Əli ibn Hüseyn əl-Haşimi
Əli ibn Hüseyn əl-Haşimi - (ərəb. علي بن حسين لهاشمي; d.1879, Məkkə - ö. 13.2.1935, Bağdad) - 1924-1925-ci illərdə hakimiyyətdə olmuş Hicaz krallığının ikinci kralı. Haşimilərin Hicazda sonuncu kralı.
Əli ibn Hüseyn əl-Haşimi | |
---|---|
ərəb. علي بن حسين لهاشمي | |
Sələfi | Hüseyn ibn Əli əl-Haşimi |
Xələfi | Əbdüləziz ibn Səud əl-Səud |
Şəxsi məlumatlar | |
Doğum tarixi | |
Doğum yeri | Məkkə, Osmanlı İmperiyası |
Vəfat tarixi | |
Vəfat yeri | Bağdad, İraq krallığı |
Dəfn yeri | |
Atası | Hüseyn ibn Əli əl-Haşimi |
Anası | Əbdiyyə ibn Abdullah |
Həyat yoldaşı | Nəfisə xanım |
Uşaqları | Abdullah ibn Əli əl-Haşimi Xədicə Əbdiyyə Aliyə Badiyə Cəlilə |
Vikianbarda əlaqəli mediafayllar |
Həyatı
Əli ibn Hüseyn, Hicazın birinci kralı Hüseyn ibn Əlinin böyük oğlu idi və Qalatasaray liseyini bitirmişdi.
Birinci dünya müharibəsində atası Hüseyn ibn Əli ingilisləri dəstəklədi. Müharibədən sonra Ərəbistan yarımadasında müstəqil Hicaz krallığını yaratdı və oğulları Abdulla İordaniya, Feysəl isə Suriya-İraq kralı oldu. Böyük oğlu Əli isə özünün varisi elan etdi.
1924-cü ilin mart ayında Hüseyn ibn Əlinin özünü müsəlmanların xəlifəsi elan etməsi Hicaz krallığı ilə Nəcd əmirliyi arasında münaqişəyə səbəb oldu. Müharibə Hicaz üçün çox uğursuz oldu. 1924-cü ilin oktyabrında Hüseyn ibn Əli taxtdan Əlinin xeyrinə əl çəikdi.
Əli Ciddəyə tərəf çəkildi və nəticədə Nəcd əmirliyi Məkkə və Mədinə şəhərlərini ələ keçirdi. 1925-ci ildə Nəcd əmirliyi ilə Böyük Britaniya arasında müqavilə imzalandı. Bu müqavilə ilə ingilislər Nəcdin Hicazı zəbt etməsini təsdiqləyirdilər. 22 dekabr 1925-ci ildə Ciddə təslim oldu. Hicazın sonuncu Haşimi kralı Əli ailəsi ilə birlikdə İraqa qardaşı Feysəl ibn Hüseynin yanına getdi.
Ailəsi
Əli ibn Hüseyn, 1906-cı ildə Məkkə şərifi əmir Abdullah ibn Məhəmməd Paşanın qızı Nəfisə xanım ilə evləndi. Bu evlilikdən onun dörd qızı və bir oğlu dünyaya gəlmişdir.
- Xədicə Əbdiyyə (1907-1958)
- Aliyə (1911-1950) - İraq kralı I Qazi ilə evləndi. İraq kralı II Feysəlın anası idi.
- Abdullah (1913-1958) - İraq naibi
- Badiyə (1920-2020) - Hüseyn ibn Əli ilə evləndi və bu evlilikdən Əli ibn Hüseyn adlı oğlu oldu. Əli ibn Hüseyn İraq kralı I Feysəlin vəliəhdi idi.
- Cəlilə (1923-1955) - Şərif Əhməd Hazim ilə evləndi
Həmçinin bax
- Hüseyn ibn Əli əl-Haşimi
- Hicaz krallığı
- Əbdüləziz ibn Səud əl-Səud
İstinadlar
- IRAQ – Resurgence In The Shiite World – Part 8 – Jordan & The Hashemite Factors IRAQ – Resurgence In The Shiite World – Part 8 – Jordan & The Hashemite Factors