Ömər Hilmi Əfəndi
Ömər Hilmi Əfəndi (d. 2 mart 1886 - ö. 6 aprel 1935) — 35-ci Osmanlı sultanı V Mehmedin ikinci oğlu, Osmanlı şahzadəsi.
Ömər Hilmi Əfəndi | |
---|---|
عمر حلمى أفندى | |
Şəxsi məlumatlar | |
Doğum tarixi | |
Doğum yeri | İstanbul, Osmanlı imperiyası |
Vəfat tarixi | (49 yaşında) |
Vəfat yeri | |
Atası | V Mehmed |
Anası | Mihrəngiz Qadınəfəndi |
Həyat yoldaşları | Xədicə Firdevs Gülnev xanım Faiqə xanım Bəxtitər xanım Mədiha xanım |
Uşaqları | Əminə Mukbilə Sultan Mahmud Namiq Əfəndi |
Həyatı
Ömər Hilmi Əfəndi 2 mart 1886-cı ildə Üsküdar sarayında dünyaya gəldi. Atası dövrün Osmanlı sultanı Əbdüləzizin qardaşı Şahzadə Mehmed Rəşad, anası isə ubıx olan Mihrəngiz xanımdır. Uşaqlığını güclü nəzarət altında yaşayan Ömər Hilmi Əfəndi, atasının 1909-cu ildə taxta çıxmasıyla Dolmabağça sarayına köçürüldü. Qardaşıyla birlikdə Birinci Dünya müharibəsinə qatılmış, atasının vəfatının ardından Dolmabağça sarayından ayrıldı və ailəsiylə birlikdə Nişantaşındakı köşkə köçürüldü.
Türkiyə Cumhuriyyətinin qurulması və Osmanlı ailəsinin sürgün edilişinin ardından 1924-cü ilin mart ayında ölkəni tərk etdi və anası Mihrəngiz xanım, qızı Əminə və oğlu Namiqlə birlikdə əvvəlcə Budapeştə, daha sonra İsveçrəyə, ardından Nitsaya getdi. 38 yaşında sürügnə gedən Ömər Hilmi Əfəndi ömrünün geri qalan 11 ilini Nitsada keçirdi. Bu illər ərzində qızı Əminə Mukbilə Sultanı əmisi V Muradın oğlu Mehmed Səlahəddin Əfəndinin nəvəsi Əli Vasib Əfəndi ilə evləndirdi. Vəfatından qısa müddət öncə ailəsiylə birlikdə İsgəndəriyyəyə gəlmiş, qısa müddət sonra iflic keçirərək vəfat etmişdir. Cənazəsi burada dəfn edilib.
Xanımları, övladları və nəvələri
- Xədicə Firdevs Gülnev xanım (d. 21 fevral 1890 - ö. 31 dekabr 1919) — 3 oktyabr 1910-cu ildə Ulduz sarayında evləndilər. 2 övladı oldu.
- Əminə Mukbilə Sultan (d. 17 sentyabr 1911 - ö. 21 may 1995) — 30 noyabr 1931-ci ildə atasının əmisi V Muradın oğlu Mehmed Səlahəddin Əfəndinin oğlu Əhməd Nihad Əfəndinin oğlu Əli Vasib Əfəndi (d. 13 oktyabr 1903, Çırağan sarayı - ö. 9 dekabr 1983, İsgəndəriyyə) ilə evləndi. Cütlüyün nigahı son Osmanlı xəlifəsi Əbdülməcid Əfəndi tərəfindən kəsildi. Bu evlilikdən bir oğlu dünyaya gəldi. Məzarı babası Sultan Rəşadın türbəsindədir.
- Şahzadə Mahmud Namiq Əfəndi (d. 23 dekabr 1913, İstanbul - ö. 13 noyabr 1963, Qahirə) — 1939-cu ildə Şəhrazad Ratiblə (d. 1922 - ö. 1993) evləndi ancaq 1947-ci ildə boşandı. Bu evlilikdən 1 oğlu oldu.
- Faiqə xanım
- Bəxtitər xanım (d. 12 oktyabr 1897, İzmir - ö. 1984) — 16 iyun 1914-cü ildə Üsküdar sarayında evləndilər. Övladı olmamışdır.
- Mədiha xanım (d. 4 noyabr 1903, İsgəndəriyyə - ö. 1971, Qahirə) — 12 iyul 1921-ci ildə Nişantaşı köşkündə evləndilər. Övladı olmamışdır.
Mənbə
- Hugh Montgomery-Massingberd, Burke's Royal Families of the World, Africa & the Middle East, Burke's Peerage, 1980, p. 247.
- Ali Vâsıb, Bir Şehzadenin Hâtırâtı: Vatan ve Menfâda Gördüklerim ve İşittiklerim, Yapı Kredi Kültür Yayınları, 2004, ISBN 978-975-08-0878-4, p. 205