Xabi Alonso

Xabier Alonso Olano (və ya tanınan adı ilə Xabi Alonso) 25 noyabr 1981-ci il təvəllüdlü ispan futbolçudur. Xabi Alonso karyerasına doğulduğu Xipuskoa vilayətinin paytaxtı San-Sebastyanın futbol klubu olan Real Sosyedadın əsas komandasında başladı. SD Eibarda icarə əsasında qısa  müddət oynadıqdan sonra o, keçmiş klubu Real Sosyedadın baş məşqçisi Con Toşakın təşəbbüsü ilə bu kluba kapitan olaraq geri döndü. Xabi  Alonso 2002-2003 mövsümündə Real Sosyedadın La Liqanı ikinci yerdə başa vurmasında əvəzedilməz rolu oldu. O avqust 2004-ci ildə 10,5 milyon funt sterlinqlik müqavilə əsasında Liverpula transfer edildi. O, Liverpuldakı ilk mövsümündə UEFA Çempionlar Liqasının finalında həlledici qol vurdu və UEFA Çempionlar Liqasını qazandı. Sonrakı mövsüm o, FA Kuboku və FA Community Shield kubokunu qazandı. O, 2009-2010 mövsümünün başlanğıcında 30 milyon funt sterlinq-ə yaxın dəyəri olan müqavilə əsasında Real Madridə transfer edilib. O,2003-cü ilin aprelində keçirilmiş İspaniyanın Ekvadora 4-0 qalib gəldiyi oyunda milli yığmada ilk oyununu keçirdi. İspaniya milli futbol komandasında  oynadığı müddət ərzində o, Avro 2008, Avro 2012 və 2010 Dünya Kubokunu qazanmaqla yanaşı Avro 2004 və 2006 Dünya Kubokunda ölkəsini təmsil etmişdir. 23 iyun 2012-ci ildə Xabi Alonso Avro 2012-nin dörddəbir final mərhəsində Fransaya qarşı İspaniya milli futbol komandasının şərəfini 100-cü dəfə qorudu. Onun həm yubileyi, həm də İspaniyanın yarımfinal mərhələsinə yüksəlməyinə səbəb olmuş Fransaya vurduğu qol böyük təntənə ilə qeyd edildi.

Xabi Alonso
Ümumi məlumatlar
Tam adı	Xabyer Alonso Olano
Ləqəbi	Mister
Doğum tarixi	25 noyabr 1981 (39 yaş)
Doğum yeri	Tolosa^[d], Tolosaldea^[d], Gipuskoa vilayəti^[d], Basklar ölkəsi, İspaniya
Vətəndaşlığı	İspaniya
Boyu	183 sm
Çəkisi	83 kq
Mövqeyi	yarımmüdafiəçi
Klub haqqında məlumat
Klub	Real Madrid
Nömrəsi	14
Karyerası
Həvəskar karyerası Antiquoko Peşəkar karyerası 1999—2004 Real Sosyedad 119 (9) 2000—2001 →  Eybar 14 (0) 2004—2009 Liverpul 143 (15) 2009—h.h. Real Madrid 158 (4) Milli yığma 2000 İspaniya (18 yaşlılar) 1 (0) 2002—2003 İspaniya (21 yaşlılar) 9 (0) 2003—h.h. İspaniya 109 (15)
Təltif və medalları
Dünya çempionatları Qızıl CAR 2010 Konfederasiyalar kubokları Bürünc CAR 2009 Avropa çempionatları Qızıl Avstriya/İsveçrə 2008 Qızıl Polşa/Ukrayna 2012
Milli çempionatların müxtəlif liqalarında peşəkar klubların heyətində keçirdiyi oyunların və vurduğu qolların sayı, 12 may 2014 tarixində redaktə olunub. Rəsmi oyunlarda milli yığmanın heyətində keçirdiyi oyunların və vurduğu qolların sayı, 11 may 2014 tarixində redaktə olunub.
Vikianbarda əlaqəli mediafayllar

