstəkar, ifaçı, şair Bəhram Nəsibov" (az.). Youtube.com. 10.04.2024. İstifadə tarixi: 2024-04-10.

[4] "Mahnıları oğurlandı, kasetlərini dinləyib komaya düşdü, Füzulinin işğalından sonra beyninə qan sızdı – Bəhram Nəsibov haqqında bilmədiklərimiz..." kulis.az (az.). 2022-07-14 tarixində . İstifadə tarixi: 18 mart 2023.