Aşağı Fərəcan
Aşağı Fərəcan — Azərbaycan Respublikasının Laçın rayonunun Aşağı Fərəcan kənd inzibati ərazi dairəsində kənd.
Kənd | |
Aşağı Fərəcan | |
---|---|
39°31′43″ şm. e. 46°39′40″ ş. u. | |
Ölkə | Azərbaycan |
İqtisadi rayon | Kəlbəcər-Laçın iqtisadi rayonu |
Rayon | Laçın rayonu |
Tarixi və coğrafiyası | |
Saat qurşağı | |
Əhalisi | |
Əhalisi |
|
Kəndin ərazisi 1992-ci ildə Ermənistan Respublikası Silahlı Qüvvələri tərəfindən işğal edilib.
Tarixi
Laçın rayonunun eyniadlı inzibati ərazi vahidində yerləşən kənd Həkəri çayının sol sahilindən bir qədər aralı, Qarabağ silsiləsinin cənub-qərb ətəyindədir. Keçmiş adı Haraldır. 1954-cü ildə qonĢu Fərəcan kəndindən köçüb gəlmiş ailələr məskunlaşdığı üçün kəndin adı dəyişdirilərək Aşağı Fərəcan adlandırılmışdır. Oykonim "Aşağıda yerləşən Fərəcan kəndi" deməkdir
Aşağı Fərəcan kəndində X əsrə aid Məbəd vardır.
Aşağı Fərəcana el arasında Cəfərabad deyirmişlər.
Təbiəti
Aşağı Fərəcan 4 tərəfi qalın qarışıq məşəliklərlə əhatə olunan cənnət məkanlardan biridir. Daha çox bulaqları ilə məşhur olan diyarlardan biri də Aşağı Fərəcan olmuşdur. Burada Qaraməli, Tağbənd, Qubad, Mollagədik, Soyuqbulaq, Ağnus bulağı, Eyvaz kənd bulağı, Ağcaqışlaq, Xansön mərəyi, Keçəllər, Şərəfin bulağı, Söyüdlü bulağı, Usublar bulağı, Zığzılı bulaq, Xaçgədik bulağı, Abbaslar bulağı və s. adlı bulaqlar olmuşdur. Ümumilikdə 100-dən artıq bulaqla məşhur olan bu kənddə kiçik göllər də olmuşdur.
Meşələrdə alma, armud, əzgil, zoğal, alça, qoz, fındıq, yemişan, qara gilə, zirinc, dovşan alması, həmərsün, quş armudu, böyürtkən, qarağat, palıd, ağcaqayın, ulas, qaratikan, qaraağac, dəmir ağac, şam, badam(çağalaq), gərməşol, tuburğa, halış, quş üzümü, çiyələk, kəklik otu, quzuqulağı, qoyunqulağı, baldırğan, danaqıran, xınculouz, quşəppəyi, dağ kişnişi, xəzəz, gicirtkən, çaşır, məröçə, ximi, şoşan, yarpız, qıjı ,ət otu, qırxbuğum, bənövşə, nərgiz, novruz gülü, zanbaq, çobanyastığı, gülxətmi, meşə gülü(peşəvəngül) və s. geniş yayılmışdır.
Əhalisi
2006-cı ilin statstikasına görə kəndin əhali sayı 200 nəfər olmuşdur.
Şəhidləri
1. Ələkbərov Bəbir Bəşir oğlu
2. Orucov İlham Hüsü oğlu
3. Hüseyinov Məcid Məmməd oğlu
4. Əliyev Etibar Cabbar oğlu
5. İsmayılov Qorxmaz Əvəz oğlu
6. Zeynalov Kərəm Əyyub oğlu
7. Zeynalov Salman Əyyub oğlu
Qaziləri
1. Ələkbərov Hamlet Xanış oğlu, II qrup əlil
2. İsmayılov İlyas Həsən oğlu, III qrup əlil
Ümumilikdə 70-ə yaxın Aşağı Fərəcan sakini Qarabağ uğrunda gedən döyüşlərdə iştirak etmişdir.
İqtisadiyyatı
Əsas təsərrüfatı heyvandarlıq və əkinçilik idi.
İstinadlar
- Azərbaycan Respublikasının Dövlət Statistika Komitəsi (2019). "İnzibati ərazi bölgüsü təsnifatı" (PDF) (azərb.). stat.gov.az. 2020-04-16 tarixində (PDF). İstifadə tarixi: 2020-04-16.
- "Aşağı Fərəcan". Azərbaycan toponimlərinin ensiklopedik lüğəti. I. Bakı: "Şərq-Qərb". 2007. səh. 73. ISBN 978-9952-34-155-3.
Laçın rayonu ilə əlaqədar bu məqalə qaralama halındadır. Məqaləni redaktə edərək Vikipediyanı zənginləşdirin. |
Kənd ilə əlaqədar bu məqalə qaralama halındadır. Məqaləni redaktə edərək Vikipediyanı zənginləşdirin. |