Bayram Mustafayev
Bayram Mustafayev (tam adı: Bayram Bəxtiyar oğlu Mustafayev; d. 23 may 1987, Bakı, Azərbaycan) — Azərbaycanlı cüdoçu. Bayram Mustafayev, 2016-cı ildə baş tutan XV Yay Paralimpiya Oyunlarının və 2017-ci ildə keçirilən IV İslam Həmrəyliyi Oyunlarının gümüş medalına sahib olub. Bayram Mustafayev Krouli, Eger və Odivelaşda keçirilən Avropa çempionatlarında qızıl, Uolsollda keçirilən Avropa Çempionatında isə gümüş medal qazanıb. Mustafayev 2014-cü ildə Koloradoda keçirilən Dünya Çempionatının qalibi olub.
Bayram Mustafayev | |
---|---|
Şəxsi məlumatlar | |
Tam adı | Bayram Bəxtiyar oğlu Mustafayev |
Vətəndaşlığı | SSRİ→ Azərbaycan |
Doğum tarixi | |
Doğum yeri | Bakı, Azərbaycan SSR, SSRİ |
Məşqçisi | Bəxtiyar Mustafayev İxtiyar Mustafayev |
Boyu | 170 sm |
Çəkisi | 66 kq |
İdman növü | Para-cüdo |
Cüdoçu Azərbaycan yığmasında 2010-cu ildən para-cüdoçu kimi çıxış edir. O, XV Yay Paralimpiya Oyunlarında qazandığı uğura görə 3-cü dərəcəli "Vətənə xidmətə görə" ordeni ilə təltif edilib. Bayram həmin ildəcə Gənclər və İdman Nazirliyinin versiyasına görə 2016-cı il "İlin ən yaxşıları" mükafatının nominasiyasında fəxri diplomla mükafatlandırılıb.
Həyatı
Bayram Mustafayev 1987-ci il may ayının 23-də Bakı şəhərinin Əmircan qəsəbəsində anadan olub. Uşaqlıqdan idmana həvəs göstərən Bayram, 1998-ci ildə 11 yaşı olarkən cüdo idman növünə "Neftçi" idman klubu ilə başladı. 2010-cu ildə zədə aldıqdan sonra paralimpiya üzrə cüdo yarışlarında iştirak etdi. Bayramın şəxsi məşqçiləri Bəxtiyar və İxtiyar Mustafayevlərdir. Mustafayev 170 sm boya və 66 kq çəkiyə malikdir.
Karyerası
2011-2013-cü illər
2011 Avropa Çempionatı
2013 Avropa Çempionatı
2014-2015-ci illər
2015 Avropa Çempionatı
2014 Dünya Çempionatından sonra, Bayram Mustafayev mövsümün daha bir önəmli yarışına qatıldı. Mustafayev 2016-cı ildə Braziliyanın Rio-de-Janeyro şəhərində baş tutan 2016 Yay Paralimpiya Oyunlarına lisenziya xarakterli Avropa Çempionatında qüvvəsini sınadı. 25-30 noyabr aralığında Portuqaliyanın Odivelaş şəhərində keçirilən Avropa çempionatında, Mustafayev 1/16 və 1/8 final mərhələlərində rəqibi olmadığından azad oldu. 1/4 final mərhələsində onun rəqibi İspaniya təmsilçisi Daniel Qavila idi. Rəqibini məğlub edən cüdoçu yarım-final mərhələsinə adladı. Yarım-final mərhələsində o, rusiyalı cüdoçu Viktor Rudenko ilə qarşılaşdı. Bayram Mustafayev yarım-final rəqibini də məğlubiyyətə uğradaraq, uğurlu seriyasının davamını gətirdi. Finalda isə o, 2012-ci ildə Londonda baş tutmuş Yay Paralimpiya Oyunlarının qızıl medalına layiq görülmüş, rusiya nümayəndəsi David Xoravla üz-üzə gəldi. Ukraynalı beynəlxalq səviyyəli idman ustası David Xorav final görüşündə qalibiyyəti əldən verdi.
