Bayatılar (mahnı)

Bayatılar — musiqisi Eldar Mansurov tərəfindən 1988-ci ildə yazılmış, sözləri Vahid Əzizin olan mahnıdır. Vahid Əzizin bu şeiri 1985-ci ildə "Əllərimin kölgəsi" kitabında çap olunub. Şair Vahid Əziz bəstəkar Eldar Mansurovun xahişi ilə şeirə mahnı üçün yeni bənd əlavə edib. Mahnı ilk dəfə 1989-cu ildə Brilliant Dadaşova tərəfindən ifa edilərək lentə alınmışdır.

Mahnı
Bayatılar
İfaçı	Brilliant Dadaşova
Yayımlanıb	1989
Janr	pop
Dil	Azərbaycan dili
Müddət	05:33
Bəstəkar	Eldar Mansurov
Sözlərin müəllifi	Vahid Əziz
Audio nümunəsi
Videoklip  Bayatılar

Digər versiyaları

Mahnı Brilliant Dadaşovadan sonra dünyanın bir çox dillərində və ən müxtəlif ölkələrdən olan ifaçılar tərəfindən müxtəlif adlarla ifa edilmişdir. Həmin ifaçılar (Aşqabad qrupu istisna olmaqla) mahnının musiqisini saxlasalar da adını və sözlərini dəyişərək ifa etmişlər. Azərbaycanda isə bu mahnını müxtəlif illərdə müğənnilərdən İlqar Muradov (1989) və Faiq Ağayev (1996), skripkada isə Natiq Nuriyev (1989) və Kazbek Əliyev (1995) ifa ediblər.

Mahnının ifaçılarından bəziləri:

1.   Brilliant Dadaşova – "Bayatılar" – 1989-2008
2.   Aşqabad qrupu – "Bayatılar" – 1990
3.   Reno – "Zdrastvuy" – 1990
4.   Sezen Aksu – "Zalim" 1995
5.   Levent Yüksel – "Zalim" – 1995
6.   Petros Dourdoumpakis – "Taxidiariko Pouli" – 1995
7.   Dimitra Galani – "Oses Foties" – 1997
8.   Grinsteins Mischpoche – "Bayatı" – 2002
9.   Mônica Salmaso – "Bayatı" – 2003
10.   Vasilis Lekkas – "Taxidiariko Pouli" – 2003
11.   Keti Garbi – "Esena Mono" – 2003-2005
12.   Dino Merlin – "Subota" – 2004
13.   Seray Sever – "İçim yanıyor" – 2005
14.   Dilek Budak – "Adını Yıldızlara" – 2006
15.   Ziyoda – "Yollarim" – 2006
16.   Lachyn Mammedowa – "Yalnyz yuregim" – 2006
17.   Aygün Kazımova – "Bayatılar" – 2006
18.   Hüseyin Karadayı və DJ. Funky – "Miracles" – 2006
19.   DJ Pantelis– "I Have A Dream" – 2006
20.   Srecko Savovic – "Godina Nova" – 2007
21.   Çalar Saat – "Zalim" – 2007
22.   Milad və Mohammad – "Are Faghat To" – 2008
23.   Edvard Maya – "Stereo Love" – 2009
24.   Mia Martina – "Stereo Love" – 2010
25.   PJ feat Velvet – "Stereo Love" – 2010
26.   İvan Zak – "Dečko sa Balkana" (Stereo Love) – 2010
27.   Cantodiscanto – "Bayatı" – 2009
28.   The Guzek Trio – "Bayatı" – 2010
29.   Benjamim Taubkin – "Bayaty" – 2010
30.   Saltanath qrupu– "Zalim" – 2012
31.   Aydan Kaya – "Zalim" – 2012
32.   Matthaios Tsahouridis – "Zalim / Bayatilar" – 2012
33.   Babbe Rabbe – "Bayatilar" – 2013
34.   Bengü – "Zalim" – 2013
35.   Dobranotch qrupu – "Bayatılar" – 2014
36.   Abash Energia Mediterranea – "Bayatı" – 2014
37.   Flat Earth – "Syanide" – 2018
38.   Mark Eliyahu – "Alegria" – 2019
39.   Drenchill – "Never, never" – 2019
40.   Why So Sad – "Out Of Time" – 2019
41.   Bergüzar Korel – "Zalim" – 2020
42.   Tuğba Yurt – "Zalim" – 2021

Sözlər

Ürəyimdə ayaz var,
Nə qış gedib, nə yaz var.
Oyatma bənövşəni,
Kol dibində ayaz var.

Kədərli baxmayaydın,
Göz yaşım axmayaydı.
Yad baxmağı bir yana,
Yar yada baxmayaydı.

Bu dünya çətin qala,
Yolları çətin qala.
Yaxşı yarı yazda gəz,
Payıza çətin qala.

Qalanın daşı oldum,
Gözümün yaşı oldun.
Dünyada gün görmədim,
Sevəndə naşı oldum.

Yanımda qal bir az da,
Göz yaşı var arazda.
Yar yuxusun danışıb,
Şəkli qalıb arazda.

Yenə də axşam oldu,
Gün keçdi, axşam oldu.
Gecələr mən alışdım,
Əriyən şam oldu.

Xarici keçidlər

•   Bir mahnının tarixçəsi – Bayatılar

Həmçinin bax

• Eldar Mansurov