Vladimir Volobuyev

Volobuyev Vladimir Rodionoviç (25 iyul 1909, Krasnodar - 5 noyabr 1987, Bakı) ― torpaqşünas alim, AMEA-nın həqiqi üzvü (1958), SSRİ Elmlər Akademiyasının müxbir üzvü (1968), iki dəfə SSRİ Dövlət mükafatı laureatı, Əməkdar elm xadimi, kənd təsərrüfatı elmləri doktoru (1946), professor (1949).

Vladimir Volobuyev
Volobuyev Vladimir Rodionoviç
Doğum tarixi	25 iyun 1909
Doğum yeri	Krasnodar
Vəfat tarixi	5 noyabr 1987(78 yaşında)
Vəfat yeri	Bakı
Elmi dərəcəsi	kənd təsərrüfatı elmləri doktoru (1946)
Elmi adı	professor
Təhsili	Kuban şəhəri Kənd Təsərrüfatı İnstitutu
Tanınır	torpaqşünas alim

Həyatı

Vladimir Volobuyev 25 iyul 1909-cu ildə Krasnodar şəhərində anadan olmuşdur. Ali təhsilini 1930-cu ildə Kuban şəhərindəki Kənd Təsərrüfatı İnstitutunda almışdır.

Əmək fəaliyyəti

Vladimir Volobuyev 1931-1937-ci illərdə Tiflis şəhərində Zaqafqa­zi­yanın Su Təsərrüfatı İnstitutunda (indiki Azərbaycan Dövlət Su Təsərrüfatı Layihə İnstitutu) böyük torpaq­şünas vəzifəsində çalışmışdır. 1937-1939-cu illərdə yenə həmin institutda Torpaq-meliorasiya sektorunun direktoru kimi fəaliyyət göstərmişdir. Bakıya qayıdan Vladimir Volobuyev 1939-1941-ci illərdə Az.FAN-nın Torpaq­şü­naslıq şöbəsində Torpaq fizikası bölməsinə rəhbərlik etmişdir. Bununla yanaşı, o, Cənu­bi Muğan, Böyük Qaraçalı, Pir Araks, Şirvan və Kür-Araz ovalığı torpaq ekspe­disi­ya­sına da rəhbərlik etmişdir.

Vladimir Volobuyev 1945-1946-cı illərdə Qafqaz Su Təsərrüfatı ET İnstitutunun Azərbaycan filialının direktor müavini vəzifəsini icra etmişdir. 1947-1948-ci illərdə Azərbaycan SSR EA Torpaqşünaslıq və Aqrokimya İnstitu­tun­da böyük elmi işçi vəzifəsində çalışmışdır. Yenə həmin institutda 1949-1950-ci illərdə Torpaqla­rın melio­rasiyası laboratoriyasına rəhbərlik etmişdir. Vladimir Volobuyev 1950-1952-ci illərdə institutun direk­tor müavi­ni, 1952-1956-cı illərdə direktoru olmuşdur. Habelə Biologi­ya və kənd təsərrüfatı elmləri şöbəsinin akademik-katibi vəzifəsində çalışmışdır. Vladimir Volobuyev 1957-1958-ci illərdə Az.SSR EA-nın vitse-prezi­denti olmuşdur.

Elmi fəaliyyəti

Vladimir Volobuyev Azərbaycanın iri irriqasiya-meliorasiya obyektlərinin tədqiqi nəticə­sində meliorativ rayonlaşma prinsiplərini müəyyən etmiş və onların yuyulması nə­zəriyyəsini yaratmışdır. Həmçinin duzların miqrasiya proseslərinin 6 genetik formasını müəy­yən etmişdir. Bunula bərabər, torpaq ekologiyası, təsnifatı və diaqnostikası mə­sələlərini işləyib hazır­lamışdır. O, respublikada torpaqəmələgəlmənin energetikasına dair təlimin elmi əsas­larını inkişaf etdirmişdir.

Vladimir Volobuyev 1944-cü ildə fəlsəfə doktoru, 1946-cı ildə kənd təsərrüfatı elmləri doktoru elmi dərəcəsini almışdır. O, 1949-cu ildə professor adına layiq görülmüşdür. 1955-ci ildə Azərbaycan Elmlər Akademiyasının müx­bir üzvü, 1958-ci ildə həqiqi üzvü seçilmişdir. 1968-ci ildə isə SSRİ EA–nın müxbir üzvü seçilən Vladimir Volobuyevin rəhbərliyi ilə 15 elmlər və 2 fəlsəfə doktoru hazırlanmışdır. Professor 5 kitab, 156 məqalə, 4 xəritənin və 5 patentin müəllifidir.

Üzv olduğu şuralar

• Keçmiş Ümumittifaq Torpaqşünaslar Cəmiyyətinin Mərkəzi Şura­sının üzvü;
• SSRİ Meliorasiya və Su Təsərrüfatı Nazirliyinin Elmi-Texniki Şura­sının üzvü;

Mükafatları

Vladimir Volobuyev SSRİ Dövlət Mükafatı laureatı, Əməkdar elm xadimi fəxri adlarına, habelə Mendeleyev adına mükafata layiq görülmüş, iki dəfə Qırmızı Əmək Bayrağı, həmçinin Xalqlar Dostluğu, Şərəf Nişanı ordenləri ilə, V.V.Dokuçayev adına Qızıl medalla təltif olunmuşdur.

İstinadlar

1. "Akademik Vladimir Volobuyevin 110 illiyinin qeyd edilməsi haqqında" (Azərbaycan). e-qanun.az. 14-11-2022 tarixində arxivləşdirilib.
2. "Volobuyev Vladimir Rodionoviç" (Azərbaycan). science.gov.az. 18-09-2021 tarixində arxivləşdirilib.
3. "Görkəmli torpaqşünas alim Vladimir Volobuyevin 110 illik yubileyinə həsr olunan yığıncaq keçirilib" (Azərbaycan). gencalimler.az. 11-16-2022 tarixində arxivləşdirilib.