Arif Qeybiyev

Arif İsmayıl oğlu Qeybiyev (6 iyun 1997(1997-06-06), Səncərədi, Astara rayonu – 27 sentyabr 2020(2020-09-27), Füzuli rayonu) — Kross qaçışı üzrə üçqat Azərbaycan Çempionu, Atletika üzrə gənclər arasında Azərbaycan çempionu, Avropa Olimpiya təsnifat yarışlarının iştirakçısı, Yeniyetmələr arasında Respublika Birinciliyinin qalibi, Azərbaycan Silahlı Qüvvələrinin müddətdən artıq xidmət edən hərbi qulluqçusu, 2-ci Qarabağ müharibəsinin şəhidi.

Arif Qeybiyev
Şəxsi məlumatlar
Doğum adı	Arif İsmayıl oğlu Qeybiyev
Doğum tarixi	6 iyun 1997(1997-06-06)
Doğum yeri	Səncərədi, Artupa bələdiyyəsi, Astara rayonu, Azərbaycan
Vəfat tarixi	27 sentyabr 2020(2020-09-27) (23 yaşında)
Vəfat yeri	Füzuli rayonu, Azərbaycan
Vəfat səbəbi	Şəhid olmuşdur
Dəfn yeri	Ərçivan
Vətəndaşlığı	Azərbaycan
Təhsili	Astara Pedaqoji Kolleci (2016)
Hərbi fəaliyyəti
Mənsubiyyəti	Azərbaycan Ordusu
Qoşun növü	Quru Qoşunları
Xidmət illəri	2016–2020
Rütbə	Əsgər
Vəzifəsi	Tankçı
Döyüşlər	Vətən müharibəsi  • Füzuli döyüşləri
Təltifləri	2020 2020
Vikianbarda əlaqəli mediafayllar

Həyatı

Arif Qeybiyev 1997-ci il iyunun 6-da Astara rayonunun Səncərədi kəndində anadan olub. 2002-ci ildə E. Ağayev adına Səncəri kənd tam orta məktəbinə daxil olmuşdur. 2012-2016-cı illərdə Astara Pedaqoji Kollecinin idman fakültəsində orta ixtisas təhsili alıb.

Şəxsi həyatı

Ailəli idi, Gülnur adında 1 qız övladı yadigar qaldı.

Karyerası

 

Arif Qeybiyev məşəl yürüşündə

Arif Qeybiyev orta məktəb dövründə idmanın atletika növü ilə məşğul olub. Rayon və ölkə üzrə yarışlarda ilk üçlüyə düşüb. Bundan başqa atletika üzrə 50-dən çox diplomu var, onlardan 30-u birincilik üzrədir. 2015 Avropa Oyunlarının iştirakçısı olub. Tarixi İpək yolu üzərində yerləşən qədim Astarada alovqoruyanların müşayəti ilə keçirilən məşəl yürüşündə Arif Qeybiyev də iştirak etmişdir.

Hərbi xidməti

Arif Qeybiyev 2016-cı ilin iyul ayında Azərbaycan Silahlı Qüvvələrinə müddətli həqiqi hərbi xidmətə çağırılıb. İlk xidmət yeri Bakı şəhərində Daxili İşlər Nazirliyinin Daxili Qoşunları olsa da, daha sonra xidmətini Naxçıvan Muxtar Respublikasında xüsusi təyinatlıların bölüyündə davam etdirmişdir. Hərbi xidməti müddətində 2 dəfə tərifnamə ilə təltif olunub. Hərbi xidmətini 2018-ci ilin yanvar ayında başa vurub. Ordu sıralarında xidmət etmək üçün 3 dəfə sənəd verib, lakin qəbul olmayıb. Ancaq 4-cü dəfə sənəd verərkən istəyinə nail olmuşdur. 2018-ci ilin oktyabr ayında hərbi kursa çağırıldı. 2019-cu ilin yanvar ayında Ağcabədi rayonunda yerləşən hərbi hissədə müddətdən artıq xidmət edən hərbi qulluqçu olaraq tankçı kimi xidmət etməyə başlamışdır. 2019-cu ilin avqust ayında təyinatı Füzuli rayonunda yerləşən hərbi hissəyə verilir və şəhadətinə qədər xidmətini orada davam etdirir.

İkinci Qarabağ müharibəsində iştirakı

 

Mirrahil Teymurlu və Arif Qeybiyev

Azərbaycan Silahlı Qüvvələrinin müddətdən artıq xidmət edən hərbi qulluqçusu, tankçı Arif Qeybiyev 2020-ci il sentyabrın 27-də Azərbaycan və Ermənistan arasında başlanan 2-ci Qarabağ müharibəsi zamanı Füzuli uğrunda gedən döyüşlərdə savaşıb. Sentyabrın 27-də Füzuli döyüşlərində Arif Qeybiyevin dostu, tankçı Mirrahil Teymurlunun tankı minaya düşür və Arif öz tankından düşüb 100-200 metr aralıda olan dostunun tankına çatıb dostunu xilas etmək istəyərkən erməni snayperinin gülləsinə tuş gəlir və şəhid olur. Astara rayonunun Ərçivan qəsəbəsində dəfn olunub.