Bayram Mustafayev noyabrın 28-də qızıl medala yiyələndi. Bayram Mustafayev Rio-de-Janeyro Paralimpiyadasına lisenziya əldə etdi. Həmçinin Mustafayev karyerasında üçüncü dəfə olaraq Avropa Çempionu oldu. Çempionatda Azərbaycan yığması ümumi hesabda üçüncü yeri tutdu. Birinci və ikinci yerləri Rusiya ilə Ukrayna komandaları bölüşdülər. Sonuncu gün təşkil olunan komanda yarışında Azərbaycan yığması finalda Rusiyaya qalib gələrək Avropanın ən güclü komandası adına layiq görüldü. Paralimpiya Oyunlarına lisenziyanı Bayram Mustafayev daxil olmaqla, 7 idmançı qazandı.
Bayram Mustafayev qalib olduğu gün onunla bərabər 60 kq çəki dərəcəsində Ramin İbrahimov, 100 kq çəki dərəcəsində Kənan Abdullaxanlı və 100+ kq çəki dərəcəsində İlham Zəkiyev mübarizə aparırdı. Bayram Mustafayevin qazandığı medal Azərbaycan yığmasının Avropada qazandığı ilk qızıl medal idi. 2-ci qızıl medalı ikiqat paralimpiya çempionu İlham Zəkiyev, 3-cü medalı isə Ramil Qasımov yığmaya qazandırdı. Ramin İbrahimov gümüş, Kənan Abdullaxanlı bürünc medalla kifayətləndilər.
2016-2017-ci illər
Rio-de-Janeyro Olimpiadası
Bayram Mustafayev 2016-cı ilin sentyabrında özünün ikinci Yay Paralimpiya Oyunlarına qatıldı. O, bundan əvvəl, 2012-ci ilin avqustunda Böyük Britaniyanın London şəhərində keçirilmiş Yay Paralimpiya Oyunlarında iştirak etmişdi. Avqustun 29-da Yay Paralimpiya Oyunlarının açılışı mərasimi baş tutdu. Bayram Mustafayev 66 kiloqram çəki dərəcəsində mübarizə aparırdı. 1/16 mərhələdən azad olan cüdoçu, ilk görüşündə rusiyalı Viktor Rudenkoya qalib gəldi. Digər mərhələ adlayan cüdoçu, çin nümayəndəsi Xu Jao ilə qarşılaşdı. Gərgin keçən mübarizədə Xu Jao yuko xalı qazanaraq görüşdən qalib ayrıldı. Məğlub olan Mustafayev mübarizəni erkən dayandırdı.
İyulun 18-də Braziliyanın Rio-de-Janeyro şəhərində keçirilən XXXI Yay Olimpiya Oyunları və XV Yay Paralimpiya Oyunlarında iştirak edəcək Azərbaycan nümayəndə heyətinin rəsmi yolasalma mərasimi keçirildi. Mərasimdə Azərbaycan Respublikasının və Milli Olimpiya Komitəsinin prezidenti İlham Əliyev iştirak etdi. Dövlət başçısı çıxış edərək nitq söylədi. Daha sonra 2 qat Paralimpiya çempionu İlham Zəkiyev, Gənclər və İdman naziri Azad Rəhimov, yunan-roma güləşi üzrə yığma komandanın məşqçisi Akif Əliyev və Dünya çempionu Rəsul Çunayev çıxış etdilər.
