Super Nancy

"Super Nancy" — Nensi Ajramın uşaqlar üçün olan ikinci albomu. 13 sentyabr 2012-ci ildə buraxılmışdır. "Shakhbat Shakhabit" albomunun qazandığı böyük uğurdan sonra Nensi uşaqların ona olan sədaqətinə minnətdarlığını göstərmək üçün daha bir uşaq albomu çıxartmaq qərarına gəldi. "Ya banat" ("Ey qızlar"), "Stouhi" və "Baousi" mahnılarından ibarət 3 sinql 2012-ci ilin Sentyabrında çıxdı.

Super Nancy
Nensi Acram tərəfindən ifa olunmuş studiya albomu
Yayımlanma tarixi	13 Sentyabr 2012
Yazılma tarixi	2011 – 2012
Janr	Dünya musiqisi
Leybl	In2Musica, Arabica Music
Prodüser	Jiji Lamara

Buraxılışı

Nensi ilk dəfə olaraq 2012-ci ilin Ramazan ayında "Ana Wal Asal" verilişində "Ya banat" mahnısından bir parça oxudu. Albomun buraxılışı ilk olaraq 2012-ci il Avqustun sonlarına planlaşdırılsa da, klip çəkimlərində olan gecikmələrə görə təxirə salındı. "Super Nancy" klipi 350.000 dollardan çox büdcə ilə tanınmış Livan rejissoru Leila Kanaan tərəfindən çəkilmişdir. Klipin çəkilişləri 4 gün ərzində Livanın cənubu və Beyrutdakı studiyada baş tutdu. Nensinin qızları Mila və Ellanın da iştirak etdiyi klip Music Nation Digital jurnalında "2012-ci İlin Klipi" adlanmışdı.

Tənqidlər

Müasir tənqidçilər albomdakı mahnıları və Nensinin göstərdiyi vokal imkanları çox müsbət dəyərləndirdilər. LebanonFiles alboma müsbət qiymət verərək əlavə etmişdir: "Ötən ilin sonu və bu ilin əvvəllərindən Nensinin elədiklərinə hərtərəfli baxıldıqda biz anlayırıq ki, bu albom doğrudan da "Super Nancy" adına layiqdir."

Mahnıların siyahısı

1. "Ya Banat" 3:10 / Ey qızlar
2. "Happy Birthday" (Sana Helwa Ya Gamil) 4:00 / Ad günün mübarək
3. "Boe el katkout" 3:13 /
4. "El Nageh" 4:06 / Uğurlu
5. "Baousi" 2:49 /
6. "Adi el beida" 3:33 /
7. "Wez Eiynak" 3:10 /
8. "Stouhi" 3:51 /