1957 UEFA Çempionlar Kuboku finalı

1957 UEFA Çempionlar Kuboku finalı ― 30 may 1957-ci ildə Çempionlar Kuboku 1956/1957 mövsümünün qalibini müəyyən etmək üçün İspaniyanın paytaxtı Madrid şəhərinin Santyaqo Bernabeu stadionunda keçirilən futbol oyunu. Matçda İspaniyanın "Real Madrid" və İtaliyanın "Fiorentina" klubları qarşılaşmışdılar. "Real Madrid" 2-ci hissədə Alfredo Di Stefano və Fransisko Xentonun vurduğu qolları sayəsində oyunda 2–0 hesabı ilə qalib gəldi. Komandalardan birinin ev stadionunda oynadığı dörd finaldan (Çempionlar Liqası dövrünü nəzərə almaqla, 1965, 1984 və 2012 finalları) birincisi idi və həmçinin qalib gələn komandanın ev stadionunda oynadığı ilk final idi.

Turnir	Çempionlar Kuboku 1956/1957
Real Madrid Fiorentina 2 0
Tarix	30 may 1957
Yer	Santyaqo Bernabeu, Madrid
Hakim	Leo Horn (Niderland)
Tamaşaçı	124,000
← 1956 1958 →

"Real Madrid"in ilk qolu mübahisələrə səbəb oldu ki, Niderlandlı hakim Leo Horn yan xətt hakimin penalti təyin olunmazdan öncə işarə etdiyi ofsayd siqnalına əhəmiyyət vermədi və bundan başqa Mateosa qarşı edilən qayda pozuntusu cərimə meydançasından kənarda edilmişdir.

Finala gedən yol

Real Madrid				Mərhələ	Fiorentina
Rəqib	Ümumi hesab	1-ci oyun	2-ci oyun		Rəqib	Ümumi hesab	1-ci oyun	2-ci oyun
Rapid Vyana	5–5 (Təkrar: 2–0)	4–2 (Ev)	1–3 (Səfər)	Birinci raynd	Norrçöpinq	2–1	1–1 (Ev)	1–0 (Səfər)
Nitsa	6–2	3–0 (Ev)	3–2 (Səfər)	1/4 final	Qrasshopper	5–3	3–1 (Ev)	2–2 (Səfər)
Mançester Yunayted	5–3	3–1 (Ev)	2–2 (Səfər)	Yarımfinal	Srvena Zvezda	1–0	1–0 (Səfər)	0–0 (Ev)

Real Madrid

"Real Madrid" turnirə son qalib kimi qatıldı, klub son mövsümün final oyununda Paris şəhərinin Park de Prens stadionunda 4–3 heabı ilə "Reyms" klubuna qalib gəldi. O, son çempion olduğu üçün onlar birbaşa birinci raunda keçdilər ki, bu mərhələdə Avstriya çempionu "Rapid Vyana" ilə heç-heçə etdilər. Santyaqo Bernabeu stadionunda keçirilən ilk oyunda Alfredo Di Stefano və Ramon Marsal iki qol vuraraq, klublarına 4–2 hesablı qalibiyyət gətirdilər. İkinci oyunda Ernst Happel het-trik edərək "Rapid"i 3 qol qabağa saldı, lakin Di Stefanonun qolu hesabı 3–1 etdi. Oyunun ümumi hesabı 5–5 oldu. Səfərdə vurulan qol qaydası 1965-ci ilə qədər tətbiq olunmadığı üçün Bernabeuda təkrar oyun keçirildi, hansında ki Xoseito və Raymon Kopanın qolları sayəsində "Real Madrid" 2–0 hesablı qələbə qazandı.

1/4 finalda madridlilər Fransa çempionu "Nitsa" ilə qarşılaşdılar. Xoseito və Enrike Mateosun iki qolu Madrid klubuna 3–0 hesablı qələbə bəxş etdi. Səfərdə keçirilən oyunda Jak Fua Fransa təmsilçisinə ümid versə də, Xoseitonun daha bir qolu və Di Stefanonun iki qolu cütlüyn taleyini həll etdi; oyunun sonunda "Nitsa" oyunçusu Ferents Koçurun penalti zərbəsindən vurduğu qol yekun 6–2 hesabını təyin etdi.

Yarımfinal mərhələsində "Real Madrid"in növbəti rəqibi "Mançester Yunayted" oldu. Ektor Rial və Di Stefanonun səyləri nəticəsində oyunun başlamasından bir saat sonra hesab artıq 2–0 idi; cavabında Tommi Teylor bir qolun əvəzini çıxsa da, bir dəqiqədən sonra Mateos fərqləndi. Old Traffordun qəbul etdiyi cavab oyunda Kopa və Rial fərqlənərək "Real Madrid"ə finala vəsiqə qazandıracaq önəmli qolların müəllifləri oldular; Teylor və Bobbi Çarltonun qolları yekun 5–3 hesabını təyin etdilər. Bu nəticə "Real Madrid"i ard-arda ikinci Avropa kuboku finalına çıxartdı.

Fiorentina

"Fiorentina" turnirə Seria A-nın 1955/1956 mövsümünün son qalib kimi qatıldı. Klub ilkin mərhələ püşkatmasında Cənubi Mərkəzi Avropa qrupuna düşdü, lakin püşkatmadan çıxan ilk dörd komanda sırasına daxil edilmədi və birinci raunda vəsiqə qazandı. Onun rəqibi, birinci raunda avtomatik vəsiqə qazanan digər klub İsveçin "Norrçöpinq" komandası oldu. Artemio Françi stadionunda keçirilən ilk oyunda qonaq komanda Hari Bildin sayəsində hesabı açdı, lakin çox keçməmiş Klaudio Bizzarinin qolu oyunun yekun 1–1 hesabını təyin etdi. İkinci oyunda Cuzepe Vircilinin yeganə qolu ümumi 2–1 hesabı ilə İtaliya təmsilçisini növbətə mərhələyə keçirtdi.

