Azər Qurbanov

Azər Qurbanov (1955, Balakən – dekabr 2023, ABŞ) — Azərbaycan aktyoru.

Azər Qurbanov
Azər Qurbanov
Doğum tarixi	1955
Doğum yeri	Balakən, Balakən rayonu, Azərbaycan SSR, SSRİ
Vəfat tarixi	dekabr 2023
Vəfat yeri	ABŞ
Fəaliyyəti	aktyor
Fəaliyyət illəri	1957–2017

Həyatı

Azər Qurbanov 1955-ci ildə Balakən rayonunda anadan olub. Əslən Gəncə şəhərindən idi. Orta təhsilini Bakıda 225 saylı orta məktəbdə rus dilində alıb. Daha sonra Konservatoriyanın Vokal fakültəsini bitirib.

O, 7 yaşında "Bir məhəllədən iki nəfər" filmində debüt edib. Daha sonra "Əcnəbi qız" (1965), "Bizim oynadığımız dənizdə" (1967), ilk sovet-yuqoslav birgə filmi olan "Mavi quş, yolun açıq olsun" (1967) filmlərində rol alıb. Ona ən böyük uğuru "Sehrli xalat" filmindəki Pioner Rəşid obrazı gətirib.

Azər Qurbanov "Odessa" kinostudiyasının istehsalı olan "Göy quş", "Hakim", "Əcnəbi Qadın", "Külək" filmlərində də çəkilib. 1992-ci ildən ABŞ-nin Nyu-Cersi ştatının Şort-Hills şəhərciyində yaşayırdı.

Aktyor 2023-cü ilin dekabrında ABŞ-də vəfat edib.

Filmoqrafiya

1. Bir məhəllədən iki nəfər
2. Sehrli xalat
3. Göy quş ("Odessa" kinostudiyası)
4. Hakim ("Odessa" kinostudiyası)
5. Əcnəbi qadın ("Odessa" kinostudiyası)
6. Külək ("Odessa" kinostudiyası)

İstinadlar

1. Qurbanov, A. "Hərdən tale insanın üzünə gülmür": "Sehrli xalat"dakı pioner Rəşid: "Heç vaxt Vətəni tərk etməyin!": [eyniadlı filmdəki Rəşid rolu ilə hamımızın sevimlisinə çevrilən aktyor Azər Qurbanovla musahibə] //Ekspress.- 2013.- 27–29 iyul.- S.21.
2. "Sehirli xalat"ın Zərifəsi və Rəşidi illər sonra. 2014-03-15 at the Wayback Machine anspress.com (az.)
3. "Sehirli Xalat"ın Amerikadakı Rəşidi : "Anam zəng vurdu ki, Bakıya qayıtma…"". 2023-05-30 tarixində . İstifadə tarixi: 2024-01-24.
4. ""Sehrli xalat"ın Rəşidi, aktyor Azər Qurbanov vəfat edib". apa.az. 2024-01-24 tarixində . İstifadə tarixi: 24 yanvar 2024.
5. Qurbanov, A. Sehrli xalat: [rejissoru Əlisəttar Atakişiyev olan eyniadlı filmdə rol almış aktyor Azər Qurbanovla müsahibə] /müsahibəni apardı V. İmanov //Mədəni həyat.- 2013.- № 9.- S. 74–75.

Mənbə

• "Vaxt ildırım sürətilə keçir, nə vaxtsa filmlərə çəkildiyimi az qala unutmuşam…": "Sehrli xalat" filmindəki Rəşidin — hazırda Amerikada yaşayan Azər Qurbanovun müsahibəsi //525-ci qəzet.- 2013.- 27 iyul.- S.29.