Ahmet Demirok
Ahmet Demirok (türk. Ahmet Demirok; 21 avqust 1970, Kulu[d], Konya ili) — Türkiyənin Azərbaycandakı fövqəladə və səlahiyyətli səfiri (2020).
| Ahmet Demirok | |
|---|---|
| türk. Ahmet Demirok | |
| Şəxsi məlumatlar | |
| Təhsili | Orta Şərq Texniki Universiteti |
| Doğum tarixi | 21 avqust 1970 (51 yaş) |
| Doğum yeri | |
| Vətəndaşlığı | Türkiyə |
| Milliyyəti | Türk |
Həyatı və təhsili
Ahmet Demirok 21 avqust 1970-ci ildə Türkiyənin Konya şəhərində anadan olmuşdur. O, Orta Şərq Texniki Universiteti İqtisadi və İdarəetmə Fakültəsinin Dövlət İdarəetmə Bölməsinin məzunudur.
Fəaliyyəti
Diplomatik fəaliyyəti
1993-cü ildə Türkiyə Xarici İşlər Nazirliyində təcrübəçi məmur olaraq işə başlayıb.
1997–1999-cu illər arasında Komotininin Baş Konsulluğunda Konsul Köməkçisi, 1999–2002-ci illərdə Kanberra Səfirliyində Üçüncü və İkinci Katib, 2002–2004-cü illərdə Baş Katib, 2004–2006-cı illərdə Bratislava Səfirliyində Baş Katib, 2006–2008-ci illərdə Birləşmiş Millətlər Təşkilatının Vyana Ofisində Türkiyənin birinci katibi və daimi nümayəndəsinin müavini, 2008–2010-cu illərdə Nazirlərin Xüsusi Məsləhətləri Departamentinin direktoru vəzifəsində çalışıb.
2010-2013-cü illərdə Londonda Baş Konsulluq etmiş 1 oktyabr 2013–28 fevral 2017-ci il tarixlərində Dohada Türkiyə Cümhuriyyətinin səfiri olmuşdur.
20 iyun 2017-ci il tarixində Resim Gazete-də dərc olunmuş kabinet fərmanı ilə Dövlət Qulluqçuları Etik Şurasının üzvü təyin edilib.
9 dekabr 2020-ci ildə Türkiyənin Azərbaycandakı yeni fövqəladə və səlahiyyətli səfiri vəzifəsinə təyin edilib.
İstinadlar
- Ahmet Demirok, Bakü Büyükelçisi Oldu
- Türkiyənin Azərbaycanda yeni səfiri təyin olunub