Bayram Mustafayev sentyabrın 8-i mübarizəyə qoşuldu. O, 1/16 və 1/8 final mərhələlərindən azad oldu. 1/4 final mərhələsində onun rəqibi braziliyalı Halison Oliveyra Boto idi. Görüş ərzində Mustafayev vaza-ari xalı qazanaraq qalib oldu. Yarım-final mərhələsində o, yaponiyalı cüdoçu Satoji Fujimoto ilə üz-üzə gəldi. Mustafayev rəqibi üzərində ippon fəndi ilə qələbə qazandı və yarışların həlledici final görüşünə adladı. Final görüşündə o, Özbəkistan nümayəndəsi Utxirjon Niqmatov ilə qarşılaşdı. Görüşün başlanğıcında rəqibindən vaza-ari xalı alan Niqmatov, görüşün sonunda Mustafayevin əli üzərində sındırıcı fənd tətbiq etdi. Mustafayev təslim olduğu üçün Niqmatov XV Yay Paralimpiya Oyunlarının qalibi oldu. Bayram Mustafayev isə yarışların gümüş medalına layiq görüldü. Onun qazandığı medal, Azərbaycan yığmasının Rio-de-Janeyro Paralimpiyadasında ilk medalı oldu.
Paralimpiyada bitdikdən sonra Bayram Mustafayev sentyabrın 22-də digər idmançılar ilə birlikdə vətənə qayıtdı. İdmançılar Heydər Əliyev adına Beynəlxalq Hava Limanında izdihamla qarşılandılar. Sentyabrın 23-də İlham Əliyev Rio-de-Janeyro Paralimpiyadasında idmançılar və onların məşqçiləri ilə görüşdü. Əliyev mərasimdə nitq söylədi. Nitqdən sonra uğurla çıxış etmiş idmançılara və məşqçilərə dövlət təltiflərinin verilmə mərasimi baş tutdu. İlham Əliyev Paralimpiyadada 1 qızıl, 8 gümüş, 2 bürünc medal qazanmış idmançıları və məşqçiləri təltif etdi.
Prezident İlham Əliyevin 21 sentyabr 2016-cı il tarixli sərəncamına əsasən, Mustafayev Bayram Bəxtiyar oğlu XV Yay Paralimpiya Oyunlarında qazandığı yüksək nailiyyətinə, habelə Azərbaycan idmanının inkişafındakı xidmətlərinə görə 3-cü dərəcəli "Vətənə xidmətə görə" ordeni ilə təltif edildi. Bayram Mustafayev, "Buta Sarayında" təşkil edilən mərasimdə Gənclər və İdman nazirliyinin hər ilin sonunda təqdim etdiyi "İlin ən yaxşıları" nominasiyasında fəxri diplomla təltif olundu. Ona dövlət başçısı tərəfindən müvafiq sərəncama əsasən, qazandığı gümüş medal üçün 100 000 pul məbləği verildi.
IV İslam Həmrəyliyi Oyunları
Bayram Mustafayev 2017-ci ildə ilk əsas yarışına Bakı şəhərində keçirilən İslam Həmrəyliyi Oyunları çərçivəsində qatıldı. Mustafayev yarışa qatılmazdan əvvəl İsmayıllı İdman Kompleksində, kompleksin direktoru Tofiq Hümbətov və baş məşqçi İbrahim İbrahimovun rəhbərliyi altında təlim-məşq toplantıları keçirdi. Onunla birgə burada Milli Olimpiya Komitəsinin üzvləri Ramin İbrahimov, Afaq Sultanova, Ramil Qasımov, Rövşən Səfərov da var idi.
Oyunlar başlamazdan öncə İslam Həmrəyliyi oyunlarında mübarizə aparacaq paralimpiyaçıların adları açıqlandı. Cüdo idman növü üzrə Heydər Əliyev adına İdman Arenasında mübarizə aparanlar sırasında Bayram Mustafayev də var idi. 66 kq çəki dərəcəsində mübarizə aparan Mustafayev, 1/16, 1/8, 1/4 final mərhələlərində rəqibi tapılmadığı üçün yarım-final mərhələsindən tatamiyə çıxmağa başladı. Onun ilk rəqibi əlcəzairli Mohammed Kamel Bellabası idi. Cüdoçu rəqibi üzərində ippon fəndi tətbiq edərək inamlı qələbə qazandı və final görüşünə adladı. Finalda onun rəqibi Azərbaycan təmsilçisi Elçin Talıbov oldu. Elçin Talıbovun 1/4 final mərhələsində rəqibi Bayram Mustafayevin Rio-de-Janeyro Olimpiadasında məğlub olduğu Utxirjon Niqmatov idi. Niqmatov tatamiyə çıxmadığı üçün texniki olaraq qələbə Talıbova verilmişdi. O, yarım-finalda isə Türkiyə idmançısı Rəcəb Çiftçi ilə üz-üzə gələrək onu 2-0 məğlub etmişdi. Nəticədə iki cüdoçu finalda qarşılaşmışdılar.
