Bakı Dövlət Universiteti Tələbə Hüquq Jurnalı ing Baku State University Law Review BDU Hüquq Fakültəsinin tələbələri tər

Bakı Dövlət Universiteti Tələbə Hüquq Jurnalı (ing. Baku State University Law Review) ― BDU Hüquq Fakültəsinin tələbələri tərəfindən redaktə və dərc olunan resenziyalı hüquq jurnalı.

Bakı Dövlət Universiteti Tələbə Hüquq Jurnalı
Növ	hüquq
Dövrilik	ildə 2 dəfə (aprel və sentyabrda)
Təsisçi	BDU Hüquq Fakültəsi Tələbə Elmi Cəmiyyəti
Təsis tarixi	noyabr 2014
İlk buraxılışı	may 2015 (2015-may)
Ölkə	Azərbaycan
Dil	Azərbaycan dili İngilis dili
ISSN	2412-5555
bsulawreview.org

Jurnalda həm peşəkar hüquqşünaslar, həm də tələbələr tərəfindən yazılmış məqalələr yer alır. Jurnalın redaktorları Bakı Dövlət Universiteti Tələbə Elmi Cəmiyyətinin üzvləri sırasından seçilir. Redaksiya heyəti daimi olaraq hər ilin aprel və sentyabr aylarında 2 sayda olmaqla yeni buraxılışlar dərc edir.

Tarixi

BDU Tələbə Hüquq Jurnalı ilk dəfə BDU Hüquq fakültəsi Tələbə Elmi Cəmiyyətinin nəşri olaraq 2014-cü ilin noyabr ayında Orxan Abdulkərimli tərəfindən təsis edilmişdir. Jurnalın ilk sayı 2015-ci ilin may ayında dərc olunmuş, yayımlandıqdan bir ay sonra "", 2023-cü ildə isə "Scopus" məlumat bazalarına daxil edilmişdir. Jurnal Azərbaycanda "Scopus" bazasında indekslənən ilk və yeganə tələbə jurnalı və "HeinOnline" bazasına yerləşdirilmiş tək Azərbaycan jurnalıdır. 2016-cı ilin mayınadək olan müddətdə isə jurnal "", "" məlumat bazalarına üzv qəbul olunmuşdur. 2025-ci ildə isə jurnalın Berkli Kaliforniya Universiteti və Yel Universitetinin kitabxanalarında yerləşdirilməsinə nail olunmuşdur. Həmin il aprelin 15-də jurnalın 10 illik yubiley tədbiri keçirilmişdir.

Fəaliyyəti

BDU Tələbə Hüquq Jurnalının fəaliyyətində ABŞ-nin Harvard, Yel, Stanford kimi universitelərinin təcrübəsindən yararlanılmışdır. Jurnal siyasəti dünya səviyyəsində qəbul edilmiş akademik hüquqi yazı qaydalarına əsaslanmışdır. Burada tələbələr və peşəkar hüquqşünaslar tərəfindən yazılmış Azərbaycan və ingilis dilində məqalələr dərc olunur. Məqalələrin qəbulunda əsas meyarlardan biri onların aktual problemlərlə bağlı olmasıdır. Jurnalda, əsasən, konstitusiya hüququ, beynəlxalq hüquq, mülki hüquq, cinayət hüququ, kommersiya hüququ, , rəqabət hüququ, sahələri üzrə və ya digər yeni mövzularda olan məqalələrə üstünlük verilir. Jurnal 14 iyun 2023-cü ildə tərəfindən Parisdə keçirilmiş ilk Azərbaycan Arbitraj Günü tədbirində təşkilatçı tərəfdaş kimi iştirak etmişdir. 2024-cü ildə Tələbə Hüquq Jurnalı ilə bağlı göstərişləri və mühüm detalları əks etdirən "Akademik Hüquqi Yazı Kitabçası"nı dərc etmişdir.

BDU Tələbə Hüquq Jurnalı AMEA və digər qurumlarla əməkdaşlıq çərçivəsində akademik hüquqi yazı və müxtəlif hüquqi mövzularda konfranslar təşkil etməkdədir.

