Əbu Talib

Əbu Talib — Bəni Haşim qəbiləsinin başçısı, şiələrin ilk imamı və sünnilərin dördüncü xəlifəsi Əlinin atası. İslam peyğəmbəri Məhəmmədin atası Abdullahın ata-ana bir qardaşıdır. Abdullahın vəfatından sonra Məhəmməd Mustafanın qəyyumu olmuşdur.

Əbu Talib
Əbdülmanaf ibn Əbdülmütəllib əl-Haşimi
Doğum tarixi	539
Doğum yeri	Məkkə, Ərəbistan
Vəfat tarixi	619
Vəfat yeri	Məkkə, Ərəbistan
Həyat yoldaşı	Fatimə
Uşağı	Əli bin Əbu Talib Cəfər bin Əbu Talib Əqil bin Əbi Talib
Atası	Əbdulmütəllib
Milliyyəti	Ərəb
Fəaliyyəti	tacir

Müsəlman olması

Sünnilərə görə Əbu Talib İslam peyğəmbərinin arxasında durmasına baxmayaraq heç vaxt müsəlman olmamışdır. Amma şiələr möhkəm və sənədli mətnləri əsas gətirərək onun müsəlman olduğuna inanırlar. Şiələrin etiqadına görə On dörd məsumun atalarının hamısı tək Allaha inanırdılar (etiqadları var idi). Nəhcül-bəlağə bu haqda yazır:

İmam Baqirdən soruşdular: Əbu Talib indi odda və cəhənnəmdə yanırmı?

Dedi: Əgər bu camaatın imanını tərəzinin bir tərəfinə və Əbu Talibin imanını obiri tərəfə qoysaydılar, Əbu Talibin imanı ağır gələrdi.

Əbu Talibin müsəlman olması barədə fikir çox geniş surətdə yayılmış və dönə-dönə təsdiq edilmişdir. İbn Əbil-Hədid "Nəhcül-bəlağə"yə yazdığı şərhdə qeyd edir: "Əbu Talibin imanı mövzusu alimlər arasında mübahisəli məsələdir. Bütün imamiyyə şiələri (yəni cəfəri məzhəbinin ardıcılları), habelə zeydilərin əksəriyyəti onun müsəlman halda dünyadan getdiyini təsdiq edir. Həmçinin, bizim şeyxlərin də bir hissəsi, məsələn, Şeyx Əbul-Qasim Bəlxi, Əbu Cəfər Əskafi və b. bu əqidədədirlər".

Məşhur sünni alim İbn Əsir Şafii yazır ki, Əbu Talibin mömin olması məsələsində Əhli-beyt icma etmişdir

Vəfatı

Əbu Talib besətin 10-cu ili Ramazan ayının 7-də dünyasını dəyişmişdir.

İslamda yeri

Əbu Talibin İslamın istiqrarında və yerinin möhkəmlənməsində önəmli rolu vardır. İslam peyğəmbəri kiçik yaşlarından etibarən Əbu Talibin himayəsinə keçmişdir. Həmçinin İslamın ilk yayıldığı zamanlarda Əbu Talib Məhəmmədi Qureyş qəbiləsindən qorumuşdur.

Həmçinin bax

• Fatimə bint Əsəd

İstinadlar

1. Gran Enciclopèdia Catalana — Grup Enciclopèdia Catalana, 1968.
   <a href="https://wikidata.org/wiki/Track:P1296"></a><a href="https://wikidata.org/wiki/Track:Q2664168"></a><a href="https://wikidata.org/wiki/Track:Q18696256"></a>
2. Али-заде А. Али ибн Абу Талиб // Исламский энциклопедический словарь — М.: Ансар, 2007. — С. 68. — ISBN 978-5-98443-025-8
   <a href="https://wikidata.org/wiki/Track:Q18517268"></a><a href="https://wikidata.org/wiki/Track:Q80210575"></a><a href="https://wikidata.org/wiki/Track:Q16488478"></a><a href="https://wikidata.org/wiki/Track:Q4062223"></a>
3. Havza saytı,Əbu Talib qəyyumluğu,İslam tarixi,Baxış:02.02.2012
4. Məcməül Bəyan,c3,s30,çap Beyrut(مجمع البيان ج 3 ص 30 ط بيروت )
5. Tərcümə:Camaat çoxlu peyğəmbərdən nəql etmişlər ki demiş: Bizlər pak arxalardan pak rəhimlərə keçmişik.Nəhcül-Bəlağə,c14,s67,İbni Əbilhədid.(قد نقل الناس كافة عن رسول الله ص أنه قال نقلنا من الأصلاب الطاهرة إلى الأرحام الزكية.شرح نهج‌البلاغهٔ ابن‌ابی‌الحدید، ج 14، ص 67)
6. Nəhcül-Bəlağə,c14,s68(قد روي عن علي بن محمد الباقر ع أنه سئل عما يقوله الناس إن أبا طالب في ضحضاح من نار فقال لو وضع إيمان أبي طالب في كفة ميزان و إيمان هذا الخلق في الكفة الأخرى لرجح إيمانه ثم قال أ لم تعلموا أن أمير المؤمنين عليا ع كان يأمر أن يحج عن عبد الله و أبيه أبي طالب في حياته ثم أوصى في وصيته بالحج عنهم شرح نهج‌البلاغهٔ ابن‌ابی‌الحدید، ج 14، ص )
7. İbn Əbil-Hədid mötəzili alimlərindən hesab edilir.
8. Nəhcul-bəlağənin şəhri, cild 14, səh. 65
9. Yəni hamılıqda bunu təsdiq etmişdir
10. Qazi Nurullah Şüştəri. "Məcalisul-muminin", c. 1, səh. 163
11. Aviny saytı
12. Nəhcül-Bəlağə Şərhi,c14,s84(214- شرح نهج البلاغه - جلد 14 ص 84 و لو لا ابوطالب و ابنه لما مثل الدین شخصا و قاما فذال بمکة آوی و حاما و هذا به یثرب جس الحماما )
13. Bölmə 246, ibni əbil Hədiddən nəqal qovl etmişdir. bu kitabdan:Nəhcül-Bəlağə Şərhi,c14,s84