Zemfira Əbdülsəmədova

Zemfira Feyzulla qızı Əbdülsəmədova (15 mart 1961(1961-03-15), Bakı) — Azərbaycanın teatr və kino aktrisası, Azərbaycan Milli Konservatoriyası tərkibində Respublika İncəsənət Gimnaziyasında aktyor və rejissor sənəti müəllimi. Azərbaycan Dövlət Gənc Tamaşaçılar Teatrının aktrisası.

Zemfira Əbdülsəmədova
Zemfira Feyzulla qızı Əbdülsəmədova
Doğum tarixi	15 mart 1961 (60 yaş)
Doğum yeri	Bakı, Azərbaycan SSR, SSRİ
Milliyyəti	azərbaycanlı
Vətəndaşlığı	SSRİ→ Azərbaycan
Həyat yoldaşı	Ədalət Əbdülsəmədov
Fəaliyyəti	aktrisa
Fəaliyyət illəri	1982-ci ildən bu günə kimi

Həyatı

Əbdülsəmədova Zemfira 15 mart 1961-ci ildə Bakı şəhərində anadan olub. 1978-ci ildə Azərbaycan Dövlət İncəsənət İnstitutunun “teatr və kino aktyorluğu” fakültəsini bitirib.Diplom tamaşası Edvard Olbinin "Hər şey bağdadır" və A.P.Çexovun vodevilləri əsasında hazırlanan tamaşada rol alıb.1982-ci ildə təyinatla Şəki Dövlət Dram Teatrının aktyor truppasına daxil olub. Teatrda ilk rolu rejissor Hüseynağa Atakişiyevin qurluşunda olan U.Şekspirin "Romeo və Cülyetta" əsərində Cülyetta obrazı olub. "Romeo və Cülyetta" tamaşası Rusiyanın Moskva və Tatarıstanın Kazan şəhərlərində Şekspir festivalında böyük uğurla nümayiş etdirdi. 1985-ci ildə Şıxəli Qurbanov adına Musiqili Komedya Teatrında işə dəvət olunur. Teatrında ilk rolu mərhum sənətkar Vaqif İbrahimoğlunun quruluşunda Fikrət Əmirovun "Gözünüz aydın" musiqili komediyasında tibb kapitanı Gülər rolunu ifa edir.Daha sonra teatrda Nəsibə Zeynalova Hacıbaba Bağırov kimi böyük sənətkarlarla tamaşalarda oynayır. 1989-cu ildə mərhum sənətkar Hüseynağa Atakişiyevin dəvəti ilə Gənclər Teatrında işə dəvət olunur və 2006-cı ilə kimi bu teatrda bir-birindən maraqlı obrazlar yaradır. 2015-ci ilin fevral ayının 1-dən Azərbaycan Dövlət Gənc Tamaşaçılar Teatrının aktrisasıdır. Teatrla yanaşı pedoqoji fəaliyyətlə məşquldur, Azərbaycan Milli Konservatoriyası tərkibində Respublika İncəsənət Gimnaziyasında aktyor və rejissor sənətindən dərs deyir.

Əsas rolları

Şəki Dövlət Dram Teatrı:

• Cülyetta – (“Romeo və Cülyetta”, U.Şekspir)
• Nisə xanım – (“Sərgüzəşti vəziri xani Lənkəran”, M.F.Axunzadə)
• Kamilə - (“Toy”, S.Rəhman)
• Nayman ana – (“Əsrə bərabər gün”, Ç.Aytmatov)
• Selebin – (“Teymur Ləng”, K.Marlo
• Gülbahar – (“Anamın kitabı”, C.Məmmədquluzadə)

/Dövlət Gənclər Teatr:/

• Leyli və anası – (“Leyli və Məcnun”, M.Füzuli)
• Leyla – (“Kəndimizin narları”, R.Əlizadə)
• Xeyransa – (“Laləli düzən”, R.Əlizadə)
• Zöhrə - (“Dadaşbala əməliyyatı”, R.Əlizadə)
• Zərifə - (“Arvadımın əri özüməm”, G.Xuqayev)
• Qurbanəli bəyin arvadı – (“Qurbanəli bəy”, C.Məmmədquluzadə)

/Azərbaycan Dövlət Gənc Tamaşaçılar Teatrı:/

• Ana – (“Ələddinin sehrli çırağı”, Ərəb Xalq nağılı)
• Ögey ana – (“Göyçək Fatma”, Azərbaycan Xalq nağılı)
• Ober – Qofmeysterina, şəhərli – (“Şelkunçik”, E.T.A.Hofman)
• Hacı Kamyabın arvadı-(“Xortdanın cəhənnəm məktubları”,Ə.B.Haqverdiyev)
• Buqa-(“Qohumlar”,V.Şurayeva, Ə.Əmirli)
• Ana-(“Yarımcıq qalmış”,Y.Abramov, L.Bəyim)
• Qumru-(“Ünvansız qatar”,Ə.Əmirli)
• Şirin nənə-(“Şirinlər”,Pierre Culliford)
• Roza nənə-(“Oskar və Roza nənə və ya Tanrıya 14 məktub”,E.E.Şmit)
• Qarı-(“Qızıl balıq”,A.S.Puşkin)

Mükafatları

10 may 2019-cu ildə, 7 may 2020-ci ildə və 7 may 2021-ci ildə Prezident Mükafatına layiq görülmüşdür.

Filmoqrafiya

• Yuxu (film, 2001) — Sənubər
• Qara "Volqa" (film, 1994) — Qadın
• 3 bacı (film, 2012-2014) (bədii serial) — Xədicə
• Ağabəyovlar (film, 2012-2014) — Gövhər
• Xoca (film, 2012) — zaqs müdiri
• Pərvanələrin rəqsi (teleserial, 2012) — Gülnigar
• Sirr (teleserial, 2012) — xəstə
• Həyat varsa... (serial, 2012-2014) — qaynana
• Qisas (teleserial, 2014) — ana
• Qardaşlar (teleserial, 2015) — Reyhan
• Cehizsiz gəlinlər (teleserial, 2016)
• Pərdə (film, 2016)
• Xənnas (film, 2017)
• Stalinin başı (film, 2017)
• Ögey ana (teleserial, 2017)
• Təhmin və Zaur (film, 2018)
• Yanlış anlama (film, 2018)
• Taxta Ayı (film, 2018)
• Qara Yazı (teleserial, 2019)
• Taksi Liza (film, 2019)
• Mən burda tək olmuşam (film, 2020)
• Kəndinə Gəl (film, 2020)
• Asəf (film, 2021)

İstinadlar

1. President.Az (10.05.2019). "İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı" (azərb.). President.az. İstifadə tarixi: 2019-05-10.
2. President.Az (07.05.2020). "İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı" (azərb.). President.az. İstifadə tarixi: 2020-05-07.
3. President.Az (07.05.2021). "İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı" (azərb.). President.az. İstifadə tarixi: 2021-05-07.