İsveçrənin "Qrasshopper" klubuna qarşı keçirilən yarımfinal oyununda "Fiorentina" Armando Seqato və Romano Takkola (2) səyləri nəticəsində tez bir vaxt ərzində hesabı 3–0 etdi, lakin Rober Ballaman səfərdə oynayan komandanın xeyrinə bir qol vurmağı bacardı. İkinci oyunda Julinyo fərqi bir qədər də artırsa da, Ballaman yenidən İsveçrə klubu üçün fərqi azaltdı; buna baxmayaraq Migel Montuori "Fiorentina"nın ümumlikdə beşinci qolun müəllifi oldu və beləcə hesabı 5–3 edən Branislav Vukosavleviçin qolu daha çox təsəlli rolu aldı.

Fiorentinaın yarımfinalda rəqibi Yuqoslaviyanın "Srvena Zvezda" klubu oldu. Belqradda keçirilən oyunda yeganə qol oyunun başa çatmasına 2 dəqiqə qalmış italiyalıların xeyrinə Maurilio Prini tərəfindən vuruldu. Cavab oyunu qolsuz keçdi və cütlüyün qalibi Fiorentina olaraq Çempionlar Kuboku finalına çıxan ilk İtaliya təmsilçisi oldu.

Oyun

Final 30 may 1957-ci ildə Santyaqo Bernabeu stadionunda keçirildi. Oyunun baş hakimi Niderlandlı Leo Horn oldu. Di Stefanonun penaltisi və Xentonun bir qolu Madrid klubuna 2-0 hesablı qələbə yaşatdı və çempion titulunu qorudu. Bu klubun Çempionlar Kubokunda ikinci çempionluğu oldu.

Detallar

30 may 1957

17:30 CET

Real Madrid	2–0	Fiorentina
Di Stefano   69' (pen.) Xento   75'	Hesabat

Santyaqo Bernabeu stadionu, Madrid

Tamaşaçı: 124,000

Hakim: Leo Horn (Niderland)

Real Madrid

Fiorentina

GK 1   Xuan Alonso RB 2   Manuel Torres LB 3   Rafael Lesmes RH 4   Migel Munyos (k) CH 5   Markitos LH 6   Xose Mariya Sarraqa OR 7   Raymon Kopa IR 8   Enrike Mateos CF 9   Alfredo Di Stefano IL 10   Ektor Rial OL 11   Fransisko Xento Məşqçi:   Xose Vilyalonqa

GK 1   Culiano Sarti RB 2   Ardiko Manyini LB 3   Alberto Orzan RH 4   Serco Çervato (k) CH 5   Aldo Skaramuççi LH 6   Armando Seqato OR 7   Julinyo IR 8   Qvido Qratton CF 9   Cuzeppe Virсili IL 10   Migel Montuori OL 11   Klaudio Bitsarri Məşqçi:   Fulvio Bernardini

Həmçinin bax

• UEFA Çempionlar Kuboku 1956/1957

Qeydlər

1. Oyun əvvəlcə saat 20:00-də planlaşdırılsa da, Fiorentina süni işıqlar altında oynamağa vərdiş etmədikləri üçün başlanğıc saatının irəli çəkilməsini istədi.
2. Argentina mənşəli Di Stefano milli karyerası ərzində həm Argentinanı, həm də Kolumbiyanı təmsil etmişdir; lakin 1956-cı ildə vətəndaşlıq almış İspaniya vətəndaşı oldu və 1957-ci ildə İspaniya milli komandasında oynamağa başladı..

İstinadlar

1. European Cup 1956/57 from UEFA
2. Simpson, Paul; Hesse-Lichtenberger, Uli (October 2005). Sleight, Hugh (ed.). "50 Things You Never Knew About... The European Cup". FourFourTwo. Teddington: Haymarket Consumer (134): 101. ISSN 1355-0276.
3. "1955/56: Madrid claim first crown". UEFA.com. Union of European Football Associations. İstifadə tarixi: 8 April 2020.
4. "1956/57, First round, 1st leg". UEFA.com. Union of European Football Associations. İstifadə tarixi: 8 April 2020.
5. "1956/57, First round, 2nd leg". UEFA.com. Union of European Football Associations. İstifadə tarixi: 8 April 2020.
6. "1956/57, First round". UEFA.com. Union of European Football Associations. İstifadə tarixi: 8 April 2020.
7. "1956/57, Quarter-finals, 2nd leg". UEFA.com. Union of European Football Associations. İstifadə tarixi: 8 April 2020.
8. "1956/57, Semi-finals, 2nd leg". UEFA.com. Union of European Football Associations. İstifadə tarixi: 8 April 2020.
9. "1956/57, First round, 2nd leg". UEFA.com. Union of European Football Associations. İstifadə tarixi: 8 April 2020.
10. "1956/57, Quarter-finals, 2nd leg". UEFA.com. Union of European Football Associations. İstifadə tarixi: 8 April 2020.
11. "1956/57, Semi-finals, 1st leg". UEFA.com. Union of European Football Associations. İstifadə tarixi: 8 April 2020.
12. "Home comforts bring second title for Madrid". UEFA.com. Union of European Football Associations. İstifadə tarixi: 8 April 2020.
13. [1]
14. [2]