Novruz Axundov

Novruz Ağa oğlu Axundov (9 may 1938, Naxçıvan) — Azərbaycan aktyoru və rejissoru.

Novruz Axundov
Doğum tarixi	29 may 1938(86 yaş)
Doğum yeri	Naxçıvan
Vətəndaşlığı	Azərbaycan
Uşağı	3
Fəaliyyəti	Aktyor Rejissor

Həyatı

Novruz Ağa oğlu Axundov 1938-ci il may ayının 29-da Naxçıvanda doğulub. Anası Qərbi Azərbaycanın Dərələyəz mahalından, atası Şərurdandır. Uşaq ikən ailəsi Bakıya köçüb. Ailə əvvəl Kürdəxanı, sonra Pirşağıda yaşayıb.

Novruz Axundov 1955-ci ildə Kürdəxanı orta məktəbini bitirib.

1962-ci ildə İncəsənət İnstitutunun "Kino və dram aktyorluğu" fakültəsinə daxil olub. SSRİ xalq artisti Adil İsgəndərovun tələbəsi olub. Cəfər Cabbarlı adına “Azərbaycanfilm” kinostudiyasında rejissor işləyib.

Novruz Axundov ("Əhməd haradadır") filmində "Uzunduraz Oqtay" rolunu oynayıb. Film aktyorun kinoda ilk işidir.

silsilə rollarda çəkilib. "Mozalan" süjetlərinin xarici dillərə tərcüməsində rejissor kimi çalışıb.

Əsas iş yeri olan "Dublyaj" şöbəsində əla dərəcəli rejissor kimi 500-ə qədər xarici filmin Azərbaycan dilinə dublyajına rejissorluq edib. 1998-ci ildən təqaüdə çıxıb. Hazırda təqaüddədir. İki oğlu, bir qızı, altı nəvəsi var.

Filmoqrafiya

1. (Əhməd haradadır? (film, 1963))
2. Cazibə qüvvəsi (film, 1964)
3. Yenilməz batalyon (film, 1965)
4. İstintaq davam edir (film, 1966)
5. Ömrün səhifələri (film, 1974)
6. İşgüzar adamlar (film, 1977)
7. Gözlə məni (film, 1980)
8. Min birinci söz (film, 1997)

İstinadlar

1. "Arxivlənmiş surət". 2021-10-28 tarixində . İstifadə tarixi: 2014-03-15.
2. "Məşhur Şofer Əhməd: "Film çəkiləndə "Ceyran"ı oynayan aktrisanın ərini tok vurub öldürdü"". 2021-10-28 tarixində . İstifadə tarixi: 2013-11-07.

Mənbə

• Azərbaycan Respublikası Mədəniyyət Nazirliyi. C.Cabbarlı adına "Azərbaycanfilm" kinostudiyası. Aydın Kazımzadə. Bizim "Azərbaycanfilm". 1923-2003-cü illər. Bakı: Mütərcim, 2004.- səh. 52.