Şirzad Əyyubov

Şirzad Əyyubov (tam adı: Şirzad Şahbaz oğlu Əyyubov; d. 1 yanvar 1953; Ağsu, Azərbaycan SSR) — azərbaycanlı dövlət və siyasi xadim, Azərbaycan Milli Məclisinin I və II çağırış üzvü, Şamaxı rayonunun icra başçısı (1992—1993).

Şirzad Əyyubov
Şirzad Şahbaz oğlu Əyyubov
Azərbaycan Milli Məclisinin I və II çağırış üzvü 4 fevral 1996 — 30 noyabr 2005
Şamaxı rayonunun icra başçısı 18 noyabr 1992 — 10 noyabr 1993
Sələfi	Əli Məmmədov
Xələfi	Xudaverdi Lazımov
Şəxsi məlumatlar
Partiya	Müsavat Partiyası
Təhsili	Pedaqoji Rus dili və Ədəbiyyatı İnstitutu
Doğum tarixi	1 yanvar 1953 (68 yaş)
Doğum yeri	Ağsu, Azərbaycan SSR, SSRİ
Vətəndaşlığı	SSRİ→ Azərbaycan

Həyatı

Şirzad Əyyubov 1953-cü il yanvar 1-də Ağsu rayonunun Gəgəli qəsəbəsində anadan olub. M. F. Axundov adına Azərbaycan Pedaqoji Rus dili və Ədəbiyyatı İnstitutunda ali təhsil alıb. Rus dilini bilir. 1995-2000-ci illərdə Müsavat Partiyasının üzvü və Müsavat Partiyası Şamaxı Rayon Şöbəsinin sədri olub.

Şirzad Əyyubov ailəlidir, 2 övladı var.

Fəaliyyəti

Şirzad Əyyubov Azərbaycan Prezidenti Əbülfəz Elçibəyin 18 noyabr 1992-ci il tarixli 320 nömrəli Fərmanı ilə Şamaxı rayonunun icra başçısı vəzifəsinə təyin edilib. 1 il sonra isə o, Azərbaycan Prezidenti Heydər Əliyevin 10 noyabr 1993-cü il tarixli 20 nömrəli Fərmanı ilə Şamaxı rayonunun icra başçısı vəzifəsindən azad edilib.

1996-cı il fevralın 4-də baş tutan Parlament seçimlərində 98 nömrəli Şamaxı dairəsindən Müsavat Partiyasının namizədi olan Şirzad Əyyubov I çağırış Milli Məclisin deputatı seçilib. 1996-cı il fevralın 4-dən səlahiyyətlərinin icrasına başlayan Şirzad Əyyubov Milli Məclisin Elm və təhsil məsələləri Daimi Komissiyasının və Azərbaycan—Belçiкa parlamentlərarası əlaqələr üzrə işçi qrupunun üzvü olub.

Daha sonra 2000-ci il noyabrın 5-də baş tutan Parlament seçimlərində 98 saylı Şamaxı-Ağsu dairəsindən Müsavat Partiyasının namizədi olan Şirzad Əyyubov II çağırış Milli Məclisin deputatı seçilib. 2000-ci il noyabrın 12-dən səlahiyyətlərinin icrasına başlayan Şirzad Əyyubov Milli Məclisin Elm və təhsil məsələləri Daimi Komissiyasının və Azərbaycan—Qazaxıstan parlamentlərarası əlaqələr üzrə işçi qrupunun üzvü olub. 2000-ci ildə Müsavat Partiyası İdarə Heyətinin qərarına əsasən Şirzad Əyyubov, partiyanın mövqeyinə zidd olaraq deputat mandatını qəbul etdiyi üçün Müsavat Partiyasının sıralarından xaric edildi.

İstinadlar

1. "Şirzad Şahbaz oğlu Əyyubovun Şamaxı rayonunun icra başçısı vəzifəsinə təyin edilməsi haqqında Azərbaycan Prezidenti Əbülfəz Elçibəyin 18 noyabr 1992-ci il tarixli 320 nömrəli Fərmanı" ( (azərb.)). 18.11.1992. 26.08.2020 tarixində . İstifadə tarixi: 26.08.2020.
2. "Şirzad Şahbaz oğlu Əyyubovun Şamaxı rayonunun icra başçısı vəzifəsindən azad edilməsi haqqında Azərbaycan Prezidenti Heydər Əliyevin 10 noyabr 1993-cü il tarixli 20 nömrəli Fərmanı" ( (azərb.)). 10.11.1993. 26.08.2020 tarixində . İstifadə tarixi: 26.08.2020.
3. "I çağırış Azərbaycan Milli Məclisinin Elm və təhsil məsələləri Daimi Komissiyasının üzvlərinin seçilməsi haqqında Azərbaycan Milli Məclisinin 24 noyabr 1995-ci il tarixli Qərarı" (PDF) ( (azərb.)). 24.11.1995. 26.08.2020 tarixində (PDF). İstifadə tarixi: 26.08.2020.
4. "I çağırış Azərbaycan Milli Məclisinin parlamentlərarası əlaqələr üzrə işçi qruplarının yaradılması haqqında Azərbaycan Milli Məclisinin 7 mart 1997-ci il tarixli 256-IQR nömrəli Qərarı" ( (azərb.)). 07.03.1997. 26.08.2020 tarixində . İstifadə tarixi: 26.08.2020.
5. "II çağırış Azərbaycan Milli Məclisinin Elm və təhsil məsələləri Daimi Komissiyasının üzvlərinin seçilməsi haqqında Azərbaycan Milli Məclisinin 30 noyabr 2000-ci il tarixli Qərarı" (PDF) ( (azərb.)). 30.11.2000. 24.08.2020 tarixində (PDF). İstifadə tarixi: 24.08.2020.
6. "II çağırış Azərbaycan Milli Məclisinin parlamentlərarası əlaqələr üzrə işçi qruplarının yaradılması haqqında Azərbaycan Milli Məclisinin 30 noyabr 2000-ci il tarixli 24-IIQR nömrəli Qərarı" ( (azərb.)). 30.11.2000. 26.08.2020 tarixində . İstifadə tarixi: 26.08.2020.