Həyatı

Xabi Alonso 25 noyabr 1981-ci ildə məşhur futbolçu ailəsində anadan olmuşdur. Onun atası Periko Alonso Real Sosyedad komandasında oynayarkən komandası iki mövsüm ard-arda La Liqa çempionu oldu və karyerasındakı üçüncü çempionluğunu Barselonaya transfer olunduqdan sonra əldə etdi. O, həmçinin karyerası boyunca 21 dəfə İspaniyanın şərəfini qorumuşdur. Xabi Alonso kiçik bask şəhərciyi Tolosada anadan olmuşdur. Həyatının ilk altı ilini Barselonada keçirən Xabi Alonso sonradan ailəsi ilə birlikdə San-Sebastyana köçdü. Bu şəhərdə onda futbola qarşı ehtiras əmələ gəldi. Belə ki, o, uşaqlığını "Playa de la Konça" (Balıqqulağı çimərliyi) adlanan çimərlikdə futbol oynayaraq keçirirdi. O, bu illərdə tanış olduğu Mikel Arteta ilə arasında başlayan dostcasına rəqabətin oyun texnikasına faydalı olduğunu söyləmişdir. Atası futbola sıx bağlanan Xabini və böyük qardaşı Mikeli tez-tez birlikdə məşq etmək üçün Sabadelin məşq meydançasına aparırdı. Xabi Alonso atasının oyun üslubunun təsiri altında qol atmaqdansa yaxşı top ötürməyi daha çox sevirdi. Kiçik yaşda o, yarımmüdafiəçi olaraq oynamağa qərar verdi. Bu qərar ona topla rəftarının yaxşılaşmasında böyük rolu oldu. Sonralar Xabinin bu bacarığı onun klub və milli yığma karyerasının ayrılmaz hissəsinə çevrildi.
O, 15 yaşında olarkən ingilis dilini öyrənmək üçün məktəb mübadilə proqramı çərçivəsində İrlandiyanın Kells qəsəbəsinə getdi.
Xabi Alonso və Mikel Arteta olduqca iddialı idilər və onların Real Sosyedadda birlikdə oynamaq ən böyük arzuları idi.

Statistika

Klub karyerası

Klub	Mövsüm	Liqa		Kubok^1		Liqa Kuboku		Avropa		Başqa^2		Cəmi
		Oyun	Qol	Oyun	Qol	Oyun	Qol	Oyun	Qol	Oyun	Qol	Oyun	Qol
Real Sosyedad	1999–2000	0	0	1	0	–		0	0	–		1	0
	Total	0	0	1	0	–		0	0	–		1	0
Eibar	2000–01	14	0	0	0	–		0	0	–		14	0
	Total	14	0	0	0	–		0	0	–		14	0
Real Sosyedad	2000–01	18	0	0	0	–		0	0	–		18	0
	2001–02	29	3	0	0	–		0	0	–		29	3
	2002–03	33	3	1	0	–		0	0	–		34	3
	2003–04	34	3	0	0	–		8	1	–		42	4
	Total	114	9	1	0	–		8	1	–		123	10
Liverpul	2004–05	24	2	0	0	0	0	8	1	–		32	3
	2005–06	35	3	5	2	0	0	10	0	3	0	53	5
	2006–07	32	4	1	0	2	0	15	0	1	0	51	4
	2007–08	19	2	3	0	1	0	4	0	–		27	2
	2008–09	33	4	3	0	1	0	10	1	–		47	5
	Ümumi	143	15	12	2	4	0	47	2	4	0	210	19
Real Madrid	2009–10	34	3	0	0	–		7	0	–		41	3
	2010–11	34	0	7	1	–		11	0	–		52	1
	2011–12	36	1	4	0	–		10	0	2	1	52	2
	2012–13	28	0	7	0	–		10	0	2	0	47	0
	2013–14	0	0	0	0	–		0	0	0	0	0	0
	Ümumi	132	4	18	1	–		38	0	4	1	192	6
Ümumi karyera		403	28	32	3	4	0	93	3	8	1	540	35

¹ O cümlədən FA Kuboku və Kral Kuboku

² O cümlədən UEFA Superkuboku, FIFA Club World Cup, FA Community Shield and Supercopa de España

Milli komanda karyerası

 

Xabi Alonso Avro 2008 çərçivəsində Zaltsburqda keçirilmiş Yunanıstan - İspaniya matçının başlanğıc heyətində

Milli komanda	Mövsüm	Oyun	Qol
İspaniya
	2002–03	1	0
	2003–04	10	0
	2004–05	6	0
	2005–06	12	1
	2006–07	8	0
	2007–08	10	2
	2008–09	14	4
	2009–10	15	4
	2010–11	10	1
	2011–12	16	3
	2012–13	5	0
Ümumi karyera		107	15

İstinadlar

1. "FIFA Dünya Kuboku 2010: Oyunçuların siyahısı" (PDF). Fédération Internationale de Football Association (FIFA). 4 June 2010. səh. 29. İstifadə tarixi: 13 Sentyabr 2013.
2. Rəsmi Real Madrid profili
3. Ballague, Guillem (22 May 2005). "Clever Xabi sets the pass mark". The Observer. İstifadə tarixi: 2008-08-11. (#apostrophe_markup)
4. Fifield, Dominic (25 mart 2006). "Arteta seeks revenge in battle of Basques". The Guardian. İstifadə tarixi: 2008-08-11. (#apostrophe_markup)
5. Balague, Guillem (18 May 2008). "Dads and Lads: Periko and Xabi Alonso". Liverpool. 1 July 2008 tarixində . İstifadə tarixi: 2008-08-15.
6. . eleven-a-side.com. Lynn Group. 25 May 2005. 26 November 2016 tarixində orijinalından arxivləşdirilib. İstifadə tarixi: 17 May 2009.