Otkrıtiye Arena

Otkrıtiye Arena (rus. "Открытие Арена") — Rusiyanın paytaxtı Moskvada yerləşən stadiondur. Spartak Moskva öz ev oyunlarını bu stadionda keçirir. Rusiya millisi də bəzən oyunlarını burada keçirir. Stadion Spartak Stadionu adı ilə də tanınır. Tamaşaçı tutumu 45360 nəfərdir.

Otkrıtie Arena
Yeri	Moskva, Rusiya
Təməli qoyulub	2010-cu il oktyabr
Açılış tarixi	5 sentyabr 2014
Tikinti xərcləri	14 milyard RUB 430 milyon USD
Memar	BiznesTehProekt, PozhEvroStroi
Sahibi	LUKoyl
Tamaşaçı tutumu	45360 (rəsmən) 44190 (2018 FİFA Dünya Kuboku)
Ev sahibi komanda	Spartak Moskva FK Rusiya milli futbol komandası
Meydançanın ölçüləri	105 × 68 m
Rəsmi saytı
Vikianbarda əlaqəli mediafayllar

Stadion öz adını Spartakın baş kommersiyaçısı olan Otkrıtie Holdinqdən götürüb.

Tarixi

 

Starostin qardaşlarının heykəli

 

Qladiator Spartakın heykəli

Stadionun təməlqoyma mərasimi 2 iyul 2007-ci ilə salınmışdı, lakin bu mərasim müxtəlif səbəblərdən dəfələrlə ertələndi. İlk əvvəl stadionun inşasının 2009 ilə 2010-cu illərin arasında tamamlanması planlaşdırılmışdı. Lakin həmin vaxt stadion dizayn mərhələsindəydi. 2010-cu ildə stadion layihəsinə yenidən baxıldı. Çünki memari məclisə təqdim edilən layihə çox sadə idi. AECOM və Dexter Moren Associates şirkətlərinin birlikdə ərsəyə gətirdiyi bu layihəylə inşa edilən stadionu ən çox maliyyələşdirən Spartak Moskvanın sahibi də olan rus iş adamı Leonid Fedunun şirkəti olan Lukoyl idi.

19 fevral 2013-cü ildə Otkrıtie Bank ilə imzalanan müqaviləyə görə yeni stadionun adı 6 illik "Otkrıtie Arena" adlandırılacaqdı. 21 avqust 2014-cü ildə stadionda Spartakın qurucuları olan Starostin qardaşlarının heykəllərinin açılışı oldu. Stadionun adını daşıyan Romalı Qladiator Spartakın 24,5 metrlik heykəli stadionun yaxınlığında dikildi.

Stadionun rəsmi açılışı 5 sentyabr 2014-cü ildə oldu. Stadionda ilk rəsmi oyunda Spartak ilə Srvena Zvezda komandaları oynamışdı. Stadionda ilk rəsmi qolu cərimə zərbəsindən Spartakın futbolçusu Dimitri Kombarov vurmuşdu. Stadion keçmiş Tuşino Hava Limanının ərazisində tikilmişdir.

 

Stadionun içi

Stadion həmçinin 2017 FİFA Konfederasiyalar Kubokunun keçirildiyi 4 stadiondan biridir. Stadionda İncubus, Triggerfinger, Guns N’ Roses və Depeche Mode kimi görkəmli musiqiçilər performans göstərmişlər. 2018 FİFA Dünya Kubokunun 5 oyunu da burada oynanmışdır.

Stadionda naviqasiya köməkçisi, saxlama otaqları, itmiş mallar bürosu kimi xidmətlər fəaliyyət göstərir. Bundan əlavə, burada əlillər üçün hərəsində 50 yer olmaqla 2 sektor var. Stadionun bu hissəsi rampa, pilləkən və liftlərlə təchiz olunmuşdur.

2017 FİFA Konfederasiyalar Kuboku zamanı

Tarix	Saat	Komanda № 1	Res.	Komanda № 2	Mərhələ	Tamaşaçı sayı
18 iyun 2017	21:00	Kamerun	0–2	Çili	B qrupu	33492
21 iyun 2017	18:00	Rusiya	0–1	Portuqaliya	A qrupu	42759
25 iyun 2017	18:00	Çili	1–1	Avstraliya	B qrupu	33639
2 iyul 2017	15:00	Portuqaliya	2–1 (ə.v.)	Meksika	Üçüncülük oyunu	42659

2018 FİFA Dünya Kuboku zamanı

Tarix	Saat	Komanda № 1	Nəticə	Komanda № 2	Mərhələ	Tamaşaçı sayı
16 iyun 2018	16:00	Argentina	1–1	İslandiya	D qrupu	44190
19 iyun 2018	18:00	Polşa	1–2	Seneqal	H qrupu	44190
23 iyun 2018	15:00	Belçika	5–2	Tunis	G qrupu	44190
27 iyun 2018	21:00	Serbiya	0–2	Braziliya	E qrupu	44190
3 iyul 2018	21:00	Kolumbiya	1–1 (3–4 pen.)	İngiltərə	1/8 Final	44190

İstinadlar

1. "Леонид Федун: общая стоимость строительства "Открытие-арены" составила 14 млрд рублей". Information Telegraph Agency of Russia. 26 dekabr 2013. 2018-12-25 tarixində . İstifadə tarixi: 26 dekabr 2013.
2. . FIFA. 2018-06-14 tarixində orijinalından arxivləşdirilib. İstifadə tarixi: 15 iyun 2018.
3. "«СПАРТАК» И «ОТКРЫТИЕ» ЗАКЛЮЧИЛИ СПОНСОРСКОЕ СОГЛАШЕНИЕ". 2019-02-28 tarixində . İstifadə tarixi: 2018-07-24.
4. (PDF). FIFA. 18 iyun 2017. 2017-07-12 tarixində orijinalından (PDF) arxivləşdirilib. İstifadə tarixi: 18 iyun 2017.
5. (PDF). FIFA. 21 iyun 2017. 2017-07-12 tarixində orijinalından (PDF) arxivləşdirilib. İstifadə tarixi: 21 iyun 2017.
6. (PDF). FIFA. 25 iyun 2017. 2017-07-12 tarixində orijinalından (PDF) arxivləşdirilib. İstifadə tarixi: 25 iyun 2017.
7. (PDF). FIFA. 2 iyul 2017. 2017-07-12 tarixində orijinalından (PDF) arxivləşdirilib. İstifadə tarixi: 2 iyul 2017.
8. "Matç hesabatı – D qrupu – Argentina – İslandiya" (PDF). FIFA. 16 iyun 2018. 2018-06-24 tarixində (PDF). İstifadə tarixi: 16 iyun 2018.
9. "Matç hesabatı – H qrupu – Polşa – Seneqal" (PDF). FIFA. 19 iyun 2018. 2018-06-19 tarixində (PDF). İstifadə tarixi: 19 iyun 2018.
10. "Matç hesabatı – G qrupu – Belçika – Tunis" (PDF). FIFA. 23 June 2018. 23 June 2018 tarixində (PDF). İstifadə tarixi: 23 June 2018.
11. "Matç hesabatı – E qrupu – Serbiya – Braziliya" (PDF). FIFA. 27 iyun 2018. 2018-06-27 tarixində (PDF). İstifadə tarixi: 27 iyun 2018.
12. "Matç hesabatı – 1/8 Final – Kolumbiya – İngiltərə" (PDF). FIFA. 3 iyul 2018. 2018-07-04 tarixində (PDF). İstifadə tarixi: 3 iyul 2018.