Bəxtiyar Hüseynov
Bəxtiyar Rəfael oğlu Hüseynov (14 iyul 1995; Goranboy, Azərbaycan – 2 aprel 2016; Azərbaycan) — Azərbaycan Silahlı Qüvvələrinin kiçik giziri. 2016-cı ildə Aprel döyüşləri zamanı şəhid olub, ölümündən sonra "Hərbi xidmətdə fərqlənməyə görə" III dərəcəli medalı ilə təltif edilib.
| Bəxtiyar Hüseynov | |
|---|---|
| Bəxtiyar Rəfael oğlu Hüseynov | |
| Şəxsi məlumatlar | |
| Doğum tarixi | |
| Doğum yeri | Qızılhacılı qəsəbəsi, Goranboy, Azərbaycan |
| Vəfat tarixi | (20 yaşında) |
| Vəfat yeri | Qızılhacılı qəsəbəsi, Goranboy, Azərbaycan |
| Dəfn yeri | |
| Vətəndaşlığı | Azərbaycan |
| Milliyyəti | azərbaycanlı |
| Atası | Rafael Hüseynov |
| Anası | Afaq Hüseynova |
| Hərbi fəaliyyəti | |
| Mənsubiyyəti | Azərbaycan Ordusu |
| Qoşun növü | Quru Qoşunları |
| Xidmət illəri | 2013—2016 |
| Rütbə | |
| Döyüşlər | Aprel döyüşləri |
| Təltifləri | |
Həyatı
Bəxtiyar Hüseynov 1995-ci ilin 14 iyul tarixində Goranboy rayonunun Qızılhacılı qəsəbəsində anadan olub.
Hərbi xidməti
Kiçik gizir Bəxtiyar Hüseynov 2016-cı ilin aprel ayında Azərbaycan-Ermənistan təmas xəttində baş verən atışma zamanı qəhrəmancasına şəhid oldu.
Aprelin 9-u isə Bəxtiyar Hüseynov doğulduğu Goranboy rayonunun Qızılhacılı qəsəbəsində son mənzilə yola salındı. Dəfn mərasiminə minlərlə rayon sakini ilə yanaşı, şəhidin qulluq etdiyi hərbi hissənin əsgərləri və zabitləri də qatıldı. Dəfn mərasiminin sonunda yaylım atəşi açıldı və kiçik gizir Hüseynov uğrunda şəhid olduğu torpağa tapşırıldı.
Bəxtiyar Hüseynov ölümündən sonra göstərdiyi qəhrəmanlığa görə Azərbaycan Respublikasının Prezidenti İlham Əliyevin sərəncamı ilə "Hərbi xidmətdə fərqlənməyə görə" III dərəcəli medalı ilə təltif edildi.
Hal-hazırda doğulub boya-başa çatdığı küçə Bəxtiyar Hüseynovun adını daşıyır.