Ağaxan Nəzərov
Ağaxan Nəzərov (Nəzərov Ağaxan Mirzə oğlu; d. 14 avqust 1948, Laçın rayonu, Məzməzək) — Azərbaycan Respublikasının əməkdar kənd təsərrüfatı işçisi (19.02.2009).
| Ağaxan Nəzərov | |
|---|---|
| Nəzərov Ağaxan Mirzə oğlu | |
| Doğum tarixi | |
| Doğum yeri | Məzməzək Laçın rayonu, Azərbaycan SSR, SSRİ |
| Vətəndaşlığı | SSRİ→ Azərbaycan |
| Uşağı | Aqil Nəzərli |
| Milliyyəti | azərbaycanlı |
| Mükafatları | |
Həyatı
Ağaxan Nəzərov 14 avqust 1948-ci ildə Laçın rayonunun Məzməzək kəndində anadan olub. 1955-ci ildə Güləbird kənd orta məktəbinin 1-ci sinifə getmiş, 1965-ci ildə həmin məktəbi bitirmişdir.
1965 - 1987-ci illərdə Laçın rayonunun Güləbird kəndinidəki "Sarı Aşıq" adına kolxozda müxtəlif işlərdə işləyib. 1987 - ci ildə Güləbird kənd yanacaq doldurma məntəqəsinə müdir təyin edilib.
1997-ci ildən yaratdığı "Müqabil" firmasının rəhbəri vəzifəsində çalışır. Qarabağ müharibəsində könüllü olaraq iştirak etmişdir. Qarabağ Müharibəsi veteranıdır. Laçın rayon Ağsaqqallar Şurasının üzvü, eyni zamanda Laçın Poliş şöbəsi yanında hüquq qaydasının təmini üzrə ictimai şuranın üzvüdür.
Ağaxan Nəzirov Laçın rayonu məcburi köçkünlərinin xeyriyyəçilik tədbirlərində sahibkar kimi yaxından iştirak edir və imkansız ailələrin toy və yas mərasimlərində öz maddi vəsaitindən yardımlar edir.
Laçın şəhərinin 85 illik yubileyi münasibəti ilə Azərbaycan Respublikasının Prezidenti İlham Əliyevin 19 fevral 2009-cu il sərəncamı ilə Azərbaycan Respublikasının Əməkdar Kənd Təsərrüfatı İşçisi fəxri adına layiq görülmüşdür.
Ailəsi
Ailəlidir, beş övladı var.
Laçın rayonu İcra Hakimiyyətinin başçısı Aqil Nəzərlinin atasıdır.
İstinadlar
- "Laçın şəhərinin 85 illik yubileyi münasibətilə bir sıra şəxslərə fəxri adların verilməsi haqqında Azərbaycan Respublikası Prezidentinin sərəncamı". president.az (azərb.). 19 fevral 2009 17:42. İstifadə tarixi: 16 iyun 2016.
Mənbə
- "Azərbaycanda kim kimdir" kitabı. 2010, səh. 367.