Mayın 14-də həlledici qarşılaşma baş tutdu. Görüş ərzində hər iki tərəf xal ala bilmədi. Mustafayev isə görüşün sonlarına yaxın xəbərdarlıq aldı. Gərgin keçən qarşılaşmanın sonunda Avropa mükafatçısı Elçin Talıbov vaza-ari xalı qazandı. Nəticədə o, 2017 İslam Həmrəyliyi Oyunlarının qalibi oldu. Bayram Mustafayev isə gümüş medal qazandı. Bu çəkidə bürünc medala türkiyəli Rəcəb Çiftçi sahib oldu. Mükafatlandırma mərasimində Bayram Mustafayevə gümüş medalı Dünya Taekvondo Federasiyanın vitse-prezidenti, Azərbaycan Boks və Taekvondo Federasiyalarının prezidentdi Kəmaləddin Heydərov təqdim etdi. Mərasimin sonunda Azərbaycanın üçrəngli bayrağı qaldırılıb, Azərbaycanın dövlət himni səsləndirildi. IV İslam Həmrəyliyi Oyunlarında qazandığı uğura görə Bayram Mustafayevə, prezidentin müvafiq sərəncamı ilə 50 000 manat pul məbləği verildi.
Bayram Mustafayev İslam Həmrəyliyi Oyunlarından sonra, 4-6 avqust tarixlərində İngiltərənin Uolsoll şəhərində keçirilən Avropa Çempionatına qatıldı. O, 1/8 final mərhələsindən mübarizəyə qoşuldu. Onun ilk rəqəbi gürcüstanlı cüdoçu Georgi Qamcaşvili oldu. Bayram Mustafayev rəqibi üzərində vaza-ari xalı qazanaraq 1/4 final mərhələsinə vəsiqə qazandı. 1/4 final mərhələsində rəqib tatamiyə çıxmaqdan imtina etdiyi üçün Mustafayev qalib elan olundu. Final görüşünün bir addımlığında o, türkiyəli Rəcəb Çiftçi ilə qarşılaşdı. Bayram Mustafayev Rəcəb Çiftçi üzərində iki vaza-ari xalı qazandı və final görüşünə adladı. Finaldakı rəqib David Xarovanı, Mustafayev qalib olduğu Avropa Çempionatlarında məğlub etmişdi. Görüşün ortalarında David Xarov ippon fəndi ilə Bayram Mustafayevi məğlub etdi. Mustafayev karyerasında ilk dəfə olaraq Avropa Çempionatının gümüş medalına layiq görüldü. Çünki o, qatıldığı bütün Avropa Çempionatlarının qalibi olmuşdu. Bayram Mustafayev bununla 2016-2017-ci illərdə qatıldığı bütün yarışların gümüş medalına sahib oldu.
Dövlət təltifləri
- 3-cü dərəcəli "Vətənə xidmətə görə" ordeni (21 sentyabr 2016) — XV Yay Paralimpiya Oyunlarında qazandığı yüksək nailiyyətinə, habelə Azərbaycan idmanının inkişafındakı xidmətlərinə görə.
- Gənclər və İdman Nazirliyinin versiyasına görə 2016-cı il "İlin ən yaxşıları" mükafatının nominasiyasında fəxri diplom.