Akademik Hüquqi Yazı Kitabçası

"Akademik Hüquqi Yazı Kitabçası" BDU Tələbə Hüquq Jurnalı tərəfindən akademik hüquqi yazı ilə məşğul olmaq istəyən şəxslər üçün bələdçi olaraq hazırlanmışdır. Kitabça akademik hüquqi yazı barəsində təməl bilik və prinsipləri, eləcə də onun maddi və texniki baxımdan cavab verməli olduğu tələbləri əhatə edir. Jurnalın çoxilllik təcrübəsinə əsaslanan kitabça özündə akademik hüquqi yazı prosesinin müxtəlif mərhələlərinə dair ardıcıl və sistemli tövsiyələr əks etdirir.

Redaksiya heyəti

Bakı Dövlət Universiteti Tələbə Hüquq Jurnalının redaksiya heyəti müxtəlif kurslarda təhsil alan və Bakı Dövlət Universiteti Hüquq fakültəsinin Tələbə Elmi Cəmiyyətinin üzvü olan hüquq tələbələrindən ibarətdir. Tələbə Elmi Cəmiyyətinə qəbul zamanı tələbələrin onlara verilmiş müxtəlif tapşırıqlar əsasında redaktə, akademik hüquqi yazı və araşdırma bacarıqları dəyərləndirilir. Bu zaman yüksək göstəricilər əldə etmiş tələbələr Jurnalın redaksiya heyətinə qəbul edilir.

Jurnala məqalələrin qəbulu və onların redaktəsi prosesi baş redaktorun nəzarət və idarəsi altında digər redaktorlar tərəfindən icra edilir. Məqalələrin yararlılığı isə rəyçilər tərəfindən qiymətləndirilir. Qiymətləndirilmə prosesi zamanı rəyçilərin işi ikiqat anonimləşdirilmiş şəkildə həyata keçirilir, konfidensiallıq təmin olunur. Jurnalın baş redaktorunun fəaliyyət müddəti 1 ildir və hər il yeni namizədlə əvəzlənir. İlk baş redaktor isə Orxan Abdulkərimli olmuşdur.

İstinadlar

"BDU Tələbə Hüquq Jurnalı". Hüquq və İnsan Haqları İnstitutu - LHRİ Kitabxanası (az.). İstifadə tarixi: 2025-06-06.
"BDU SABAH tələbələrindən olan redaktorlar ilə Azərbaycanda ilk Tələbə Hüquq Jurnalı nəşr olunmuşdur". old.sabah.edu.az (az.). İstifadə tarixi: 2025-06-06.
"BDU-nun ölkə üzrə beynəlxalq bazalarda indekslənən ilk və yeganə tələbə jurnalı ABŞ-nin Kaliforniya Universitetinin Berkeley kitabxanasının fonduna daxil edilib". Bakı Dövlət Universiteti (az.). 05/02/2025. İstifadə tarixi: 10 May 2025.
"BSU Law Review". Berkeley Library (ingilis). İstifadə tarixi: 10 May 2025.
"Baku State University Law Review [electronic resource]". Yel Universitetinin Kitabxanası (ingilis). İstifadə tarixi: 10 May 2025.
"BDU-nun Hüquq fakültəsinin "Tələbə Hüquq Jurnalının" 10 illiyinə həsr edilmiş yubiley tədbirdə Mərkəzin böyük prokuroru iştirak edib". Azərbaycan Respublikasının Baş Prokurorluğu Elm-Tədris Mərkəzi (az.). 2025. İstifadə tarixi: 2025-06-07.
"Akademik hüquqi yazı kitabçası". Azərbaycan Respublikasının Vəkillər Kollegiyasının Biznes Hüququ Komitəsi (az.). İstifadə tarixi: 10 May 2025.
"Akademik Hüquqi Yazı haqqında online konfrans keçirilib". Azərbaycan Milli Elmlər Akademiyası Gənc Alim və Mütəxəssislər Şurası (az.). Mart 07, 2016. İstifadə tarixi: 2025-06-06.
"Bakıda akademik hüquqi yazı üzrə təlim keçiriləcək". bakuplus.az (az.). Noyabr 10, 2021. İstifadə tarixi: 2025-06-06.
"Hesabat (27 sentyabr 2015 – 27 sentyabr 2016)" (PDF). AMEA Mərkəzi Elmi Kitabxana (az.). Bakı (2016 tarixində nəşr olunub). 4 mart 2016. İstifadə tarixi: 2025-06-07.
"BDU-da "Gənclərin hüquq elminin inkişafında rolu" mövzusunda tədbir keçirilib". azertag.az (az.). 17.03.2025. İstifadə tarixi: 2025-06-07.
"Jurnal haqqında". BDU Tələbə Hüquq Jurnalı (az.). İstifadə tarixi: 10 May 2025.