Azərbaycanın ərazi bütövlüyünün bərpa edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 15.12.2020-ci il tarixli Sərəncamına əsasən Arif Qeybiyev ölümündən sonra "Vətən uğrunda" medalı ilə təltif edildi.

Azərbaycanın Füzuli rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidlik və şücaət nümayiş etdirdiyinə görə Azərbaycan Prezidenti İlham Əliyevin 25.12.2020-ci il tarixli Sərəncamına əsasən Arif Qeybiyev ölümündən sonra "Füzulinin azad olunmasına görə" medalı ilə təltif edildi.

Təltif və mükafatları

•   (15.12.2020) — "Vətən uğrunda" medalı (ölümündən sonra)
•   (25.12.2020) — "Füzulinin azad olunmasına görə" medalı (ölümündən sonra)

İstinadlar

1. "Astarada kross qaçışı üzrə Azərbaycan çempionatında qalib adını qazanmış idmançılarla görüş keçirilmişdir". azertag.az (azərb.). Azertac. 16 oktyabr 2012.
2. "Şəhid idmançılarımız". www.mys.gov.az (azərb.). Azərbaycan Respublikası Gənclər və İdman Nazirliyi. İstifadə tarixi: 1 oktyabr 2020.
3. "ASTARA RAYON İCRA HAKİMİYYƏTİ>İdman". astara-ih.gov.az (azərb.). ASTARA RAYON İCRA HAKİMİYYƏTİ.
4. "Baharın gəlişi cənub bölgəsində el şənlikləri ilə qeyd olunur VİDEO". azertag.az (azərb.). İstifadə tarixi: 19 mart 2016.
5. "Azərbaycan çempionatında astaralı atletlərin möhtəşəm qələbəsi". azsport.az (azərb.). 22 aprel 2014.
6. "İsmayıllıda kross qaçışı üzrə respublika çempionatı keçirilib". azpress.az (azərb.). 11 oktyabr 2013.
7. "Avropa Oyunlarının məşəli Lerik və Astarada - fotolar". axsam.az (azərb.). 1 may 2015.
8. "Bir gün ərzində uca dağlardan dəniz sahilinə qədər sevinc yürüşü". azerisport.az (azərb.). 1 may 2015.
9. . astara-ih.gov.az (azərb.). ASTARA RAYON İCRA HAKİMİYYƏTİ. 1 may 2015. 18 July 2017 tarixində orijinalından arxivləşdirilib.
10. "Avropa Oyunlarının məşəli Lerik və Astarada – Fotolar+ Video". beynelxalq.info (azərb.). 1 may 2015.
11. "Vətən müharibəsində şəhid olan hərbi qulluqçuların siyahısı" (PDF). www.mod.gov.az (Azərbaycan Respublikası Müdafiə Nazirliyinin rəsmi saytı) ( (azərb.)). 08.12.2020. 2020-12-08 tarixində . İstifadə tarixi: 22.12.2020.
12. "Azərbaycan çempionu olan idmançımız şəhidlik zirvəsinə yüksəldi". fanat.az (azərb.). İstifadə tarixi: 30 sentyabr 2020.
13. "Azərbaycan çempionu cəbhədə şəhidlik zirvəsinə yüksəldi - FOTO". sportinfo.az (azərb.). İstifadə tarixi: 30 sentyabr 2020.
14. "3 qat Azərbaycan çempionu şəhid oldu". sportal.az (azərb.). İstifadə tarixi: 30 sentyabr 2020.
15. "İdmançımız, erməni aqressiyası nəticəsində Vətən uğrunda şəhid oldu". af-aze.org (azərb.). İstifadə tarixi: 30 sentyabr 2020.
16. "Azərbaycan çempionu şəhid oldu". qol.az (azərb.). İstifadə tarixi: 30 sentyabr 2020.
17. "Azərbaycan çempionu olan idmançımız şəhidlik zirvəsinə yüksəldi". aqreqator.az (azərb.). İstifadə tarixi: 30 sentyabr 2020.
18. "Azərbaycanda ordusu 6 şəhid verdi". parla.az (azərb.). İstifadə tarixi: 30 sentyabr 2020.
19. "Azərbaycan çempionu vətən uğrunda şəhid oldu - FOTO". sfera.az (azərb.). İstifadə tarixi: 30 sentyabr 2020.
20. "Azərbaycan Silahlı Qüvvələrinin hərbi qulluqçularının "Vətən uğrunda" medalı ilə təltif edilməsi haqqında Azərbaycan Prezidentinin 15.12.2020-ci il tarixli Sərəncamı". www.president.az (Azərbaycan Prezidentinin rəsmi saytı) ( (azərb.)). 15.12.2020. 2020-12-15 tarixində arxivləşdirilib. İstifadə tarixi: 15.12.2020.
21. "Azərbaycan Silahlı Qüvvələrinin hərbi qulluqçularının "Füzulinin azad olunmasına görə" medalı ilə təltif edilməsi haqqında Azərbaycan Prezidentinin 25.12.2020-ci il tarixli Sərəncamı". www.e-qanun.az (Normativ hüquqi aktların vahid internet elektron bazası) ( (azərb.)). 25.12.2020. 2020-12-25 tarixində arxivləşdirilib. İstifadə tarixi: 25.12.2020.