İstinadlar
- ↑ Azərbaycan Respublikasının prezidentinin rəsmi saytı (21 sentyabr 2016). "XV Yay Paralimpiya Oyunları qaliblərinin və Azərbaycan idmanının inkişafında xidmətləri olan şəxslərin təltif edilməsi haqqında Azərbaycan Respublikası Prezidentinin 21 sentyabr 2016-cı il tarixli 2348 nömrəli Sərəncamı" ( (azərb.)). president.az. 30 avqust 2017 tarixində . İstifadə tarixi: 29 avqust 2018.
- ↑ ( (azərb.)). avropa.info. 26 dekabr 2016. 2018-09-04 tarixində orijinalından arxivləşdirilib. İstifadə tarixi: 29 avqust 2018.
- ↑ Əli Səlimov. İslamiada paralimpiyaçılara qələbə meydanı olacaq. İsmayıllı İdman Olimpiya Kompleksində gərgin məşqlər gedir.-Azərbaycan.-2017-.s.4.
- ↑ "İslamia üçün gərgin məşqlər gedir". Azərbaycan ( (azərb.)). azerbaijan-news.az. 30 aprel 2018. İstifadə tarixi: 28 avqust 2018.[ölü keçid]
- ↑ (PDF) ( (ing.)). ibsasport.org. 28 sentyabr 2013. 2017-02-03 tarixində orijinalından (PDF) arxivləşdirilib. İstifadə tarixi: 28 avqust 2018.
- ↑ Azərbaycan Dövlət İnformasiya Agentliyi (30 noyabr 2015). "Paralimpiyaçı cüdoçularımızın Avropa çempionatında uğuru" ( (azərb.)). portal.azertag.az. İstifadə tarixi: 29 avqust 2018.
- ( (azərb.)). dsport.az. 28 noyabr 2015. 2016-09-12 tarixində orijinalından arxivləşdirilib. İstifadə tarixi: 30 avqust 2018.
- "Паралимпийцы из Ровенщины будут получать «президентские» стипендии" ( (rus.)). topnews.rv.ua. 1 iyul 2017. İstifadə tarixi: 29 avqust 2018.
- (PDF) ( (ing.)). ibsasport.org. 28 noyabr 2015. 2017-12-30 tarixində orijinalından (PDF) arxivləşdirilib. İstifadə tarixi: 29 avqust 2018.
- "İlham Zəkiyev altıncı dəfə Avropa çempionu oldu" ( (azərb.)). sportline.az. 28 noyabr 2015. İstifadə tarixi: 29 avqust 2017.
- "İlham Zəkiyev 6 qat Avropa çempionu oldu" ( (azərb.)). oxu.az. 28 noyabr 2015. İstifadə tarixi: 29 avqust 2018.
- "Judo results IBSA World Championships and Games Antalya 2011" (PDF) ( (ing.)). ibsa.es. 30 iyun 2012. 30 avqust 2018 tarixində (PDF). İstifadə tarixi: 30 avqust 2018.
- "Paralimpiyaçı cüdoçularımız Avropa çempionatında 8 medal qazandılar" ( (azərb.)). neftchi.org. 30 noyabr 2015. İstifadə tarixi: 29 avqust 2018.
- Aygün (28 noyabr 2015). "İlham Zəkiyev 6-cı dəfə Avropa çempionu oldu" ( (azərb.)). publika.az. İstifadə tarixi: 29 avqust 2018.
- "İlham Zəkiyev 6-cı dəfə Avropa çempionu oldu" ( (azərb.)). news.milli.az. 28 noyabr 2015. İstifadə tarixi: 29 avqust 2018.
- Azərbaycan Dövlət İnformasiya Agentliyi (29 avqust 2012). "Londonda Paralimpiya oyunları başlanır" ( (azərb.)). portal.azertag.az. İstifadə tarixi: 29 avqust 2018.