Xarici keçidlər

BDU Tələbə Hüquq Jurnalı "HeinOnline" platformasında
BDU Tələbə Hüquq Jurnalı "Scopus" məlumatlar bazasında
BDU Tələbə Hüquq Jurnalı "Scholastica" məlumat bazasında
"Akademik Hüquqi Yazı Kitabçası"

[1] "BDU Tələbə Hüquq Jurnalı". Hüquq və İnsan Haqları İnstitutu - LHRİ Kitabxanası (az.). İstifadə tarixi: 2025-06-06.

[:2-2] "BDU SABAH tələbələrindən olan redaktorlar ilə Azərbaycanda ilk Tələbə Hüquq Jurnalı nəşr olunmuşdur". old.sabah.edu.az (az.). İstifadə tarixi: 2025-06-06.

[:0-3] "BDU-nun ölkə üzrə beynəlxalq bazalarda indekslənən ilk və yeganə tələbə jurnalı ABŞ-nin Kaliforniya Universitetinin Berkeley kitabxanasının fonduna daxil edilib". Bakı Dövlət Universiteti (az.). 05/02/2025. İstifadə tarixi: 10 May 2025.

[4] "BSU Law Review". Berkeley Library (ingilis). İstifadə tarixi: 10 May 2025.

[5] "Baku State University Law Review [electronic resource]". Yel Universitetinin Kitabxanası (ingilis). İstifadə tarixi: 10 May 2025.

[6] "BDU-nun Hüquq fakültəsinin "Tələbə Hüquq Jurnalının" 10 illiyinə həsr edilmiş yubiley tədbirdə Mərkəzin böyük prokuroru iştirak edib". Azərbaycan Respublikasının Baş Prokurorluğu Elm-Tədris Mərkəzi (az.). 2025. İstifadə tarixi: 2025-06-07.

[:1-7] "Akademik hüquqi yazı kitabçası". Azərbaycan Respublikasının Vəkillər Kollegiyasının Biznes Hüququ Komitəsi (az.). İstifadə tarixi: 10 May 2025.

[8] "Akademik Hüquqi Yazı haqqında online konfrans keçirilib". Azərbaycan Milli Elmlər Akademiyası Gənc Alim və Mütəxəssislər Şurası (az.). Mart 07, 2016. İstifadə tarixi: 2025-06-06.

[9] "Bakıda akademik hüquqi yazı üzrə təlim keçiriləcək". bakuplus.az (az.). Noyabr 10, 2021. İstifadə tarixi: 2025-06-06.

[10] "Hesabat (27 sentyabr 2015 – 27 sentyabr 2016)" (PDF). AMEA Mərkəzi Elmi Kitabxana (az.). Bakı (2016 tarixində nəşr olunub). 4 mart 2016. İstifadə tarixi: 2025-06-07.

[11] "BDU-da "Gənclərin hüquq elminin inkişafında rolu" mövzusunda tədbir keçirilib". azertag.az (az.). 17.03.2025. İstifadə tarixi: 2025-06-07.

[12] "Jurnal haqqında". BDU Tələbə Hüquq Jurnalı (az.). İstifadə tarixi: 10 May 2025.