Bəxtiyar Vahabzadə küçəsi (Bakı)
Bəxtiyar Vahabzadə küçəsi — Bakı şəhərinin Yasamal rayonunda Şəhriyar və Əbdürrəhim bəy Haqverdiyev küçələrinə paralel küçə. Küçə Azərbaycan şairi, dramaturq və ədəbiyyatşünası Bəxtiyar Vahabzadənin adını daşıyır. Küçənin adı 2011-ci ilə qədər Firudin Ağayev olmuşdur. Küçənin uzunluğu 817 mt, eni isə İnşaatçılar prospektindən Hüseyn Cavid prospektinə qədər 10 mt, Hüseyn Cavid prospektindən Mətbuat prospektinə qədər isə 13,4 mt-dir.
| Bəxtiyar Vahabzadə küçəsi | |
|---|---|
| Ümumi məlumatlar | |
| Ölkə | |
| Rayon | Yasamal |
| Uzunluğu | 817 mt |
| metro | Elmlər Akademiyası |
| Vikianbarda əlaqəli mediafayllar | |
Haqqında
"Azəryolservis" ASC tərəfindən küçənin əsaslı təmiri 2015-ci ilin may ayında qutarmışıdır. Küçədə səth sularının normal axıdılması üçün yağış-kanalizasiya sistemi qurulub, zəruri olan yerlərdə yağış barmaqlıqları yerləşdirilib, səki daşı yenilənib, kommunikasiya xətlərinin dəmir-beton plitələri qaldırılaraq, baxış qapaqları dəyişdirilib.
Yeraltı keçidlər
Küçədə Elmlər Akademiyası metrostansiyasının ikinci çıxışı inşa edilmişdir. 4 istiqamətə yönələn çıxış həm də ərazidə keçid rolunu oynayır və beləcə, ətraf zonada piyadaların təhlükəsizliyi ilə birlikdə, sərnişinlərin rahatlığı da təmin olunmuşdur. Bəxtiyar Vahabzadə küçəsinə 3 istiqamətdə çıxışı vardır. Biri Bakı Dövlət Universitetinin arxasında olmaqla Mətbuat prospektindən istifadə edən sərnişinlərin metroya yolunu asanlaşdırmağa xidmət edir. Bu küçədə birinci keçidə paralel daha 2 keçid yerləşir. Stansiyaya giriş-çıxış, habelə keçid kimi istismar olunmasının funksionallığı baxımından çox vacib olmuşdur. Çıxışlardan daha biri Bakı Dövlət Universitetinin əsas giriş qapısı ilə üzbəüz yerləşən Zahid Xəlilov küçəsinə – Azərbaycan Milli Elmlər Akademiyasının Radiasiya Problemləri İnstitutunun yaxınlığına düşür.
Kəsişdiyi küçələr
Küçə İnşaatçılar prospekti ilə kəsişmədən başlayaraq Mətbuat prospektində bitir.
- Kazım Kazımzadə küçəsi
- Şəfayət Mehdiyev küçəsi
- Hüseyn Cavid prospekti
- Əhməd Cəmil küçəsi
- Zahid Xəlilov küçəsi
Mühüm ünvanlar
- № ? — Daşınmaz Əmlakın Dövlət Reyestri Xidməti
- № ? — Büyükfirat restoranı
- № ? — AMEA Radiasiya Problemləri İnstitutu
- № ? — AMEA İnformasiya Texnologiyaları İnstitutu
- № 9 — AMEA Riyaziyyat və Mexanika İnstitutu
- № 9 — AMEA İdarəetmə Sistemləri İnstitutu
- № ? — Bakı Dövlət Universiteti
Ədəbiyyat
İstinadlar
- ↑ (azərb.). news.lent.az. 15.05.2015. 2015-05-18 tarixində orijinalından arxivləşdirilib. İstifadə tarixi: 2015-06-04.
- Təbriz Vəfalı (22.04.2015). (azərb.). hafta.az. 2016-03-05 tarixində orijinalından arxivləşdirilib. İstifadə tarixi: 2015-06-04.
Xarici keçidlər
- Bəxtiyar Vahabzadə, Bakı AZ1141, Azerbaycan
| Bakı şəhəri ilə əlaqədar bu məqalə qaralama halındadır. Məqaləni redaktə edərək Vikipediyanı zənginləşdirin. |