- Azərbaycan Dövlət İnformasiya Agentliyi (30 avqust 2012). "XIV London Yay Paralimpiya Oyunlarının təntənəli açılışı olmuşdur" ( (azərb.)). azertag.az. İstifadə tarixi: 29 avqust 2018.
- Azərbaycan Dövlət İnformasiya Agentliyi (30 avqust 2012). "Bayram Mustafayev London Paralimpiya Oyunlarının növbəti mərhələsinə vəsiqə qazanmışdır" ( (azərb.)). azertag.az. İstifadə tarixi: 29 avqust 2018.
- İdman Azərbaycan (30 avqust 2012). "Bayram Mustafayev məğlub oldu" ( (azərb.)). idmantv.az. İstifadə tarixi: 29 avqust 2018.[ölü keçid]
- "Bayram Mustafayev London Paralimpiya Oyunlarında məğlub oldu" ( (azərb.)). news.milli.az. 30 avqust 2012. İstifadə tarixi: 29 avqust 2018.
- "Olimpiyaçılarımız üçün yolasalma mərasimi keçirildi" ( (azərb.)). sportnet.az. 18 iyul 2016. İstifadə tarixi: 29 avqust 2018.
- Azərbaycan Respublikasının Prezidentinin rəsmi saytı (18 iyul 2016). "İlham Əliyev XXXI Yay Olimpiya Oyunlarında iştirak edəcək Azərbaycan nümayəndə heyətinin yolasalma mərasimində iştirak edib" ( (azərb.)). president.az. 25 iyul 2018 tarixində . İstifadə tarixi: 29 avqust 2018.
- Azərbaycan Dövlət İnformasiya Agentliyi (18 iyul 2016). "İlham Əliyev, Braziliyanın Rio-de-Janeyro şəhərində baş tutacaq XXXI Yay Olimpiya Oyunları və XV Yay Paralimpiya Oyunlarına qatılacaq Azərbaycan nümayəndə heyətinin yolasalma mərasiminə qatılıb" ( (azərb.)). azertag.az. 2017-09-05 tarixində . İstifadə tarixi: 29 avqust 2018.
- "Paralimpiyaçılarımızdan biri finalda, digəri bürünc uğrunda yarışacaq" ( (azərb.)). sportnet.az. 8 sentyabr 2016. İstifadə tarixi: 29 avqust 2018.
- "Mustafayev Azərbaycana Rio Paralimpiadasında ilk medalı qazandırdı" ( (azərb.)). sportfm.az. 9 sentyabr 2016. İstifadə tarixi: 29 avqust 2018.
- ( (azərb.)). a24.az. 8 sentyabr 2016. 2016-09-13 tarixində orijinalından arxivləşdirilib. İstifadə tarixi: 29 avqust 2018.
- "Rio-2016: Paralimpiyaçımız gümüş medal qazandı" ( (azərb.)). oxu.az. 9 sentyabr 2016. İstifadə tarixi: 29 avqust 2018.
- ↑ Azərbaycan Cüdo Federasiyasının rəsmi saytı (9 sentyabr 2016). "Cüdoçumuz Rio Paralimpiadasında Azərbaycana ilk medalı qazandırdı" ( (azərb.)). judo.az. İstifadə tarixi: 29 avqust 2018.
- Azərbaycan Dövlət İnformasiya Agentliyi (9 sentyabr 2016). "Bayram Mustafayev XV Yay Paralimpiya Oyunlarında Azərbaycana ilk medalı qazandırıb" ( (azərb.)). azertag.az. İstifadə tarixi: 29 avqust 2018.
- "Prezident vətənə qayıdan paralimpiyaçılarla görüşüb" ( (azərb.)). sputnik.az. 23 sentyabr 2016. İstifadə tarixi: 29 avqust 2018.
- "Prezident bu şəxslərlə bağlı sərəncam verdi - SİYAHI" ( (azərb.)). mia.az. 21 sentyabr 2016. İstifadə tarixi: 29 avqust 2018.
