Anna Pollatou
Anna Pollatou (d. 8 oktyabr 1983; Kefaloniya, Yunanıstan - ö. 17 may 2014; Varda, Yunanıstan) — Yunanıstanı təmsil edən bədii gimnast. Anna Pollatou, 2000-ci ildə Yunanıstanı XXVII Yay Olimpiya Oyunlarında təmsil edib və bürünc medal qazanıb.
| Anna Pollatou | |
|---|---|
| Anna Pollatou, 1999-cu ildə Budapeşt şəhərində baş tutan Avropa Çempionatında qazandığı üç qızıl medalla | |
| Şəxsi məlumatlar | |
| Tam adı | Anna Pollatou |
| Vətəndaşlığı | Yunanıstan |
| Doğum tarixi | |
| Doğum yeri | Kefaloniya, Yunanıstan |
| Vəfat tarixi | (30 yaşında) |
| Vəfat yeri | Varda, Yunanıstan |
| Vəfat səbəbi | yol-nəqliyyat hadisəsi |
| İdman növü | Bədii gimnastika |
_pictogram.svg.html){kind=link}
Karyerası
Anna Pollatou, idman sahəsində birinci uğurlarını 1999-cu ildə qazandı. Həmin il Anna Pollatou, Macarıstanın paytaxtı Budapeşt şəhərində baş tutan Avropa Çempionatında üç qızıl medal qazandı. Daha sonra o, Yaponiyanın Osaka şəhərində baş tutan Dünya Çempionatında 2 qızıl və 1 gümüş medala sahib oldu.
Anna Pollatou, 2000-ci ildə Yunanıstan bayrağı altında Avstraliyanın Sidney şəhərində baş tutan XXVII Yay Olimpiya Oyunlarına qatıldı. O, qrup yarışlarında komanda yoldaşları Eirini Aindili, Evanqeliya Xristodouluo, Mariya Georgatou, Zaçaroula Karyami və Çarikleya Pantazi ilə birgə finalda 39.283 xal toplayaq 3-cü yeri tutdu və Olimpiya Oyunlarının bürünc medalını qazandı.
Ölümü
Anna Pollatou, 2014-cü il 17 mayda Varda şəhəri yaxınlığında baş verən avtomobil qəzası nəticəsində ömrünün 30-cu yaşında vəfat etdi. Anna Pollatounun idarə etdiyi avtomobil, qarşıdan gələn yük avtomobili ilə toqquşdu və nəticədə Anna Pollatou, hadisə yerindəcə dünyasını dəyişdi.