- "İdman sahəsində ilin ən yaxşıları məlum oldu – SİYAHI" ( (azərb.)). azpolitika.info. 26 dekabr 2016. İstifadə tarixi: 29 avqust 2018.
- Vüsal Bağırlı (1 sentyabr 2016). "İlham Əliyev olimpiya mükafatçıları üçün pul mükafatı ayırdı - MƏBLƏĞ" ( (azərb.)). qaynarinfo.az. İstifadə tarixi: 29 avqust 2018.
- "IV İslam Həmrəyliyi Oyunlarında mübarizə aparacaq Azərbaycan paralimpiya millisinin heyəti açıqlanıb" ( (azərb.)). azertag.az. 4 may 2017. İstifadə tarixi: 1 sentyabr 2018.
- "IV İslam Həmrəyliyi Oyunlarında mübarizə aparacaq Azərbaycan paralimpiya millisinin heyəti açıqlanıb" ( (azərb.)). ikisahil.az. 4 may 2017. İstifadə tarixi: 1 sentyabr 2018.
- "Paracüdoçularımızın medal mübarizəsi - Fotolar" ( (azərb.)). teleqraf.com. 14 may 2017. İstifadə tarixi: 1 sentyabr 2018.
- "İslamiadada 14 may: 14 qızıl, 14 gümüş və bürünc" ( (azərb.)). sportinfo.az. 15 may 2017. İstifadə tarixi: 1 sentyabr 2018.
- "İslamiada: 4 cüdoçumuz finalda" ( (azərb.)). axar.az. 14 may 2017. İstifadə tarixi: 1 sentyabr 2018.
- "İslamiada: İlham Zəkiyev finala çıxa bilmədi" ( (azərb.)). sportnet.az. 14 may 2017. İstifadə tarixi: 1 sentyabr 2017.
- "Paracüdo yarışlarının ikinci günündə Azərbaycanın ilk qızıl medalını Elçin Talıbov əldə edib" ( (azərb.)). portal.azertag.az. 14 may 2017. İstifadə tarixi: 1 sentyabr 2018.
- "Paracüdoçularımızdan 7 medal - Fotolar" ( (azərb.)). qafqazinfo.az. 14 may 2017. İstifadə tarixi: 1 sentyabr 2018.
- "Elçin Talıbov paracüdo üzrə yarışların qalibi oldu" ( (azərb.)). regionxeberleri.com. 14 may 2017. İstifadə tarixi: 1 sentyabr 2018.
- "Elçin Talıbov paracüdo üzrə yarışların qalibi olub" ( (azərb.)). xalqinfo.az. 14 may 2017. İstifadə tarixi: 1 sentyabr 2018.[ölü keçid]
- ( (türk.)). batmanhabergazete.com. 6 iyun 2017. 2017-06-12 tarixində orijinalından arxivləşdirilib. İstifadə tarixi: 1 sentyabr 2018.
- "Paracüdo yarışlarının ikinci günündə Azərbaycanın ilk qızıl medalını Elçin Talıbov əldə edib" ( (azərb.)). azertag.az. 14 may 2017. İstifadə tarixi: 1 sentyabr 2018.
- "İslamiadanın qaliblərinə veriləcək pul açıqlandı - 150 min" ( (azərb.)). istipress.com. 15 may 2017. İstifadə tarixi: 1 sentyabr 2018.
- ↑ (PDF) ( (ing.)). ibsasport.org. 2018-05-17 tarixində orijinalından (PDF) arxivləşdirilib. İstifadə tarixi: 1 sentyabr 2018.
- ↑ "Azerbaijan win both team titles at IBSA Judo Europeans" ( (ing.)). paralympic.org. 6 avqust 2017. İstifadə tarixi: 1 sentyabr 2018.
Həmçinin bax
- Azərbaycan 2012 Yay Paralimpiya Oyunlarında
- Azərbaycan 2016 Yay Paralimpiya Oyunlarında
- Azərbaycan 2017 İslam Həmrəyliyi Oyunlarında